香港灣仔｜天鮨日本料理 Tenzushi

預約困難店 師傅擅長熟成各魚料食材，上菜前會展示食材的原形為客人講解，為客人提供不一樣的廚師發板體驗，亦能創新和味道之間取得平衡🤤

【灣仔| Hello 好耐冇見】 『一如既往的在創新裡面精益求精，越嚟越難訂位唔知下次會係幾時🙈』 ⁡ 天鮨算是當初入門食omakase的第一間店，時隔數年估唔到已經上左神枱，一位難求🥲今次提早左足足半年訂位，總算有機會再一睹風采(✧∇✧)新店位於灣仔，電梯上去經過的餐廳頗有異國的氣氛🍂新店位置增添不少，分為大細房，大房由Kenji San主理，細房則由邦師傅負責👨🏻‍🍳我地就被安排到細房，亦係第一次嘗試到邦師傅的手勢。 ⁡ 對天鮨的感覺向來好複雜。講真其實算不上特別捉得住味蕾，驚喜度始終略嫌不足而壽司部分總係差咁d感覺🍣但係深知佢嘅性價比好高，同時亦好佩服佢地不斷創新鑽研菜式，所以耐唔耐都會想反焯睇下會唔會突然燃起對佢嘅熱情 ⁡ 食評寫過幾次，今次就唔詳細寫了🦦講下依家同兩年前嘅小小對比啦👉🏻晚餐係價格上由$1,800調整為$2,080，可能因為疫情關係之前三款海膽變為兩款，亦似乎冇再出現拍賣級的海膽，酒餚部分做得更加精緻🤍壽司飯係微暖的溫度，柔軟亦夠酸，偏濕潤的同時結構較鬆散⭐整體嚟講都係同以前嘅感覺一樣，變化夠多絕對唔會悶，不過就冇咩深刻嘅印象(最記得其實係北海道長萬部漆黑北寄貝，調味偏淡反而洋蔥味超級濃，我地都唔太鍾意…) ⁡ 推介 🥢鮟鱇魚肝紫素花鱈魚片 🥢九繪魚 🥢松葉蟹 🥢吉列鰤魚 ———————————————————— ♣️ 天鮨 @Tenzushihk ☌ 灣仔船街18號J Senses2樓13號舖 ◔12nm-3pm; 6pm-10:30pm ⁡ 回頭率：🌕🌕🌕🌑🌑 環境：🌕🌕🌕🌕🌑 份量: 🌕🌕🌕🌕🌗 味道：🌕🌕🌕🌖🌑 價錢：HKD2288p.p(incl. 10% service charge)

好高質的omakase，用料上乘新鮮。筋子鮮甜無腥味，生蠔新鮮爽口，海膽入口即化更是拍賣等級。經過熟成的魚生比起本身更是多了一層口感及鮮味，每一道菜都很驚艷。kenji主廚專業，每道菜式都會詳盡解釋，與客人交流甚歡。記得要提早訂位！