香港長沙灣｜616牛肉火鍋專門店 (長沙灣)

入夜後氣溫涼涼哋，至啱去打邊爐，烚吓烚吓啲靚牛肉啦😍 我就最鍾意去呢間火鍋店烚牛，因為可以食到啲來自不同產地嘅牛肉和特別部位。你睇吓下面啲牛肉名就知有幾特別和刁鑽啦😄 * 鴛鴦沙牛湯底 (HK$82) ．牛骨清湯 — 清湯有白蘿蔔和牛肋骨，清清地可以食真啲不同牛部位的味道，也可以之後烚吓蔬菜和豆腐 ．溶岩沙嗲 — 非常濃厚的重口味，食牛肉又多一種風味😋 * 澳洲五花趾 (HK$68) ．牛後腿肌腱的中心部位，烚6秒就食得啦 ．煮熟後啲筋和紋路比較多和明顯，仲會微微卷起，入口感覺好爽彈呀！ * 安格斯-橫隔肌 (HK$48) ．牛的肋骨内側，與横隔膜相連，每頭牛只有兩小塊，好珍貴㗎！顏色就比較深暗紅色啲 ．烚6秒就食得啦，牛肉味好濃郁呀😋 * 匙柄 (HK$48) ．牛下肩胛肉，顏色比較深紅色啲，不過簿切，又係烚6秒就食得啦～ ．入口柔軟，都係牛肉味偏濃的，正呀～ * 牛駝峰 (HK$48) ．牛的頸背間的肉，幼筋和紋好靚 ．烚8秒後食，有牛肉味之餘也有些少脂油香，我比較鍾意食呢款💛 * 滑尾龍 (HK$48) ．牛嘅後腿外側的肉條，組織比較密集，撈勻雞蛋一齊烚可以軟化肌肉纖維 ．比較厚切有多肌肉纖維，烚20秒左右先熟 ．有一塊唔小心跌咗落沙嗲湯度，烚耐咗一啲，口感依然係幾腍 * 加拿大艾伯塔牛側胸肉 (HK$58) ．是咁多款牛肉之中比較油脂，大理石條紋般的油脂，好靚 ．烚2-6秒左右就食得啦，入口好嫩滑呀～ * 食咗啲牛肉，就要食啲蔬菜，咁先有均衡飲食。我哋就叫咗這些： * 芋絲 (HK$28) ．食芋絲可以幫助促進腸臟蠕動，不過本身沒什麼味，芋絲好掛汁，所以建議烚喺沙爹湯度食會好味啲😋 * 豆腐 (HK$28) ．一份10件左右，幾滑口喎！ ．我比較鍾意烚喺牛骨清湯度食多啲 * 唐生菜 (HK$28) ．呢度啲菜好新鮮、爽脆、清甜 ．我比較鍾意烚喺牛骨清湯度食多啲 * 初生雞蛋 (HK$6) ．好細隻蛋呀，生的，朋友將佢撈入醬料度搞勻 * 菊花桂圓露 (HK$18) ．菊花能清熱，桂圓能安神，入口茶味清甜 * 烏梅汁 (HK$18) ．有助消解疲勞和能幫助消化，入口酸甜美味，可以減肥膩 * 醬料 (HK$10 x 2位) ．自己出去醬料櫃度攞，有多款醬料可以自由配搭 ．我就鍾意個秘製牛肉汁配沙茶醬、芫荽、蒜粒，撈勻配牛肉食好正㗎～

抵食新鮮靚牛肉+信州和牛 近排去左打邊爐，餐廳主打食牛，除左有各種牛肉部位外，亦有日本長野縣直接運到香港嘅信州和牛，包括牛肩胛、牛腹肉、牛赤身等，款式種類都好多，而且唔會收加一服務費，十分抵食 鴛鴦沙牛湯底$82 沙嗲湯底味道香濃幼滑，口感濃郁惹味，另外牛骨湯味道清甜，用黎煮牛肉就一流，可以食到牛肉嘅原汁原味 信州和牛腹肉$78 有豐富油花，入口軟淋鮮嫩 滑尾龍$48 加上蛋漿後，食落好滑身，味道又鮮甜 牛朴肉$48 肉質堅實，而且充滿彈性 牛駝峰$48 脂肪分佈平均，牛肉味香濃，食落有嚼口 豆腐$28 口感軟滑，食落有豆香味 竹笙$48 食落爽口，索左沙嗲湯汁精華，食得過癮 炸魚皮$28 沾上湯汁後，有半脆半軟感覺，口感豐富 手打牛筋丸(半打)$30 肉質結實，咬開會爆汁 娃娃菜$28 公仔麵$12 公仔麵放沙嗲湯底到煮一煮，味道好夾，再加配爽脆娃娃菜，就唔會太單調

5人食了1500元，很飽，牛肉款式多，烏冬好好味，要一試。