香港荃灣｜616牛肉火鍋專門店 (荃灣)

同屋企慶生🎉 牛肉好食又唔韌，麻辣湯底勁有風味好香，侍應雖然好忙但都好有禮貌，整體感覺非常好

呢間火鍋店 唔只專食牛肉 仲有好多款刁鑽嘅牛肉部位😎牛魔王可以食盡各款部位😝 . 📌午市獨樂樂小火鍋套餐 $78 湯底要咗理想點”鮮”同熔岩沙嗲湯底🥰想是真啲牛味建議揀前者 後者沙嗲味好香 好重花生味🥜肉就揀咗俄羅斯封門柳同滑尾龍😚見其他人滑尾龍係配埋隻蛋 但可能我叫鍋 所以佢幫我𝒎𝒊𝒙咗?鍾意食牛味濃嘅一定會揀封門柳 不過肉偏薄同碎🥺滑尾龍好有驚喜 真係好滑 似平時啲鮮牛 不過就厚身嘅🤤但係肉嘅份量真係偏少得5舊...淨食一個鍋一定唔夠😿配料就有娃娃菜,金菇,蜂巢豆腐,蛋餃,牛丸,貢丸,帆立貝🤩仲會跟一款主食 打邊爐食烏冬就最正🙌🏻 . 📌蘇格蘭雪花胸肋 $68 嚟自蘇格蘭嘅牛種🏴󠁧󠁢󠁳󠁣󠁴󠁿生長喺海拔600米以上山區 土地肥沃並有足夠嘅大自然資源🌱為牛隻提供營養豐富嘅青草做糧食 令牛肉有更高嘅不飽和脂肪酸👍🏻肉質嫩滑 油脂味幾濃郁 夠甘香 仲有好靚嘅雪花紋❄️ . 📌英國安格斯牛前胸肋 $58 嚟自英國𝑨𝒃𝒆𝒓𝒅𝒆𝒆𝒏 𝑨𝒏𝒈𝒖𝒔牛種🇬🇧擁有70%以上血統嚟自純安格斯牛👍🏻喺英國牧場自由放牧 天然草飼 牛味清新 肉質比較淋同滑😚 . 📌美國天然—肩胛翼板 $48 係用咗無激素嘅牛肉😝呢款牛就常見啲 同平時啲牛肩扒差唔多👀牛味係咁多款第二濃嘅👅 . 📌牛駝峰 $48 見個名咁得意就叫咗嚟試吓😎係頸背嘅位 有啲筋 所以好有咬口😍油香同肉味比較平均😆 . 📌616自家製飲品 $15 佢有三款 但其他麻麻地 所以就揀咗玫瑰洛神花茶🌹玫瑰味冇乜 不過飲落唔會好甜 酸酸地 幾開胃😌 . 📌自助醬料 另外佢仲有個醬料區 有兩款汁幾特別:祕製牛肉汁同鮮牛油醬汁 點埋牛肉嚟食都唔錯😎

食物質數非常新鮮及款式多, 性價比一流, 環境舒適, 冷氣非常之勁~! 值得再去!