香港尖沙咀｜龍鳳呈祥雞煲火鍋

同舊同事黎到尖沙嘴龍鳳呈祥雞煲火鍋聚一聚，貪呢度裝修懷舊，打卡位多🤟🏻雖然我年紀未至於屬於嗰個年代，不過酒樓龍鳳裝置小時後都有見過下🤣 🌟招牌無骨鳳翼釀雞煲細(小辣) 🐓 同麻甩佬食飯最有feel梗係食雞煲🤣呢個雞煲特別在全部都係釀雞翼，開頭都無留意，原來每隻雞翼都去左骨，中間重釀左蝦滑同紅蘿蔔/芹菜等…醬汁又濃又惹味👍🏻店員幫我哋翻炒幾下，滾一分鐘食得🤟🏻配料重有腐竹 、洋蔥🧅、荀….留意雞翼唔好煲太耐，趁嫩食！ 🌟龍鳳呈祥牛肉拼盤(細) 牛肉拼盤入面有手切牛肉、牛胸油、雪花肥牛、牛柏葉、牛舌同牛肉粒，賣相精緻，份量都唔少樣，牛肉味濃肉嫩軟滑，連牛肉粒都夠腍滑😍 牛舌大塊爽脆，重食到久違了的牛柏葉，索左雞煲汁特別好味👏🏻 🌟即制經典沙嗲牛肉餃 牛肉餃子未試過，「沙嗲牛肉」釀入餃子餡夠哂特別，牛肉味勁濃，沙嗲牛關注組嘅朋友唔好錯過！ 🌟手打蝦滑、花枝墨魚滑雙拼 食蝦滑最怕食到又梅又胜味，呢個絕對新鮮，一份有兩大條，鮮甜，爽口👍🏻 🌟龍鳳呈祥「豐盛」雜菜拼盤 真心「豐盛」既蔬菜拼盤🥗 pack到實一實份量夠3-4位食，有心形且清甜既蘿白、蕃茄、粟米、菇類….兩個人真食唔哂😅 🌟自家製陳年鹹檸七 朋友啤一啤，我就叫左鹹檸七 。原粒鹹檸檬，冰凍七喜飲落清涼解渴，打邊爐岩哂，唔夠喉再叫左權梳打水，加落去依然好夠鹹檸味👍🏻

今晚同男朋友揀左呢間懷舊復古酒樓風嘅餐廳食特色雞煲。呢度成個裝修都好70-80年代，好多打卡位。連啲餐具同碗碟都一絲不苟，夠晒igable。

餐廳以7、80年舊香港為主題裝修。最特別當然係好似酒樓果對「龍鳳」招牌~ 🥢招牌無骨鳳翼釀雞煲 揀了BB辣嘅雞煲醬汁，最正！係去骨雞翼入面釀番啲雞肉同埋紅蘿蔔。雞肉飶味，口感滑嫩得黎又會有啲咬口。而食完雞煲就可以揀豬骨湯式者雞湯打邊爐。 🥢即制經典沙嗲牛肉餃 幾特別，可以一試 🥢龍鳳呈祥豐盛雜菜拼盤 7款菜都好大size，而且擺盤非常有心思 🥢龍鳳呈祥牛肉拼盤 有6款不同牛肉。牛肉同牛粒質地新鮮、牛胸油爽口、牛舌彈牙、牛栢葉都好好味！ 🥢日本廣島蠔 大大粒，入口新鮮肥美 🥢自家制陳年咸檸七配七喜 懷式原粒大大個咸檸檬加汽水，解渴致上~