香港太子｜Flaming Pot

第一次黎火薈中日火鍋打邊爐，店面氣派寬敞，環境舒適，亦設有卡座同包房，店員服務周到有禮貌。除左主打既火鍋，仲有鷄煲、小菜同刺身選擇。 海南椰子雞鍋 ($238) 第一時間飲咗個湯先，湯底用左純椰青水，椰子味特別甜同濃，但又唔會覺咸。雞肉好滑嫩有雞味，忍唔住一連食左幾舊。 鮑魚龍蝦海鮮餐($338) 食材非常新鮮，而且超級豐富：波士頓龍蝦啖啖肉，蟶子皇大大隻好鮮甜，海中蝦爽口，大連鮑魚肉厚彈牙，沙白蜆無沙。 手切鮮牛肉都幾高質，肉質鮮嫩、肥瘦適中、肉味濃郁。 手打三寶丸有牛丸、墨丸、豬肉丸，全部都大大粒，食得出本身材料既鮮味，亦十分彈牙。 套餐仲配有即炸響鈴、稻庭烏冬同雜菜拼盤。份量完全足夠兩個人食，唔需要額外加餸都好夠飽。

心郁郁想打邊爐，朋友就約我去太子一家隱世海鮮火鍋店！位置係太子站後街，行三四分鐘就到，都好方便 一坐低店員姐姐就好熱情介紹，有個海鮮餐都幾抵食，一人338就有五款海鮮，手切牛，手打丸等食！我地兩個人就叫咗呢個餐，另加咗鵝腸，同一渣竹蔗茅根 朋友唔食辣，揀咗芫荽皮蛋湯㡳 超多芫荽，岩哂芫荽控嘅我！ 海鮮餐包括新鮮龍蝦，蟶子皇，大連鮑魚，海中蝦同花甲王 啲海鮮好新鮮，龍蝦爽彈啖啖肉 蝦好大隻又鮮甜，花甲都好肥美！ 安格斯手切牛肉味濃，質素唔差 三款手打丸都好高質 包括牛丸，豬肉丸同墨魚丸 肉質彈牙落足料 即炸響鈴超巨型！即炸金黃香脆 可以就咁點酸甜醬，或者淥一淥吸滿湯汁都正 另外仲包括咗烏冬同蔬菜藍 我地另外加嘅鵝腸都唔錯 鵝腸新鮮又夠肥，充滿油脂香，好邪惡！ 非常抵食嘅一餐，用料新鮮又豐富 淨食套餐每人都只係三百幾！

突然好想食火鍋，想試「火薈中日火鍋」， 食材新鮮高質，好滿意！！ 火薈清湯：揀清湯，因為可以保留了食材嘅原汁原味。佢又有埋我鍾意嘅豆腐同粟米。 安格斯牛頸脊：安格斯牛肉一直以來都備受推崇，而這道牛頸脊更是讓人驚歎。肉質鮮嫩多汁，入口即化，每片都充滿了濃郁的牛肉風味，是火鍋的必點之選。 韓國降霜牛：韓國降霜牛肉的紋理鮮明，口感極佳。在火鍋中涮燙時，肉質更加嫩滑，帶有濃郁的牛肉味道。一定要嘗一嘗這種特色牛肉。 魚皮餃：魚皮餃的皮薄餡滿，鮮美的魚肉。 即炸響鈴：酥脆可口，外層的炸餅香脆，加上浸泡在湯中，味道豐富多樣，讓人回味不已。 皇帝菜：新鮮的皇帝菜是火鍋中的一道亮點。煮熟後，它變得脆嫩多汁，吸收了清湯的精華，為火鍋增添了綠色和健康。 海鮮刺身：最後的海鮮刺身是火鍋的絕佳收尾。新鮮的海鮮刺身包括了各種美味的海產，如生魚片和貝類，配以醬汁，提供了一種清新的風味。 總括，非常滿意，好味，下次約朋友嘅好地方～ #香港探店 #火鍋店探店 #火薈中日火鍋 #火薈 #香港美食 #香港火鍋 #太子火鍋 #太子美食 #旺角美食 #香港探店 #香港必食餐廳