香港旺角｜快樂小羊

《快樂小羊火鍋餐廳》 朋友好即興問我一唔一齊食快樂小羊打邊爐，咁啱朋友識人唔洗等位又比好抵嘅折扣我地，咁當然要捧下場啦。 第一次去食呢間火鍋店，主打菜式係羊肉☺️，諗起食羊肉好興奮，餐廳環境好大，冷氣好夠涼唔洗食到流晒汗，湯底方面叫咗個鴛鴦湯（清湯+麻辣），而火鍋配料可以係qr code到落單。 我地4個人叫咗個快樂拼盤（羊肉+豬肉+牛肉），一次過食晒你想食嘅肉，肉類切得厚薄均勻，涮一陣好快就食得，羊肉好夠羶食落好有羊味，而牛同豬食落唔會好靭，一樣咁嫩。 滑嫩太陽卷一樣好食，羊肉味重，賣相好靚，鐘意食羊嘅你可以試試呢幾道菜式。 蒙式羊棒骨嚟到好大枝好吸引，係鐵板上面熱辣辣，用咗好多調味料鋪係羊棒上面，燒到好香脆，咬第一啖好多肉汁爆出嚟，油份好夠，食落辣辣地好惹味，肉質嫩滑超正！除咗羊肉吸引其他火鍋配料都好好食！！ 味道：10/10 性價比：9/10 環境：10/10 服務：10/10

