香港九龍城｜EI Restaurant

成日都會去九龍城按摩同搵好嘢食，呢度除咗泰國嘢出名之外，我仲發現咗呢間高質打邊爐🤩 佢哋嘅湯底都好多選擇，我揀咗花膠濃雞鍋，我湯底一上咗之後即刻飲咗兩碗湯，呢度標榜真有機、全天然、無添加，飲落去好有屋企嘅感覺，好足料，啲雞好滑，入口即溶，好推薦呢個湯底！ 除咗肥牛之外，仲叫咗海鮮盛盒，啲海鮮超新鮮，呢度除咗打邊爐之外，仲有刺身食，都幾多種類！平時打邊爐多數都係飲啤酒，今次佢哋推介我試吓佢哋自製嘅洛神花茶，酸酸地好開胃，仲要超大杯，好抵呀！ 樓上果層仲可以包VIP房添嫁，仲有埋代客泊車服務，經過九龍城可以試吓呢間👍🏻👍🏻

九龍城廣場附近 開左間火鍋店 唔係任食係散叫 不過佢個二人餐又幾抵食 餐前小食有椒鹽豆腐同埋芥辣八爪魚 炸野做得好香脆 首先二人餐包湯底 今次預早訂左個花膠雞湯 花膠雞湯一點也不馬虎 花膠好大塊又厚，仲要都有好多舊 個湯底鮮甜，有半隻雞係個鍋 其實飲湯食雞都飽左一截 然後個火鍋餐仲有手切肥牛， 黑豚肉，蒙古羊卷，牛脷粒 成個牛魔王拼盤牛，豬，羊切得大大塊， 厚薄適中 仲有牛胸爽，呢盤肉一點也不馬虎 牛味濃又林 四寶丸，豬肉丸有流心，小心燙口 鴛鴦響鈴，響鈴新鮮炸卷住紫菜 好脆好正 有機菜藍，新鮮好食 另外值得一提，環境好闊落坐得舒服

🍴今日來到宋王臺站，真係要推介呢間餐廳， 佢哋非常歡迎🐕寵物和👶🏻小朋友，地方寬闊，仲有好多小朋友嘅設施玩，聽講遲啲仲會更加多，呀女玩得好開心，見到好多客人都係帶小朋友同寵物，下次我哋要帶埋兩隻狗仔一齊來用餐。