香港長沙灣｜The Americano By Texas Burger

《工廈漢堡談心好地方🍔 》 ================================= 📍 The Americano By Texas Burger 地址: 荔枝角長沙灣道883號億利工業中心1樓12室 ================================= 今次同好耐無見嘅朋友嚟到呢到，環境舒適，空間感十足，夜晚人流唔算好多，非常多人一齊適合傾計，即刻through Openrice 訂枱仲有88折🤩做到6月30號咋！今次叫嘅Dinner set配備湯or沙律以及飲品🈵 ▪️ 招牌脆咸豬手 $168 ⭕️推薦推薦⭕️呢個份量實在驚人香炸到極為酥脆嘅豬手皮勁惹味，豬手肉唔會太軟稔👍🏻配合隔離黃色果個醬超級好味，creamy得黎又唔會太濟！另外都有一大盤外脆內軟嘅薯條🍟以及紫椰菜沙律🥗 ▪️ 費城芝士雞扒漢堡 $138 無敵特大mega size漢堡麵包部分沾滿牛油🧈烤得好香脆，入面夾雜住半溶嘅芝士、火腿、嫩滑嘅雞扒，以及令整體更fresh嘅洋蔥同三色椒🫑！ ▪️ 迷你拼盤 +58 包括有炸得酥脆內裡juicy嘅洋蔥圈🧅、頗為入味嘅炸雞翼同炸雞槌🍗以及咖哩角。份量剛剛好夠過過炸物嘅口癮😍 ▪️紅豆抹茶鮮奶 +$12 估唔到呢個都好高質🍵抹茶味道帶點苦澀，成杯Greentea latte主要靠底部個紅豆調出甜味🫘 ▪️ 蜜桃香橙特飲 +$8 呢個有驚喜！飲落好清新完全唔會太甜，香甜嘅蜜桃同橙味糖水好解渴🍑

荔枝角工廈上面隱藏咗好多高質嘅餐廳💁🏻‍♀️ 今次呢間餐廳主打美式漢堡，仲有意粉、意大利飯、全日早餐、甚至有素食供應，選擇都幾多😆 由於餐廳係工廈上面，餐廳環境好闊落，坐得好舒服，而且坐幾耐都唔會比人趕走❗️ 🍔德州燒烤牛肉漢堡 餐廳嘅主打菜色～非常推薦❗️漢堡大概7成熟左右，牛肉有濃郁嘅肉味同燒烤味，肉汁勁juicy😋 裡面仲有煙肉、洋蔥圈、生菜、芝士，煙肉為漢堡加上香脆口感，半溶芝士超邪惡，而新鮮嘅生菜則減低咗油膩感。個漢堡連個包都好好食😆😆麵包keep到濕潤度但又唔會太乾/太濕，麵包內層仲塗咗一個類似洋蔥醬(?)，甜甜地好正啊😋😋 整體成個配搭都好有心思，有多重口感同味覺享受 🍗香艾菊蜜糖燒焗法國春雞 成隻雞送到埋嚟，勁大隻🤩🤩烤雞非常嫩滑，啖啖都係肉，配埋香艾菊蜜糖醬，又係另一番風味😍😍 🍟小食拼盤 有炸雞、洋蔥圈、咖哩角，炸雞炸得好香脆，裡面仲係好juicy😋洋蔥圈同咖哩角都炸得好脆口，唔錯～ 🥣蘑菇湯 略嫌水咗少少🤏

招牌德州燒烤牛肉芝士漢堡 套餐跟左餐湯，今日嘅餐湯係蘑菇湯，蘑菇味十分濃郁，聞落好香，飲落都幾好，不過如果個湯再熱D就好啦😂。漢堡方面，個包身好鬆軟，中間個餡分量十足，漢堡嘅調味剛剛好，煎得香之餘內裡多汁👍🏻。 。 招牌脆皮鹹豬手 勁大隻嘅鹹豬手，見到佢焦脆嘅外皮就已經流晒口水🤤。個皮脆得嚟油脂感一足，而且一D都吾膩。