香港銅鑼灣｜頭啖湯

💛 超正椰子雞火鍋🥥 今次第一次叫黃金炸魚皮，癲咗勁好食，點解可以咁濃咁香。真係 #極邪惡🥹 個火鍋都未到已經比我哋清曬 呢間頭啖湯佢哋個椰子雞湯底真心冇得輸～椰子怪表示椰子味勁清香，真係飲得落口既鮮美（唔口乾先係重點），雞肉亦都嫩滑唔鞋～未落任何配料都已經飲飲食食得好開心 是日精選有店家當日去海鮮檔拎（包保夠晒新鮮🤤）既司令部海鮮，我哋叫咗南非鮑魚，特大貴妃蚌，花甲同埋筒蠔都勁大隻又好鮮，食得出全部都係靚野～重點重點重點，d海鮮都係明碼實價，價錢合理! 打邊爐又點可以無牛牛，個人最愛佢哋個手切安格斯雪花肥牛，油花分佈均勻，而且肉質鮮嫩唔油膩～ 連嗰渣綜合水果茶都出奇地好飲喎，好解膩食飽飽飲番杯舒服哂～大大大滿足的一晚～ 午市唔食火鍋都有得食米線架～（仲可以轉菜底！一流） ================================= 頭啖湯嘅海底椰栗子雞湯💖 超滋潤，心靈大滿足。特別係呢啲又濕又凍嘅天氣，飲啲熱辣辣嘅湯，舒服曬 佢哋嘅椰子雞煲都勁正㗎

椰子雞同辣雞煲都好食，各有千秋 辣雞煲炒得好香，好入味 椰子雞清清地，啲湯飲完唔會口渴 特別鍾意新出嘅冬瓜鮑魚雞煲！好好味，湯底好清甜 希望可以繼續出:) 配料就正常水準，炸魚皮唔夠脆 牛頸脊同手打芝士墨丸好味

(7/2022)椰子雞煲真係招牌，冇得輸。好香，好好味