香港中環｜L'Atelier de Joël Robuchon Hong Kong

呢間餐廳係我八年來最喜愛嘅餐廳。係一間米之蓮三星高級法國餐廳。基本上每年生日/ 重要節日我哋都會去呢度。今年情人節都唔例外。因為工作關係，我哋將慶祝情人節延遲左一個星期。 餐廳裝修屬於高格調。設有吧枱位置及用餐雅座。吧枱位置可以望入廚房廚師烹調食物嘅過程。我哋比較喜歡坐吧枱用餐。 入座後，餐廳會送上一籃新鮮焗製嘅唔同種類法式小麵包。例如牛角包、法式酸種、芝士麵包、煙肉麵包等等。 今日我哋兩位就點餐廳Signature Menu - 六道菜晚餐。分別點左紅酒同埋一杯bloody orange cocktail 。之後送上主廚精心安排welcome course。 第一道：Le Caviar Imperial de Sologne (Sologne Imperial caviar with fine jelly and cauliflower cream) 底層由法國魚子醬做成啫喱再配上面層係由椰菜花做成忌廉。呢個配搭好新鮮！好多時食魚子醬都偏咸，呢個完全唔會。食到淡淡海水味！魚子啫喱鮮甜唔腥。 第二道：La Langoustine (Langoustine ravioli with lobster coral sauce and green peas)簡單來講就係海螯蝦餛飩配龍蝦珊瑚醬和青豆。海螯蝦屬於其中一種龍蝦品種，又稱小龍蝦。餛飩裡面混有龍蝦肉同帕馬森芝士，而個汁做到好似泡沫咁。食落去好輕盈唔覺得好heavy。 第三道：Le Zéphyr au Fromage (Smooth Emmental cheese soufflé with black truffle coulis）嗱嗱嗱，呢個好特別呀。係用Emmental 芝士做成疏乎厘配黑松露汁。平時食疏乎厘都係甜，估唔到放芝士入去疏乎厘都幾好味，質地好似食緊好light 嘅芝士蛋糕。又有濃厚黑松露汁 Emmental 芝士香真係好夾。鍾意食黑松露同芝士朋友一定要試。 第四道：Le Homard Roasted Maine lobster with baby spinach and “béarnaise” sauce 終於到我最鍾意食嘅龍蝦出場，起左成條龍蝦尾上碟配嫩菠菜和蛋黃醬 。龍蝦肉好彈牙爽口，配埋特製蛋黃醬帶出龍蝦肉鮮甜👍🏻 話咁快就食第五道菜，再追加多一杯Cocktail 。食左幾道菜都係海鮮嘅菜式，係時候食返啲肉 第五道: La Caille (Free-range quail and foie gras with seasonal wild mushrooms ) / Le Bœuf Wagyu (Grilled A4 Kagoshima Wagyu beef with French beans and mustard sauce) 我哋兩個分別每人點一道。 我嘅主菜就係鵪鶉和鵝肝配時令野生蘑菇，而男朋友就係烤A4鹿兒島和牛四季豆芥末醬。講下鵪鶉同鵝肝，我食鵝肝嘅時候最初以為食緊鵪鶉，係肉嘅感覺。後來經理講解先知道原來係將件鵝肝慢煮再煎，平時食係滑嘅口感，估唔到可以煮到咁特別嘅口感。當然好好味😋 而A4鹿兒島和牛四季豆芥末醬，呢款和牛嘅脂肪分布平均但唔算多。煎到和牛表面少少脆，保留左大量肉汁，口感似返牛扒。平時食開和牛脂肪含量多，食落口好多油咁，我反而幾鍾意呢種和牛，完全唔油膩。 第六道： La Forêt Noire (Mushroom in Black forest style with griottine and chocolate cream flavored with kirsch) 黑森林風格嘅蘑菇配用櫻桃酒調味嘅牛古力奶油 本人非常欣賞呢個甜品，將黑森林蛋糕做成蘑菇形態做得好靚，朱古力配上榛子慕絲，底部有餅乾crumbs 同埋朱古力奶油味道好有層次。 今次Fine Dine 體驗一如以往質素，每一道都好有水準。我比足滿分。真係好好味，好滿足！所以每年都要返黎食一次。

份量看上去好像很少，但其實食量不大的話不用點套餐。環境真的很好而且服務質素很好。

【🔖中環|圓了這個說了十年的心願】 『未必會好wow但係絕對穩陣又高質，為左麵包都會想再去』 ⁡ 第一間認識的米芝蓮三星店就係 L'ATELIER de Joël Robuchon，一直等待緊一個機會隆重其事地拜訪。以前成日話等結婚週年去，點知等極都等唔到😂唔想再等啦，搵個近似嘅藉口去食啦。 ⁡ 好好彩腸胃炎一日就好翻，冇破壞到用餐的狀態同心情🤍為左可以影相坐得舒服點，我地選擇左 LE JARDIN(Dining Table) ，如果下次造訪會揀翻 L'ATELIER(Bar Counter)可以望住廚師煮嘢食。LE JARDIN 充滿空間感，兩枱之間相隔甚遠隱私度好足夠。 ⁡ Signature Menu($2480)發揮穩定符合期望，都係糅合左少少日本元素，保留傳統法餐風味之餘欣賞佢唔會過分肥膩，冇刻意落重忌廉牛油鵝肝等等。雖然我地已經特登食少左麵包，最尾都係超飽🤰鑒於有一兩道菜唔算太啱口味，相信A La Carte會更高性價比。 ⁡ 如果問有咩同期望的落差… 我諗飲品嘅等待時間有點過長了，儘管fine dine係需要耐性; 介紹餐牌的時候侍應話已經過左白松露的季節所以會轉成黑松露，到最尾上菜嘅時候又變成白松露，感覺有d confused；最尾會有一盒麵包俾我地帶走，但原來唔係我地本身剩下嗰籃，會轉左幾款包(冇左粒brioche🥺😭真係超好味) ⁡ 推介 🥢Pour Commencer 🥢La Truffe Noire 🥢Le Homard 🥢Le Bouf 🥢Canele ———————————————————— ♣️ L'Atelier de Joël Robuchon ☌ 中環皇后大道中15號置地廣場4樓401號舖 ◔12nm-2:30pm; 6:30pm-10:30pm ⁡ 回頭率：🌕🌕🌕🌕🌑 環境：🌕🌕🌕🌕🌕 份量: 🌕🌕🌕🌕🌗 味道：🌕🌕🌕🌕🌑 價錢：HKD2835.8p.p(incl. 10% service charge)