香港尖沙咀｜G One Sushi Japanese Restaurant

一排無去鮨一食飯 今日再去 發現壽司吧枱裝修左 換上新嘅冷凍櫃 可以清楚望到備用嘅刺身食材🤩 寧舍開胃！ 我地揀左特上錦繡刺身同特上十貫目 超級豐富 特上錦繡刺身入面件件厚切！ 仲有海膽添！ 我尤其喜歡佢個劍魚腩魚脂豐富 肉質結實👍 牡丹蝦好大隻 蝦肉結實黏糯 特上十貫目 刺身食材都有少少相似 啱啱好想食嘅又可以encore！ 蜜甘鯛壽司比較少食 口感爽滑 同醋飯非常夾 食完刺身壽司 我地就叫熟食 辣味噌煮和牛腹 呢個好正！ 和牛腹軟淋 辣味噌微辣惹味 仲可以當味噌湯咁飲！ 因為辣味噌和牛腹太正 我地又叫多道味噌牛舌食😂 勁多牛舌 牛舌愛好者啱晒！ 牛舌同樣淋滑可口 仲有甜蘿蔔添～ 甲羅燒 喜歡呢度配上脆多士一齊食 咁就唔會過鹹 最後食多個牛油果軟殼蟹反卷 牛油果同軟殼蟹真係好夾 一個軟淋 一個香脆 口感豐富 飽到上心口了！

日本鮟鱇魚肝 $168 魚肝口感非常滑，味道濃郁，配上柚子醋🍊，口感豐富，作為開胃前菜🥗非常合適😋。 白子刺身 $148 老實講Duck哥🦆從來未食過白子，朋友就超級锺意食😂。原來白子口非常感綿密柔滑，並特有乳狀的感覺，入口即融，味道豐厚😋。後來上網發現，原來白子係有好高嘅營養價值，含豐富蛋白質和維他命B等🥰，被日本人視為美顏補身嘅珍品，唔怪得朋友咁鍾意食啦🤣。 秋刀魚刺身 $168 個擺盤好靚又有心思😍，秋刀魚🐟刺身食落既有魚嘅油香味，也有濃濃的魚味🥰，魚嘅油香與濃郁嘅魚味交錯，味道一吃難忘🤭。 竹 $158 以貝殼類🐚為主，朋友果然明白Duck哥🦆，啱哂我胃口😋。面頭放咗帶子、北寄貝、鮑魚和榮螺；帶子和北寄貝勁厚生😍，4️⃣樣貝殼類都好新鮮，刺身下面仲鋪滿咗拖羅魚蓉和魚生飯，勁滿足😋。 蘭 $158 海膽飯果然吸睛😍，面層鋪滿咗海膽、之後係火炙🔥左口魚裙邊，跟住到拖羅魚蓉，底層就係三文魚籽同埋魚生飯，魚生飯入面有好多大大粒嘅三文魚、蝦🦐和北寄貝，整體口感層次感都非常豐富😋。 日本蘋果沙律 $78 食咗咁多好嘢，最後梗係要食返個沙律🥗嚟平衡一下。日本蘋果🍏切絲再加埋蟹柳🦀和沙律菜，感覺非常清新🥰；面頭加咗蟹籽，增強了口感😋。 整體來說，充滿日本居酒屋風嘅優質料理，必試餐廳充滿特色嘅杯杯。

今次坐左喺一個角落，同朋友一齊食，靜靜地一邊傾計，一邊享受著食物，好滿足！ 店員首先送上左日本蘋果沙律（$78），味道啱啱好，淡淡地好清新，最啱做第一道菜，開胃！ 之後就推介2款係應公司週年紀念而出既丼飯，分別名為「梅」同「菊」。淨係個名已經好有意境，而餡都好豐富！ 「菊」（$158）入面有油甘魚、三文魚、白身魚、三文魚籽同埋海膽，個底仲有吞拿魚蓉。啲刺身有厚切既，亦有捲成花既，海膽又一大督，齋睇賣相已經流曬口水。特別要提海膽真係治癒左我既心靈，一入口，完全無腥味臭味，仲要口感係綿綿地咁。我地每食一啖都忍唔住要講：「嗯～好幸福啊～」就知真係好正。 「梅」（$158）入面有日本甜蝦、松葉蟹鉗、松葉蟹肉（蟹籽）、白蝦（配黑魚籽)，同樣都有吞拿魚蓉，令成個飯多個層次。蟹肉平均分佈喺啲飯度，而佢既質地係有啲韌性，所以食落好有咬口，好開心！至於其他就好鮮甜！ 接着係一道滿滿海膽既火山卷（六件）（$198），簡直係為苦悶既生活多加左一點愛啊！ 最後點左石垣貝（一隻）（$58），鮮甜又多汁，估唔到喺一隻入面都食到兩種肉質，有啲位係好爽既，有啲位有少少入口即化既感覺，正啊！