香港尖沙咀｜T-Pot 旅鍋 火鍋私房菜專門店

旅鍋火鍋私房菜專門店 @ 尖沙咀 今次黎到呢間打邊爐，因為本身覺得佢地餐廳環境裝修幾特別，係用旅行黎做主題既，包括有飛機登機門、扶手電梯同埋世界唔同地方，例如台灣，泰國等等壁畫，勁有旅行feel。 🟥醬料 呢度有多款唔同既醬料，岩晒我呢d撈醬人，除咗普通辣椒醬、沙茶醬等之外，中間嗰格係XO醬、味道夠晒香，入邊材料亦都豐富，有大大粒嘅瑤柱😍 🟧椒鹽拼盤 入邊有炸茄子，炸粟米，九肚魚同埋椒鹽魷魚，因為火鍋要等淥熟，咁就可以食左呢個先，送酒都一流，椒鹽粟米同埋椒鹽茄子有驚喜。 🟨蟶子王 好大隻，淥一分鐘就差不多食得，鮮甜爽口，好好食。 🟩打邊爐set (二至四人餐) 湯底叫左粟米牛骨湯，味道鮮甜，夠晒真材實料， 裡面有幾款牛肉，每款牛肉喺餐牌都有註明淥幾耐，而且牛味濃郁新鮮，肥瘦適中，嫩牛十分滑，推薦。 仲有兩款丸、牛胸爽同埋牛柏葉，我就最鍾意食牛胸爽，油脂感較強，好好味，食肉獸一定要試，唔夠嘅仲有烏冬同埋生菜，一定夠晒飽。

呢間火鍋店嘅潮州牛肉火鍋幾抵，我揀咗沙嗲湯底，幾出色，味道夠濃而且好多櫻花蝦，而啲火鍋配料都唔錯，除咗牛肉之外，我覺得XO醬鮑魚鮮蝦餃係必點，因為好足料，餃入面充滿住鮑汁同蝦嘅鮮味，XO醬令佢食落仲更加惹味

我地嚟到呢間以旅遊為主題嘅旅鍋，餐廳有多間包廂房間，每間都各有特色，花盡心思設計，門口位更有類似機場出境大堂嘅裝飾，好似真係去咗旅行咁！❤️ 【深海花膠濃湯鮮雞鍋 - 美味湯底】🍲 我地揀咗深海花膠濃湯鮮雞鍋，鮮甜嘅湯底由新鮮雞煲成，絕對可以成煲飲曬，加入大量花膠，健康又養顔，啱曬女生食，食完皮膚滑溜溜！😍 【新鮮手切牛頸脊(250g) - 牛魔王之選】🥩 如果你係牛肉控，一定唔可以錯過佢哋嘅新鮮手切牛頸脊，手切牛做緊半價優惠超抵，250克嘅份量夠二人用，牛肉味重，食落嚼勁，真係抵食又滿足，岩晒牛魔王！😎 【新鮮牛舌心 - 特色之選】👅 新鮮牛舌質感滑嫩，都係不錯嘅選擇！😋 【手打鮮蝦丸 - 新鮮美味】🦐 手打鮮蝦丸一份有8粒，每粒都新鮮而且彈牙，真係鮮蝦味濃郁！👌