好喜歡約三五知己一齊到快樂小羊火鍋打邊爐，位於旺角豉油街60-104號XX Arcade部分地下至2樓。 其實我已經食過好多次🤩， 依然都幾鍾意， 今次我們一行五人點了成雙鍋(清湯+麻辣湯)、 蒙式烤羊串、 熊本一口牛、 薄皮韭菜盒、 快樂吉祥三寶、 羊羊大拼盤、滑嫩青蝦、 脆肉鯇魚、 手打Q彈鮮蝦丸、 水魷魚、鴨血、響鈴、油條、手拍青瓜、 皇帝菜、粟米、山藥、自製土豆粉、鬼馬墨魚滑。 有四款食物每一次我都必點的，蒙式烤羊串🍢肥瘦適中， 特別喜愛孜然粉香料。薄皮韭菜盒🫔口感鮮嫩美味，韭菜非常香。 快樂吉祥三寶有豬牛羊三款😋， 一次過可以滿足曬三個願望。 另外我每一次都會再點羊羊大拼盤，肉質嫩滑 ，羶味唔算好勁。 香港人基本上一年四季都好鍾意打邊爐🫕， 香噴噴的湯底加上各款不同的配料，飽腹又滿足。 🏷️溫馨提示～ 整個用餐體驗均屬個人分享意見， 只作參考😊。 快樂小羊火鍋餐廳 地址: 旺角豉油街60-104號XX Arcade部分地下至2樓 5 Sep 2022 冬天好鍾意打邊爐🥰，其實夏天打邊爐都冇問題， 今次到快樂小羊火鍋餐廳， 位於旺角豉油街， 幾星期前已經在網上訂了位， 六點鐘準時到達。 原先訂位是想坐卡位的， 但去到已經滿座了， 安排方面就有點令人失望😅。 首先點成雙鍋(辣湯清湯) ， 然後到火鍋配料和熟食 ，豬牛羊拼盤、鬼馬墨魚滑、鴨血、 爽脆鮮毛肚、響鈴、 皇帝菜、油條、土豆粉、 豆腐、海蝦、 烤蠔、韭菜盒子和蒙式烤串， 還有四個人飲了三瓶月桂冠 900ml🤣。 成雙鍋兩款湯底我都喜歡， 辣湯辣度適中， 香料味好濃🤤， 清湯都正， 所以根本不用點醬料也好味。 豬牛羊拼盤超級大碟， 四個人剛剛好， 三款肉質都新鮮， 快樂小羊除了吃羊，豬牛也不錯喎👍🏻👍🏻！ 另外各種火鍋配料都非常好味新鮮， 尤其是鴨血我們點了一碟又一碟，吸了湯汁的味道特別好吃。 烤蠔好juicy， 脹卜卜好肥美。 韭菜盒子外層香脆， 韭菜味道又香又爽甜。 蒙式烤串必點， 羊肉味酥香濃郁， 肥肉和瘦肉兩隻夾著， 豐富口感。 另外要推介月桂冠🍶， 賣相可愛，入口清香好飲。😍 整體而言快樂小羊火鍋絕對是我喜歡的火鍋店， 食過幾次品質依然很好，食物種類多又好味， 四個人埋單大約$1800， 飲飽食醉好滿足。😍 快樂小羊火鍋餐廳 地址: 旺角豉油街60-104號XX Arcade部分地下至2樓 借！ 23 May 2021 天氣開始轉冷，放工後即興到快樂小羊打邊爐， 在旺角區地點非常方便， 前排新開的時候已經和朋友們一起食過， 對於我這個邊爐控來說， 日日打邊爐都唔會嫌多。😍以蒙式涮羊肉火鍋為主， 他們的食材也只用天然牧羊放養的六個月大幼羊， 湯底以36種配料每日新鮮淆製。 除了火鍋配料之外， 這裏還有很多不同的熟食，當然也叫了我最愛的羊肉串。 店內的位置寬敞， 地面是用來接待的， 一樓和二樓是用膳的地方， 今次我們一行兩人店員安排我們坐近窗邊卡位， 環境舒適， 服務周到。👍🏻 首先叫了一個成雙鍋（ 麻辣湯 ＆ 蕃茄湯）$118， 火鍋配料有： 包克圖牛羊涮$248， 手工蟹籽墨魚滑$98， 醬爆三寶$43， 鴨血$31，手工水餃$58， 自製土豆粉$32， 油麥菜$36， 山藥$18，秋葵$21，熟食有蒙式烤串$22，  飲品方面有朝日大樽裝$35和百香果特飲$24。 🔶成雙鍋（麻辣湯 ＆ 蕃茄湯）🍲～ 辣湯底的麻香味濃郁， 帶點微辣適合港人口味， 蕃茄湯底也是我的喜歡的， 甜甜酸酸越食越開胃。 🔶包克圖牛羊涮 ～ 羊肉肉質非常幼嫩 ，每一片羊肉薄薄的放落湯底，燙十幾秒就可以食用，質地嫩口，食到停唔到口。 牛肉肥瘦適中， 也是打邊爐必點的。😋👍🏻 🔶手工蟹籽墨魚滑 ～ 份量很多，入口彈牙。 🔶醬爆三寶～皮內包了墨魚滑和蝦滑等等， 賣相特別， 但口感比較厚。 🔶鴨血～ 放落麻辣湯底， 味道特別夾。😋 🔶自製土豆粉 ～ 晶瑩通透的土豆粉放落邊爐湯底入面， 無論蕃茄味和麻辣味，都吸曬湯裏面的精華。 🔶手工水餃～ 皮薄餡靚， 大大粒。 🔶油麥菜， 秋葵和山藥～ 三款蔬菜也很新鮮， 打邊爐食咁多肉，一定要點返幾款蔬菜來中和返。 🔶蒙式烤串 😍～ 鐵板上的熱辣辣烤羊串，肥瘦適中，用孜然粉香料烤成，完全食到新疆風味。 飲品有邊爐必備的啤酒🍺（朝日大樽裝）， 還有百香果特飲🍹， 很喜歡百香果的香味。👍🏻 整體而言食物質素好，環境舒適，店員服務態度親切友善，下次一定會繼續再來這裏打邊爐。 👍🏻😋 快樂小羊火鍋餐廳 地址: 旺角豉油街60-104號XX Arcade部分地下至2樓

聽講佢嘅味道好正宗，尤其係麻辣湯底，一於去試吓。 行到門口已經聞到好大嘅火鍋味，就係十年前返大陸食小肥羊嘅味，一模一樣🤣 呢間舖頭裝修得幾好，環境好舒服，位置好闊落，亦都好乾淨，一d都唔會油浸浸。 我哋兩個人，當然會叫鴛鴦鍋（價錢好似係128），有辣有唔辣先正，因為喂口大，所以叫咗三碟肉，一碟牛加兩碟羊。一碟係快樂卷，148一份，一份係太陽卷，178一份，牛幾錢就唔記得喇。 三碟肉份量都幾足，而且都幾靚，油脂分布都算平均，味道亦唔錯。羊就簿身d嘅，牛就大塊d，啖啖肉都幾正。雖然餐廳主打食羊，但我始終鍾意食牛多啲。 餐廳最正係除咗肉之外，好多嘢可以叫半份，就算2個人去食都可以食好多嘢。 而且而家lunch time有6折，折扣都算多，折完之後仲抵食。