香港觀塘｜米走雞Live

冬天當然要食雞煲取暖啦，又有得睇雞煲噴火，又有得聽現場live，真係雙重享受啊！🎶🐣 🍴火焰麻辣雞煲 $198 我哋嗌咗細嘅份量都好足夠兩個人，職員會幫手點火同埋撈勻，嗌咗BB辣，雞煲嘅麻味同埋辣味都係好香嘅，亦唔會好油膩，雞肉啖啖肉唔會好多骨！ 🍴蟹籽鮮蝦滑 $108 睇得出的確用鮮蝦製作，味道好新鮮，咬落好彈牙之餘又有蟹籽嘅口感，對得住呢個價錢！ 🍴鮮炸響鈴 $32 同一般響鈴唔同，大大嚿索曬湯。 🍴萵荀 $28 🍴紅薯粉 $22

之前已經同班Friends過嚟打邊爐🍲🙃依稀記得地方環境都很寬敞舒適，佢哋嘅食材都好新鮮👍 聽聞現在獨家創新一款美食😋黃金芝士雞煲🐔 今次我哋經過呢頭順便要去試試哦🤤 第一道菜黃金芝士雞煲🤗無令人失望芝士份量勁多，每份雞件都一樣咁大件嫩滑👍分量十足🙌🏾 我哋還叫咗手打肉丸拼盤+新鮮炸響鈴+還有一個冷盤青瓜🙀估唔到個青瓜係辣嘅～真係開正我口味😆 唔使叫太多嘢😙我哋就咁樣已經好夠飽😍夠晒兩個人食🤤 好抵食🙃 #米走雞 #芝士雞煲 #麻辣雞煲

今日放工之後，約咗朋友喺觀塘食雞煲，聽講呢間米走雞好出名，所以一於去試下。 入到餐廳裝修得好靚好闊落，我哋係坐卡位，一嚟到會有唔同嘅醬汁配料畀你自己配搭，總共有成八款咁多。呢度係手機落單既，方便又環保。觀塘呢間原來唔係因為疫情嘅話係會有live band show架， 希望疫情快啲過可以再嚟聽啦。 而呢間雞煲店，同坊間唔同佢有好特別嘅芝士雞煲， 不過因為我怕我哋兩個人食唔到太多 芝士，所以我哋就叫咗一個麻辣雞煲bb辣 。 麻辣雞煲🐣 一嚟到上面鋪滿咗芫茜，店員好好，會幫手撈勻同埋煮，食得就會通知我哋，雞煲醬汁好濃郁，食落好惹味，bb辣嚟講 辣味係超級輕微嘅，有少少甜味，雞件好大件，而且件件都好嫩滑，食落仲有少少酒味，所以係好香嘅。 我哋兩個食極都唔停，食到差唔多我哋就叫左侍應幫手加清湯打邊爐， 由於其實我哋都飽咗五成㗎喇，所以就唔係叫咗好多邊爐料。 （半份）哈哈蝦中寶 係蝦滑嚟嘅，估唔到半份都好多，有三大舊，而且仲有原隻蝦喺入面，食落彈牙有咬口 （半份）鮮炸響鈴 真係唔係誇張，我未見過咁大嘅響鈴，差唔多有我手掌咁長，浸一浸湯，咬落去外脆內軟超好食 （半份）手打m5和牛丸 牛味唔算好濃，但係勝在好淋，同埋食落都juicy 其他普通配料就有叫芝心丸，娃娃菜同埋稻庭烏冬，稻庭烏冬好煙韌冇酸味嘅，食咗咁多埋單五百蚊左右，其實都幾抵食，環境舒服，下次等我約多啲人再一齊試下佢嘅芝士雞煲先。