香港荃灣｜養心殿台式養生鍋 (荃灣)

放工又去大鴻輝吃火鍋，試過16/F和18/F，今次終於到17/F吃臺式火鍋。 7點半去到，已經有不少枱食客，場面熱鬧，環境夠大，冷氣剛好，感覺良好。（火鍋店通風很重要）座位之間有中國風的典雅屏風隔開，有空間感！坐得好舒服，餐枱亦有足夠位置擺放食物。 坐低之後，店員很快端上一壺茶＊茶芥及醬料每位$20 湯底款式有六款，三心二意，最終決定試朋友推介的酸菜白肉鍋和麻辣鍋鴛鴦鍋， 還可以免費追加酸菜白肉一份或鴨血一份。我們選了白肉，滿心期待著。 麻辣鍋$128（小辣） 湯頭味道濃郁，鍋內不少鴨血和凍豆腐，好有臺灣的味道！而且用料豐富，調味以花椒、辣椒、胡椒為主～麻香帶辣！ 還有淡淡藥材味。 酸菜白肉鍋$128 好足料，整鍋大白菜和豬王花腩肉，本來想額外點寬粉條，但見到湯底入面有好多寬粉條，所以沒有點，都夠食！ 仲有免費追加一份酸菜白肉，好滿足啊～！ 總括，兩人火鍋份量剛剛好，食物質素高，選擇多。 湯底亦夠足料，吃完都不會好口渴。下次想試美人鍋和養生鍋～ facebook打卡有鹹檸七或無酒精飲品送。

口碑好、質素高的台式火鍋 養心殿一向口碑很好，終於有機會試下。叫左個鴛鴦湯底。麻辣湯底入面有蜂巢豆腐，鴨血和香料，再會額外免費賜送一份鴨血。台式鴨血微彈性冇腥臭，很順口。蜂巢豆腐很吸湯。湯底麻香微辣，不會太嗆。另一個湯底就選擇了寧神養心窩，有鮮魚和烏雞製成，清甜鮮味。refill 會refill 返相應湯底，不怕後來沒味道。 配料叫了個手工丸拼盤。蝦丸彈牙好吃，墨丸內有粒粒墨魚，很有口感。梅菜豬肉丸很新穎。鵝肝墨魚丸入面真係有一塊鵝肝，只是味道不太出。最出色就是黑松露蝦丸，黑松露味十足，很香。 韮菜餃大大粒好足料，皮薄及滑。半份都頗為飽肚。魚皮餃同金菇都係正常發揮。值得一提是牛餐肉，炸過好徇脆，外脆內香，本人覺得必食。另外就是酒香白肉，本身驚佢好厚肥膏，但入口不膩，就算泡完湯底，入口都有好清香的酒味。 亦都是必點之一。 總括而言，同香港平時既打邊爐配料不同，係既出色的台式的火鍋體驗。

養生台式火鍋，手工丸正呀！👍🏻😏 新年時去朋友家開完枱之後， 就去左荃灣食肆林立嘅大鴻輝中心搵食。😂 一班人暖笠笠，鬧哄哄最適合打邊爐啦！ 之前成日見旺角分店勁多人排隊， 所以我地就去「養心殿」碰碰運氣🙊， 等左15分鐘就可以入座啦！😏 餐廳裝潢設計以木材為主， 以一室室雅座間開，私隱度十足， 幾有台式別緻小店嘅舒適感～😌 「養心殿」顧名思義， 以養生為主打嘅台式火鍋， 有6款湯底，大部分以滋補養陰藥膳食材為主。 5款為麻辣鍋、養生鍋、寧神養心鍋、薑母鴨鍋、酸菜白肉鍋， 都是沿用正宗台灣做法， 而美人鍋則是自家首創。 我地三個女人一個墟， 當然要揀集養生養顏於一身嘅美人鍋啦！😊 想鴛鴦湯底的話都得， 以較高價錢收費，不用額外加錢喔！😎 識計數就一定係揀埋養生鍋啦哈哈。😂 美人鍋（$188） 用上桃膠、原隻烏雞、南棗等滋潤食材熬製而成， 養顏精華盡滲其中， 既足料又含有豐富膠原蛋白， 夠晒滋補，女生大愛！♥️ 識食梗係飲湯先啦～😎 養生鍋（$188） 奶白色湯底， 用上多種名貴藥材：當歸和人參等， 再配合老雞、金華火腿、豬肉等熬製而成， 益氣又滋補。 本身仲已經有新鮮爽滑嘅鴨血係湯底裏面， 好正呀！😎 貫徹台式火鍋為主打， 連小食都是台式的， 有鹽酥雞、鹽酥蚵仔、滷水鴨、滷大腸、甜不辣等， 唔洗飛台灣， 都可以食到台灣滋味！ 甜不辣（$48） 炸得熱辣辣，魚漿幾香，不錯吃！ 蘸點辣椒🌶️醬更惹味呢！ 鮮蝦滑（$88） 自家手打的蝦滑蝦味濃郁，嫩滑彈身， 加上爽脆的蟹籽，口感更為豐富呢！👍🏻 極上雪花肥牛（$188） 雪花分佈平均，肉色紅潤， 口感軟腍又不失嚼勁， 散發濃郁的肉香，好食呀！ 牛魔王千萬不可錯過呀！ 餃子拼盤（$118） 一客有6款，每款兩粒， 可以一次過試晒所有餃子，價錢都算合理。 每隻雲吞都包了原隻鮮蝦和豬肉餡， 皮薄餡靚。 韮菜餃多菜少肉，比例剛好，好味呀！ 魚皮餃大大粒，魚味濃郁， 唯餃皮厚了一點。 手工丸類拼盤（$108） 和餃子一樣，一客有6款，每款兩粒， 真係幾抵食！😏 當中的黑松露蝦丸、鵝肝墨魚丸、芝士牛肉丸是小編最為欣賞的！ 黑松露蝦丸松露味突出，蝦丸又夠晒彈牙！😋 鵝肝墨魚丸的墨魚味香濃，鵝肝又夠晒矜貴，正喎！ 芝士牛肉丸流心的🧀芝心十分誘人， 芝士控不可錯過呀！ 潮州白魚蛋（$48） 超彈又爽口，魚香十足！🐟 日本🇯🇵牡蠣（6隻）（$138） 雖說是日本出品， 但個子一點也不比美國桶蠔遜色， 入口creamy，鮮味十足， 值得一試！ 蟶子皇（$48） 都幾大隻，鮮甜肥美～😳 雜錦蔬菜盤（$68） 一客便有齊菇菌和菜蔬， 份量都算不少，而且款款新鮮， 不過點解會有味道略苦的紫生菜？😓 真係唔係好適合打邊爐呢！ 湯底咁正，所以我哋叫咗三款吸湯嘅配料～😏 千層凍豆腐（$48） 和吸水海綿一樣，盡吸湯汁精華， 涮愈久愈滋味呢！👍🏻 即炸脆響鈴（$68） 即叫即炸，薄身爽脆，豆味濃郁， 吸收晒湯底的精華，特別惹味！ 寬粉條（$38） 扁長條狀的粉條幼滑爽彈， 煙煙韌韌～ 食完火鍋仲有送甜品， 一個個獨立包裝的雪糕球， 雪糕球有網球般大小， 仲有多款特別的味道如榴槤、益力多等，好滿足呀！😌 整體來說， 「養心殿」湯底用心， 食物質素又有水準， 仲送甜品，服務不錯， 7:30前離座仲有半價優惠， Facebook打卡又有飲品送，抵喎！ 下次一定要再黎！😏