香港旺角｜Hungry Boy Hotpot

秋意漸濃，最啱就係打邊爐😆 🍲啤酒白蜆豬肚雞（$238） 無論雞煲或蜆煲都感覺吸引，真係令我舉棋不定🙈而呢個湯底除咗有齊我哋想食嘅雞及蜆外，仲混合咗啤酒調製，夠晒特別😆 未食已經聞到陣陣啤酒香🍺而食落就有少少啤酒味，無諗過啤酒湯底同啲配料都幾夾，連我本身唔太飲酒嘅都食到，味道仲要唔錯😋湯底好足料，白蜆脹卜卜又鮮甜，雞件都幾嫩，豬肚厚身又洗得乾淨，完全無臭味，呢個價錢嚟講合理👍🏻 🥩封門柳（$298） 本身想食日本牛，但無返貨🤷🏻‍♀️樓面姐姐就推介咗呢款俾我哋，見佢態度咁殷切，就信吓佢啦😆 封門柳係牛橫膈膜嘅肌肉，每隻牛只有一條，真係刁鑽又量少，肉味都係眾多部份中最濃， 👍🏻 樓面姐姐真係無介紹錯，牛肉新鮮，肉味真係又濃又香甜，入口軟腍，但又不失口感，牛魔皇必點🤩 🥩本地新鮮吊龍伴 (小)（$228） 另外點多樣同為較刁鑽嘅部位 - 吊龍伴！ 肉味與封門柳相比會略為遜色，但勝在油香較重又有咬口，味道都唔錯😋 🥩本地新鮮牛頸脊 (小)（$218） 當然唔少得平時打開邊爐都食嘅牛頸脊，雖然味道同食開嘅一樣鮮嫩爽滑，肉味都濃郁，但與封門柳同枱較量時，肉味就好明顯咁比下去🙈 🦪新鮮美國桶蠔（$148） 繼牛肉後，呢樣都係打邊爐必點🤩 桶蠔每隻都肥嘟嘟，真係又大又飽滿又juicy，仲要點淥都唔縮水，一定無得輸👍🏻👍🏻 🐚珊瑚蚌（$98） 珊瑚蚌齋睇賣相已知新鮮，淥一陣就可以食，口感鮮甜爽脆，好味道😋 🥬翠綠萵筍（$29） 薄切嘅萵筍淥耐少少已經無咗口感，所以呢度係厚切就完全合我心意😆但略嫌份量較少！ 🥬油麥菜（$29） 油麥菜新鮮而且洗得乾淨，但不知是否湯底太濃，反而食唔出油麥菜本身應有嘅味🤔 🍺Orion啤酒 朋友為免飲到成肚氣而飽到食唔到嘢，所以飲咗一支後就改飲沙冰😆 味道比hoegaarden好似仲要淡，清爽易入口，啱女士飲嘅！ 🍹鮮果沙冰 (菠蘿)（$42） 樓面姐姐話沙冰係用菠蘿汁打成，飲落有好濃嘅菠蘿味，而且都幾幼滑，重點係味道不太甜，飲住呢杯沙冰打邊爐真係幾爽🤤之後仲encore多咗一杯😆 🍹鮮果沙冰 (柚子)（$42） 呢款以柚子汁打成，同樣地幼滑，但比菠蘿味甜，我同朋友都一致認同菠蘿味比較好飲🙈 不論火鍋及食材真係新鮮又好味，就連平時食量偏少嘅我都同朋友一樣由頭帶到尾食唔停，大推👍🏻👍🏻👍🏻

我和朋友，一行兩日內到旺角搵好東西吃。除咗熱鬧的登打士街，相隔幾條街的白布街一樣好多選擇，今日嚟到呢間火鍋店，決定入去試吓！ 入去之前，店員幫我地量體溫，仲俾我哋一個密實袋入住口罩，非常貼心！一坐低，店員非常熱誠咁推介火鍋。最後我哋選咗BB麻辣雞煲+火鍋，另外仲好豪氣地叫咗一碟日本和牛左上肩肉，花膠筒，娃娃菜。 麻辣雞煲一放落嚟已經聞到好香，食落非常惹味，味道不會過濃過油，讚！雞肉份量夠，非常嫩口，配上麻辣鍋底，好好食，再配上店員推介的韓國米酒，絕配！食完雞煲，店員好快手過嚟加上湯變成火鍋煲。 而花膠筒足足有我成隻手板咁長！簡直係正！而和牛肉肉味非常香濃，正！ 食到9:30 ，突然發現越來越多人入嚟，然後先知道9:30之後有不同優惠例如$98蜆煲，一蚊一隻甜蝦… 總括而言，店員服務非常好，食材好新鮮，味道較得啱啱好，絕對值得回頭！

之前因為疫情關係，已經很久沒出去吃火鍋了。最近疫情放緩，就出動去打邊邊 作為為食妹的我聽到 為食仔 這個名當然覺得好吸引，就和朋友去為食下！未行到店，就聽到附近有人聊天說這裡有間火鍋很好吃～ 店內坐得很舒服，而且通風很好，不會有很多油煙味。 🌟招牌卜卜蜆煲（蒜蓉）：由於太久沒邊爐的關係，決定和朋友放縱一下，點了卜卜蜆煲。沒想到這麼大盤，滿滿的都是蜆，無論邊到撈，都有很多粒大大只蜆，可以狂吃😛蜆肉亦非常新鮮且甜，夾上湯底吃會有少少少少辣，還有很重的蒜香味，非常惹味。由於卜卜蜆實在很新鮮，所以基本上不用點任何醬料已很好吃。 在我們吃卜卜蜆的期間，我們點的食物也隨即送上，非常有效率。 🌟新鮮美國桶蠔：蠔真的非常大只，而且很新鮮，上碟時已聞到陣陣好香的蠔味🦪，吃下去更是非常鮮甜，肉質肥美，滿口都是蠔的鮮味。 🌟美國黑豚肉：如此鮮甜的湯底，當然要配點肉才是絕配。黑豚肉肉質很好，而且是薄片，吃起來不會很膩，食材非常有心思。 值得一贊的是，老闆會非常用心照顧每一抬，整晚也非常勤力的走來走去幫忙，而且要加湯時，加的真的是湯底來，保留著原汁原味。 🌟五色餃子拼盤：以為是五種顏色，原來是五款餃子餃子皮很好食，即時放入鍋後都很有咬口，不會很淋，而且很多料，滿滿都是肉和菜，特別喜歡黑松露餃。 🌟唧唧鯪魚面：雖然這個賣相一般，但質料很好！鯪魚面非常香滑，魚肉味濃但不腥，還頗彈牙 最後還點了生菜吃，此時此刻的湯底已非常甜了！生菜也是新鮮青綠的，很爽口 大滿足的放縱夜，下次要再去食卜卜蜆！