香港新蒲崗｜蟹仙

今日同屋企人去食生日飯，屋企人book左係新蒲崗呢間粥底蒸氣海鮮鍋，由入坐開始已經好感受到店員嘅熱情，首先會幫我地蒸一蒸餐具做消毒，順便同我地介紹一下幾款餐有咩唔同。 介紹左一輪，而且我地都問左一大堆問題之後揀左 - 二人套餐x1 + $399尊貴海鮮套餐x4 = 共6人 二人餐同399餐分別其實唔大，海鮮一模一樣，分別只係有冇牛肉、丸、一堆唔係海鮮嘅野，不過都叫左一個二人餐試下餐廳其他野食。 越南頂角膏蟹、太平洋饅頭蟹、大黃奄蟹 三款蟹都啖啖肉，而且好鮮好甜。 琵琶龍蝦 出面好少見到有得食，雖然佢好醜樣，但係好好食，又鮮甜又多汁。 深海海星班 魚相比起之下冇咁驚喜，不過都好好食，店員蒸嘅火喉岩岩好。 紐西蘭刀貝蚌、大西洋野生青口、台灣九孔鮑魚、紐西蘭月亮貝、韓國慶南珍珠蠔 呢幾款貝殼類都好juicy，當中有個小插曲，廚房出左比我地之後，店員見到有啲細隻有啲大隻，佢話佢過唔到自己果關，於是去換返大隻啲之餘再extra送多左野比我地食，去補償返。其實我眼睇唔係好覺，不過佢哋咁熱情，搞到我都唔好意思。 澳洲青年龍蝦、越南大虎蝦 龍蝦同蝦永遠都係最鮮甜最原汁原味嘅一道菜，再加袋完之後，個殼放返落粥到煲，好正。 有機蔬菜籃 最有驚喜竟然係呢一個菜籃，因為蒸娃娃菜、蘿蔔同粟米，甜到癲左，好食到再叫多一個菜籃食。 最後留肚食最期待嘅一個粥，將所有鮮味集於一身嘅一個粥，煲左成晚，成煲粥開曬花，完美！ 唔洗講咁多，再book位再食過啦！

我係一個超級海鮮迷 海鮮一定要食最新鮮 如果唔使點任何調味料之下 仍然食到嗰個鮮味 就為之新鮮啦 今次我推介呢一間 位於新蒲崗嘅高級食材海鮮蒸氣火鍋 $399 就可以食齊龍蝦、鮑魚、蟹等貴價食材😋 呢度嘅海鮮都係由老闆親自為食客挑選 唔新鮮唔揀㗎👍🏼 另外呢度最重要係服務態度好好 有專人為你烹調每一道海鮮 仲要親自喺你面前消毒碗筷 咁我哋就可以食得開心又放心啦 $399 套餐 太平洋饅頭蟹、龍蝦🦞、台灣九孔鮑魚、越南大虎蝦、大西洋野生青口、紐西蘭刀背蚌、日本大元貝、韓國珍珠蠔、有機蔬菜籃。 真係超豐富呀，食到飽 最後食埋個蟹粥 蟹粥吸收晒所有海鮮嘅精華，超好食！ 我都食咗兩碗！ 呢度嘅海鮮真係超新鮮 特別推介膏蟹，爆曬膏，膏味香濃，好creamy ，蟹肉好實，淡淡蟹肉😋 另外龍蝦都好有驚喜，大大隻，好似手背咁大，一樣啖啖肉，一起啲肉就出晒嚟，好鮮味啊👍🏼

🦀🦞🦐 鮮味十足 必定滿足到海鮮愛好者 不過地方較迫 時間亦得2小時都幾趕🥲 多款不同套餐選擇 當中有安格斯牛肉、蟲草花雞件、丸、有機蔬菜籃等等✨ 💥最後粥底先係精粹 所有海鮮精華都喺晒入面🤤 每位 💰 $299-688