香港銅鑼灣｜Happy Lamb Hot Pot

我哋兩個人就點咗快樂吉祥三寶(黄金羊王＋美國牛小排＋西班牙黑毛豬)、手工蟹籽墨魚滑、蒙式烤串、滑嫩青蝦、凍豆腐、水魷魚同埋一jar哈密瓜汁；而湯底就揀咗蕃茄湯同埋麻辣湯。 首先當然係將新鮮嘅豬牛羊肉淥熟佢嚟食啦，淥左幾秒一夾上嚟， 濃濃嘅麻辣香味飄到面前，一咬落口真係不得了，豬牛羊肉吸左麻辣湯嘅精華，好入味，羊肉冇羶味，真係唔使點任何醬料都好好食！ 試埋蕃茄湯，濃郁鮮甜，真係會食上癮！推薦大家揀鴛鴦鍋，因為一次過可以試到兩種口味！ 試埋蒙式烤串，肉汁多、冇羶味、即叫即整，真係食到停唔到口，同北京食嘅味道差唔多👍🏻！另外墨魚滑口感彈牙，咬落啖啖墨魚鮮味，吸收晒湯底精華，十分入味！魷魚爽口彈牙、青蝦鮮嫩入味、豆腐索晒啲湯汁好Juicy，食到個肚都突晒出嚟！ 食到咁頸渴，梗係要飲嘢啦，我哋就叫咗一jar哈密瓜汁，飲落好鮮甜，啖啖哈密瓜肉，簡直好似食緊原隻哈密瓜，值得一試 整體嚟講，食物方面同環境都令我好滿意，不過價錢就小貴，兩個人埋單$1000左右，推薦大家試吓！

想吃羊的時候，快樂小羊絕對是首選！今次更為意外的是“蒜蓉燒廣島蠔”燒得剛剛好，鮮甜又有海水味，還有有半刺身的口感。$128/4隻，絕對值得一試!

之前別的地方吃快樂小羊，酸梅湯是免費喝的