香港旺角｜Running Chicken

黃金芝士雞煲(2-3人) (208hkd) 雞嘅份量都唔少，兩個人食絕對足夠，而且雞件係啖啖肉，唔會得骨多過肉，有部分直程係連骨都無😍叫咗激量芝士🧀️可以拉到絲，非常治癒，芝士唔會太咸，可以簡加芝士湯或者清雞湯，成個湯會變到好creamy，加埋個公仔麵真係perfect池喇😍 酸辣無骨鳳爪 (68hkd) 呢度嘅鳳爪比起出面偏酸少少，口感爽脆，作為前菜非常開胃，無骨就是爽🤤 #foodiblum港式

米走雞其實已經食過好多次，我覺得係街雞煲界來講已經算好味，而且有好多間分店，方便就腳！😆 都係叫番佢哋signature 麻辣火焰雞煲$198，好睇又好食，佢哋仲有芝士雞煲，但係我覺得好膩，同埋雞煲都係麻辣最襯😂會令我回頭咁多次嘅原因係佢哋炒得好香，越食越麻，但係個嘴又唔會變到孖膶腸🥰而且雞件都好滑。另外值得欣賞嘅係食完雞煲，店員會幫手落辣湯，比起其他地方落清湯，咁樣嘅做法就唔怕啲清湯沖淡晒辣味！ 蟹籽蝦滑$108、即炸響鈴$32我覺得係必叫！蟹籽唔係全部打到爛晒，仲保留到粒粒蝦肉嘅口感🦐響鈴，響鈴就正在係自己炸，好酥脆，就咁食都得😂和牛水餃$98都好食，個牛味都好香 雜菇拼盤$48有齊冬菇、秀珍菇、金菇、杏鮑菇，可以咩都試少少🙈最尾仲嗌咗個薯粉，食親辣嘢必叫😂😆

米走雞呢間雞煲專門店真開咗好耐 一直以來身邊好多朋友都食過 今次終於到我食☺️ 今次叫咗芝士雞煲。由於得兩個人，所叫細份。估唔到細份都有咗多件雞🫣 我地完全食唔晒，覺得3人食細細雞應該會岩岩好。好喜歡佢有幾種芝士，做到有芝士味同埋拉絲效果。另外佢會有洋蔥墊係底，吸晒啲雞汁同芝士，超級好食。 我地另外叫咗份四寶丸，有蝦丸、牛丸、墨魚丸等。全部都好大粒同好彈牙，覺得值得一食。 另外都叫咗一份肥牛。肥牛質素幾好，唔會好肥，保持到好嫩滑嘅質感👍🏼👍🏼而且份量亦合乎價錢。 總結係呢間雞煲幾抵食，因為份量嚟講佢絕對算多，而且性價比都幾高。兩個人大概六百幾蚊埋單。