香港中環｜LOUISE

因為早餐關係，試唔到佢出名嘅三黃雞。 下次會去試佢晚餐。 食物非常精緻好味。

放假搵啲精緻嘅地方享受一下， 今次搵左間米芝蓮一星嘅餐廳食午餐🌟 行政總廚 Franckelie Laloum喺多間米芝蓮星級餐廳工作， 食物質素有哂星級保證！ Louise裝潢極具色彩， 上層同下層嘅風格完全唔同， 打咭位到處都係，我今次擇左坐上層outdoor, 日光配合藤製桌椅別具假日傭懶嘅氣氛！ 今次嘅lunch每人食左三道菜， 不過食呢幾道菜之餘佢又會送多少少嘢比客人試！ 先嚟到面前嘅係酸種包，包包外皮酥脆， 入面好濕潤綿密！ 然後係粟米湯，不過係雪糕形式呈現， 濃厚嘅粟米甜味加入少少咸味， 夏天食呢個真係好啱！非常impressive! 沙律個蕃茄超多汁，basil sorbet呈軟雪糕質地， 同Luigi Guffanti buratta好夾， 但食時會好滴汁，都幾狼狽😅 法國菜對我嚟講最signature係crustacean bisque， 係一種龍蝦連殼嘅精華濃縮嘅味道， 件ravioli唔油膩，食落好清爽， 外皮好有中式點心嘅感覺，好煙韌 當日我就食魚，同行友人就食鴿肉， 魚其實都幾好，新鮮而煎到外皮焦脆， Sauce令魚嘅味道更豐富 但我就覺得但當日嘅鴿肉比較出色， 食得出鴿肉唔係一般雪藏鴿呈粉質口感， 肉質結實細緻有肉香， 煎封鴿腿係一種外層酥脆，里肉細嫩嘅感覺， 呢款真係好好食！ 最後Pastry嘅我擇左朱古力球， 外層脆皮包住內層甘甘地嘅chocolate mousse, 其實味道好金莎，不過朱古力明顯滑身， 係大人食到嘅dark chocolate 味道 同行友人叫lemon tart, 超驚艷！ 檸檬蛋白霜係由黃檸檬再加青檸製成， Tart皮超香脆，中間內餡都好清新， 成件都好開胃，檸檬迷必點🍋🍋 呢個午餐就食左兩個鐘，開頭以為唔會好飽， 點個食完真係好頂肚， 同朋友搵間環境好嘅餐廳食飯 傾下傾下咁就過左咁耐， 我真係要學習放低手機📱， 享受一下食飯嘅感覺😌😌

〖 Louise 🏆 中環 〗 置身法式大宅細味米芝蓮一星餐廳🤩 坐室外望住PMQ嘆法國菜🌳 真係一流嘅享受呀！😍 【Pan seared line caught fish🐠 ($568) 】 好多人一定會嗌Signature 黃油雞 但原來唔只黃油雞好食呀！🤨 Pan seared fish完美做到肉質超嫩滑🥰 係近乎啱啱熟同生嘅邊緣❗️ 所以入口真心滑嘟嘟👏🏻 Fullfoodie大力推介呀！🙌🏻 再加上由香濃蒜特製Bagna Cauda醬🤤 配埋Lemon & Basil即刻好fresh Pan seared外皮係恰到好處😚 脆得黎帶點咸香又唔會韌！ 食過包你番唔到轉頭呀🤣 ========================== 好味指數：😋😋😋😋😋 打卡指數：👍🏻👍🏻👍🏻👍🏻 抵食指數：🤑🤑 ========================== 📍 Louise (中環) 中環鴨巴甸街35號元創方JPC地舖 ========================== 想發掘多啲好嘢食？😛 歡迎Follow我哋其他pages💕 𝙊𝙥𝙚𝙣𝙧𝙞𝙘𝙚: 𝙁𝙪𝙡𝙡𝙛𝙤𝙤𝙙𝙞𝙚 𝙁𝙖𝙘𝙚𝙗𝙤𝙤𝙠: 𝙁𝙪𝙡𝙡𝙛𝙤𝙤𝙙𝙞𝙚 𝙔𝙤𝙪𝙏𝙪𝙗𝙚: 𝙁𝙪𝙡𝙡𝙛𝙤𝙤𝙙𝙞𝙚 大眾點評: 𝙁𝙪𝙡𝙡𝙛𝙤𝙤𝙙𝙞𝙚 ==========================