香港銅鑼灣｜A Smoking Affair 去滾

去滾 (銅鑼灣) 銅鑼灣登龍街1號金朝陽中心2期Midtown27樓 味道: ⭐️⭐️⭐️⭐️ 價錢: 💰💰💰 抵食指數: ⭐️⭐️⭐️ 返工咁大壓力 放工梗係要同啲同事食餐好 咁啱喺公司附近有一間火鍋店 工作壓力大嘅我哋 二話不說就去try try 一入到門口，就見到一個牌匾 [唔滾唔知身體好］ 就知道呢一間火鍋店創意無限 果然冇令我失望 店舖入面嘅裝修、餐牌、都創意無限，仲充滿住舊香港嘅味道，令到我呢一位80後好有共鳴 為咗配合火鍋店嘅主題「去滾」餐牌上的菜名，都同「去滾」互相配合，非常有趣 就咁睇相，就知道間餐廳創意無限😇 咁食物質素又如何？一樣有驚喜！ 每人有一杯welcome drink 為我哋帶嚟一個開心既opening 我哋決定咗叫椰子雞湯 估唔到湯底已經非常有驚喜 佢真係拎一個椰子出嚟 然後刮入面啲椰子肉，放落個湯度。我哋等佢滾咗一陣，就每人盛一碗來飲。本身只係打算飲一碗，但係實在太正，最後我哋每人都飲咗兩碗先開始 🤣 每碟餸上枱的時候，都非常有心思，設計非常精美。 當中我最深刻印象，就係 [五花腩肉片］ ，佢嘅擺盆非常靚，味道都好鮮味！ 肥牛非常新鮮！而且手打蝦滑同響鈴，我都好鍾意！我用蒜片夾落響鈴一齊食，蒜片仲帶出響鈴的好味🤤 同場我哋都見到有兩台食客慶祝生日🎈餐廳都好貼心，為佢哋準備櫻花和燈牌，然後全間餐廳都會播具有香港特色的生日歌，為佢哋慶生。非常有愛又有趣！ 如果有朋友想慶祝生日，又想一大班人打個邊爐，呢間創意無限又貼心的火鍋店，係不二之選！而且地理位置方便，位於銅鑼灣旺區登龍街！放假同朋友，放工同同事，都可以黎try try 😝 食物： 原個椰子雞湯底 特級即日新鮮肥牛 特級即日新鮮牛頸 五花腩肉片 新鮮牛脷心 爽口黑牛柏葉 8秒卜卜脆響鈴 鴨血 有牌舐冰鎮鮑魚 金甲脆魚皮 牛B子手打牛丸 炙燒包心芝士丸 下面滑手打蝦滑 菜苗餃 百花齊放蔬菜拼盤

「男人唔滾，女人唔緊!? 」去滾，聽名已經夠晒gimmick，其實主打邊爐，裝修落過下功夫，四圍有霓虹燈招牌，帶懷舊感覺。 座位都闊落，啱半打friend圍埋食餐飯，另外都有包廂，私穩度都幾高。 ➤原個椰子雞湯（半隻） 待應會即場將雞同椰子水倒入邊爐入面，加埋本身嘅雞湯底，超級濃郁。未打邊爐之前已經想飲幾碗，好甜，真材實料。 價錢唔算平，不過有返咁上下質素嘅，肥牛油花分佈平均，入口綿軟。牛頸脊肉味濃郁，比較有咬口但亦無咁肥。 五花腩爽口，加少少醬油食就啱啱好。另外牛舌芯都唔錯，薄切，快灼幾秒就OK。 邊爐配料嚟講，選擇就唔係超多，手打牛丸嘅牛味濃，唔係最爽牛彈牙嗰種，但又比手打嘅偏向肉汁豐富。 蝦滑入邊有少少蝦粒，口感有層次啲，又唔會太淋太似蝦餅。 嗌咗三款菜，強烈建議一定要嗌蔬菜。湯底唔肥，啲菜亦都唔會肥淋淋，所有菜都吸晒湯底精華。 總括嚟講，價錢唔算特別平，但係環境服務同埋食物質素，都值得呢個價錢。

放工後，約咗一班朋友一齊嚟「去滾」,呢度嘅裝修好特別,好有懷舊香港感覺,好鐘意佢地既霓虹燈設計,簡直係八九十年代在香港特色!我亦好鍾意佢哋嘅對聯,完全係玩食字😂！真係好鬼正! 除咗火鍋店嘅裝修好有特色之外,就連佢哋嘅餐牌裡嘅火鍋配料都改過,D名仲好吸引! 四個人一齊打邊爐，當然可以叫好多嘢啦!我地就叫左「鴛鴦湯底」（$258） 秘製沙爹湯X麻辣群淮山鴨血鍋 麻辣底真係越食越辣,食到我哋出晒汗 我哋亦都毫不留情地叫左好多餸! 九節蝦($118) 日本廣島蠔($152) 貴妃蚌($232) 頂級靚肥牛($288) 安格斯肥牛(238) 蝦膠釀油炸鬼($98) 金甲脆魚皮($98) 黑松露餃($88) 鮮嫩正菜蔬菜拼盘($98) (芥蘭苗,菠菜苗,白菜仔) 手打牛肉滑($98) 稻庭烏冬($38) 竹蔗馬蹄水(88) 甜品 繽紛鮮果涼粉鍋($108) 餐後一定要order,除咗可以清熱之外仲透心涼…加咗凍冰冰嘅花奶..好正！ 價錢唔算太平,不過地方夠大,可以食得舒舒服服,仲咁有香港特色…都好值得來 去滾 地址：銅鑼灣登龍街1號金朝陽中心二期27樓 #去滾 #銅鑼灣 #hkblogger #hkinfluencer #hkinfluen_space #ifshk #hkfoodie #hkfood #hkbeauty #beautyblogger #beauty #beautykol #beautyinfluencer #hkkol #kol #blogger #foodie