香港旺角｜Nagasakayaki

《旺角高質長阪燒食味體驗》 上網睇到旺角一間裝修好精緻既爐端燒居酒屋，即刻訂左位試一試佢。餐廳位於砵蘭街，如果泊車可以考慮泊朗豪坊，行幾步路就到。 一打開電梯門，已經見到一盞好靚嘅水晶燈，門口裝修十分日式，有不同款嘅日式清酒酒桶裝飾。經理安排左坐壽司吧台，可以望住師傅準備食材，格調好好，推薦坐吧枱😁 Oyster set $138 + 梅酒 $38 四隻日之雪花生蠔，又鮮味又大只 食完再飲一啖店鋪自家釀梅酒，好滿足 餐廳有自己釀嘅梅酒，如果坐吧枱望向左手邊會見到好多紅色樽嗰啲就系梅酒，10分推薦試一試 北海道鮮帶子夾海膽 $148 帶子10分新鮮啖啖肉，加埋海膽嘅鮮甜，三文魚子既魚油，一啖過咬落去，不～得～了 鵝肝大黑菇 $108 之前食鵝肝都系配多士，第一次配大黑菇，但原來呢個配搭都好有驚喜🥰 飛騨牛壽司$48 柚子真鯛（2件）$38 10分推薦呢兩款壽司，真鯛壽司口感比想像中豐富，飛騨牛壽司牛味濃 串燒😋 雞脾肉 $32 日本雞軟骨$28 免治雞肉棒 $38 鹽燒豚拖羅 $28 日本鵪鶉蛋$20 餐廳嘅串燒都10分出色，尤其系鹽燒豚拖羅，好耐冇食過咁好食嘅豚肉串燒 😛 餐廳座位位置好舒服，如果唔想坐吧枱入邊仲有四人座位，情侶慶祝、朋友生日都好適合黎呢間餐廳，包保一定滿意👍🏼

朋友生日 想揀間好少少既日本餐廳慶祝下 最後揀左呢間長阪燒 除左有刺身 壽司 串燒 仲有日本蠔 先叫左4隻 Oyster set 係日本 日の雪花蠔 差唔多手掌咁大隻 蠔身飽滿 囗感清爽 本身係跟白酒或者無酒精飲品 但店員推介呢到既梅酒 所以叫左一人一杯試下 生蠔配梅酒好似係第一次 幾特別 但唔會搶咗大家嘅味道 火灸平目魚裙邊 因為燒過表面 食落唔會膩 仲好甘香 雲丹拖羅蓉山盛 店員推介 話一定有驚喜 黎到真係冇失望 勁大份 上面係海膽同飛魚子 中間係拖羅蓉 下面係青瓜卷 一啖食落去口感勁豐富 雲丹天婦羅 呢個都係店員推介 海膽天婦羅我係第一次食 炸過嘅海膽會硬身少少 同紫菜包住一齊炸 食落好脆口 好特別 一定要試吓 最後叫埋串燒試下 特大虎蝦 手掌咁大隻 食落爽口 啖啖肉 鹽燒豚拖羅 厚切豚肉 燒完都好juicy 半肥瘦 燒完好香口 雞首肉 雞頸冇骨既位置 食落都幾爽 青椒仔 辣辣地 幾得意 加左木魚絲 蓋過左草青味 估唔到呢間餐廳會咁有驚喜 而且呢到既staff 都好nice 下次一定會再過黎chill 下

今日去完合味道館玩後，就決定落旺角搵野食，今次搵到間真。隱世嘅日本餐廳，點解我會咁講，因為鋪頭為處砵蘭街嘅樓上鋪，唔講嘅話真係唔知道有。 一入餐廳已經好有驚喜，由裝修到座位擺放都好日式feel，職員服務質素又好，今次我地一人二行叫左以下食物 1. 藍鰭吞拿下顎 依款菜式係菜單上搵唔到，職員推介下，所以一於要試下，聽講依款吞拿下顎係全港得幾間餐廳先有，而且唔係成日有得食，如果撞岩有，真係要點黎食下。由於下顎我運動量大，所以肉質非常好，而且魚脂比例都高，咬落肉質鮮嫩，口感十分滑順，每一啖魚肉都帶有香濃嘅魚脂，非常好食😋而且仲要冇細骨，所以真係可以大大啖咁放落口，火喉控制得好，所以魚皮燒到甘香脆口，魚肉又熟，點埋佢個柚子醬汁一齊食就非常好，柚子味道提升左魚味，而且都減輕左油膩感，正呀🤩🤩 2. 北海道鮮帶子夾海膽 帶子好新鮮，肉質鮮甜，加埋啲海膽，真係令人回味無窮，一啖咬落去有一陣柚子嘅清香，開頭以為係落左少少柚子汁，但原來係刨左柚皮落海膽到，我都冇諗過可以咁，用柚皮就唔會有酸味破壞左海鮮原有嘅味道，而且仲可做到提鮮作用，三者配搭非常之好，一啖放晒落口食，真係好滿足🥰🥰 3. 雞胸軟骨 燒雞胸軟骨就唔係到有得食，軟骨脆口，而且調味落得岩岩好，食係上黎非常惹味，用黎送酒非常一流😋😋 4. 免治雞肉棒 雞肉棒肉質好嫩，加埋啲香料調味，令到啲味道更加豐富，食落去啲口感亦好好，點埋佢個月見醬就非常一流😍😍 5. 提燈 提粒就係未成熟嘅蛋及其內臟串係竹籤上，味道特別，一咬落每一粒「蛋」都會係口入爆開，蛋黃味濃極鮮，非常之正😋😋 6. 煙肉廣島蠔 蠔肉新鮮，煙肉香口，包住一齊黎燒，蠔嘅鮮味同埋啲煙肉嘅香味融合得好好，真係好好味😋 7. 燒豆腐 火喉控制得非常好，燒到外層香脆，但入面保留到濕度，唔好以為豆腐上嘅醬係普通醬，其實佢係一個師傅特調嘅豆瓣醬，同豆腐嘅味道非常融合，唔會太鹹且帶有少量甜味，真係一流😋 整體黎講，食物質素好非高，而且唔算話太貴，好岩同三五知己放工黎食下飲下野放鬆