香港新蒲崗｜林洪記水產

見到最近推出優惠， 覺得幾吸引就去幫襯一下 只需要百幾蚊就食到龍蝦，肉蟹，蟶子，象拔蚌刺身 ，生蠔，大頭蝦等等閎海鮮 ，仲有安格斯牛肉, 全部都好新鮮， 而且仲係放題任食! 真係超值!!!

想食蒸海鮮，又想打邊爐，Why Not Both😏？ 新蒲崗就啱啱新開咗間《林洪記水產》，只係$258/位 就有招牌九重鮮蒸海鮮套餐+任食海鮮火鍋兩小時，都真係幾抵食！而且新鋪環境企理乾淨，坐得舒服。 我喜歡吃蒸海鮮，既健康又能保留海鮮鮮甜味道，夠晒原汁原味! 餐廳有溫馨提示各款海鮮烹調時間，大約3至6分鐘不等，時間都容易控制，不用擔心蒸過龍😛。 估唔到價錢親民，但海鮮質素一啲都唔差👍🏻👍🏻 推介澳洲龍蝦啖啖肉，爽口彈牙，好鮮甜 六頭鮑魚夠淋身，又有咬口，夠鮮味～ 大扇貝配合蒜蓉粉絲更滋味 蟶子皇、番薯顯、游水海蝦，夠晒新鮮 原來這裏供應的海鮮，都是由香港仔新鮮直送，唔怪得咁好味啦！ 另外還有深海石斑、文昌雞件、安格斯牛小排，蒸出黎又幾好味喎，清清地又能保留返肉身原有的味道。 蒸完海鮮，就可以轉打邊爐啦🤓。打邊爐食材是任食的，但係餐廳為保持食物新鮮，每次只可點單最多八款。其實火鍋食材選擇很多，海鮮類有海蝦、花螺、炒蟹、魷魚、鯇片等等，肉類有田雞、雞件、雞腸、牛柏葉、安格斯肥牛，另外還有丸類、餃子、烏冬、出前一丁和各種蔬菜，食材都很新鮮! 我同朋友都食得很滿足😌。 訂枱可以去 @togetda !!

放工後梗係去食海鮮鬆一鬆！蒸海鮮盛極一時，我都係海鮮嘅fans，於是就搵咗間正嘢同老友一齊蒸吓烚吓。林洪記水產嘅蒸海鮮套餐都幾抵食，$258就有成個蒸海鮮套餐，蒸完海鮮仲可以任叫任食打邊爐，配料都唔少㗎 ！加$20仲有汽水任飲添。 蒸海鮮方面，餐廳好貼心， Menu上有寫每樣海鮮需要蒸多分鐘，咁就唔會蒸到啲海鮮老晒啦！四選一我哋揀咗澳洲龍蝦，澳洲龍蝦啖啖肉，有膏，龍蝦肉仲好彈牙，食到舔舔脷。然後仲有大扇貝，大扇貝加咗粉絲同蒜蓉，蒸完出嚟真係一級棒！蒸海鮮最好就係可以食到海鮮嘅鮮味，蟶子皇大大隻，又鮮味。月亮貝、番薯蜆同白鱔好鮮甜；海蝦大大隻非常彈牙，連六頭鮑魚都大隻過人，蒸嚟食真係超級好味；再加埋文昌雞件同埋安格斯牛小排，肉嘅質量亦都非常好，非常嫩滑同juicy。另一樣好正嘅係，蒸完同食完咁多海鮮，下面嘅湯底已經非常鮮味，即刻用嚟打邊爐，真係原汁原味。 火鍋配料嘅選擇都非常多，無論係蔬菜、肉類、海鮮、餃類、丸類、蝦滑墨魚滑、甚至麵都應有盡有。食完啲海鮮都飽咗一半，我哋叫打邊爐嘅配料都係點到即止，唔想浪費食物。除咗encore海蝦和安格斯牛肉，我覺得佢哋嘅韭菜餃、墨魚滑、東風螺同白貝都非常新鮮好食。其中白貝我哋都encore左一次，另外魷魚片都好值得叫，大大片爽口彈牙。仲有黃金炒蟹都好食，蟹炸到脆卜卜，蟹殼好容易咬開又入味。食咗咁多嘢，對呢餐海鮮盛宴都幾滿意。