香港尖沙咀｜Espresso Alchemy

Chill Tea Time ～ 餐廳位於商場中間位，有好多花花草草嘅裝飾，環境舒適，有休閒嘅氣氛包圍！ 氣泡黑咖啡、生酮意式芝士卷黑咖啡帶有苦甘味道，口感清新提神。芝士卷朱古力味香濃，內層濕潤柔軟，入口濃郁👍🏻兩者搭配好夾。 蟹肉茴香忌廉意粉 意粉麵條纖細，配搭豐盛嘅蟹肉，加上茴香，入口有少少似香茅+海鮮味嘅組合，唔錯。 美麗華 Parma Ham 全日早餐 有冇人好似我咁，無時無刻都愛食早餐，All Day Breakfast令人食慾大增，材料有炒蛋、帕瑪火腿+蜜瓜、煙燻牛肉、烤香蕉、烤番茄、炒蘑菇、炸薯餅、沙律和迷你牛角麵包，即叫即整，睇得出係用心製作，連牛角包都熱辣辣，質地鬆軟，充滿香氣，整個set豐富多樣，好滿足！

尖沙咀鬧市區 環境舒適cafe❤️ 呢間餐廳地點一流，位於Mira mall 地下，shopping 行到攰攰地，坐喺度嘆吓都幾好🥰 氣泡黑咖啡 深深黑色嘅咖啡冒著氣泡，好吸引，無糖配方，入口絲滑唔會太濃，微微苦味，再慢慢回甘，唔錯👍🏻 三文魚沙律配意大利黑醋汁 三文魚片擺成花形，加上色彩繽紛嘅沙律，賣相吸引，沙律菜夠脆爽，和黑醋汁好夾，味道酸酸地又清新，入口凍冰冰，越食越開胃，略略覺得如果份量再多啲就好了。 厚切意大利煙肉配卡邦尼意粉 煙肉切成厚片，表面帶點煎至金黃嘅顏色，口感紮實。意粉好上汁，卡邦尼汁奶味和忌廉味平衡得好好，同煙肉嘅鹹香融合，絕對能夠滿足喜愛肉味嘅朋友！

幾位朋友食Tea ，第一時間諗到呢度，地點就腳，環境舒服，野食好味😋 咖啡係必叫既🤣 自己要左杯latte ，奶夠多，香滑，滲出香濃既咖啡味，唔錯！:yummy: 青醬雞胸沙律 雞胸好大舊，好多蛋白質🤣雖然係雞胸，但唔會好鞋，嫩滑既:D 呢度既青醬好特別，好香，唔辣，好好食，每次黎都會想食佢，配雞胸食一流！:like: 煙肉卡邦尼意粉 個汁好濃，好creamy!:D煙肉厚切，，唔會乾爭爭！食到停唔到口🤣 抹茶忌廉捲 呢度既甜品唔算多選擇，所以簡左一個，大家share，相比想像中大件，好鬆軟又creamy，好濃抹茶味，岩晒我地，好味！ 值得推薦既cafe🥳