香港旺角｜Masterbeef (Hollywood Plaza)

牛大人食咗幾次都覺得係信心保證，想同朋友食好啲可以選擇牛大人，而且飲品同配菜選擇多，幾時想食都好方便

@masterbeef.hk 𝗶𝘀 𝗼𝗻𝗲 𝗼𝗳 𝘁𝗵𝗲 𝗺𝗼𝘀𝘁 𝗽𝗼𝗽𝘂𝗹𝗮𝗿 𝗵𝗼𝘁𝗽𝗼𝘁 𝗿𝗲𝘀𝘁𝗮𝘂𝗿𝗮𝗻𝘁𝘀 𝗶𝗻 𝗵𝗼𝗻𝗴 𝗸𝗼𝗻𝗴. 𝗶𝘁'𝘀 𝗸𝗻𝗼𝘄𝗻 𝗳𝗼𝗿 𝘁𝗵𝗲 𝗯𝗲𝘀𝘁 𝘁𝗮𝗶𝘄𝗮𝗻𝗲𝘀𝗲 𝗳𝗼𝗼𝗱 & 𝗯𝗿𝗼𝘁𝗵 𝗮𝗻𝗱 𝘁𝗵𝗲𝘆 𝗼𝗳𝗳𝗲𝗿 𝗮𝗹𝗹-𝘆𝗼𝘂-𝗰𝗮𝗻-𝗲𝗮𝘁 𝗱𝘂𝗿𝗶𝗻𝗴 𝗯𝗼𝘁𝗵 𝗹𝘂𝗻𝗰𝗵 𝗵𝗼𝘂𝗿 𝗮𝗻𝗱 𝗱𝗶𝗻𝗻𝗲𝗿 𝘁𝗶𝗺𝗲! 𝘁𝗵𝗲 𝘄𝗶𝗱𝗲 𝘀𝗲𝗹𝗲𝗰𝘁𝗶𝗼𝗻 𝗼𝗳 𝗳𝗼𝗼𝗱 𝗸𝗲𝗲𝗽𝘀 𝗱𝗶𝗻𝗲𝗿𝘀 𝗰𝗼𝗺𝗶𝗻𝗴 𝗯𝗮𝗰𝗸 𝗳𝗼𝗿 𝗺𝗼𝗿𝗲! . 自從牛大人嚟咗香港之後好耐冇食過其他火鍋放題，真係食完返唔到轉頭！閒日午市都幾爆場，自助區嘢食keep住換幾新鮮，極上和牛餐除咗多幾款和牛外仲多幾款魚漿，章魚珍珠漿入面有粒粒章魚幾有口感，干貝魚漿就最重魚味，每一款魚滑都好好食！另外必食一定係芋頭貢丸，豬肉丸混入方形芋頭粒，咬落口感綿密，芋頭粒夠香甜，好想知佢哋係用邊隻🤣 最鐘意嚟食小香腸，出面食一份都幾十蚊呢度可以任食，仲要唔係cheap台灣腸，湯底除咗有必叫麻辣鍋外可以試吓養生濃湯鍋，湯底有娃娃菜、蒜頭、桃膠、紅棗，入落清甜濃郁仲幾潤喉～

牛大人台灣火鍋吃到飽 (荷李活商業中心) 抵食午市任食套餐 身邊好多朋友都已經食過牛大人，而且個個評價都好高，一向好怕排隊既我今日難得早起身去拎飛，真係好在有早到，因為十一點九開始已經出現人龍，人流真係超誇張！ 餐廳既安排好有系統，夠鐘會逐個叫號碼排隊入去，所以就算人多，成個過程都唔會混亂，值得一讚👍🏻 餐廳既環境古色古香，好有風味，我地今次揀左$198既極上和牛套餐，揀完餐之後，可以直接scan QR code落單，送餐速度都好快。 除左用手機落單，餐廳入面仲有一個自助區，分別可以拎醬料、滷肉飯、火鍋配料同埋形形色色既飲品，選擇非常多。 🎈午市：極上和牛吃到飽 $198 佢有八款湯底可以選擇，今次我就揀左台灣鳳梨雞鍋，哩款湯底非常足料，裏面有半隻雞、娃娃菜、苦瓜、蜆、鳳梨同埋小魚乾，入口味道鮮甜濃郁。 🥩肉類方面： 肉類選擇都唔少，有上腹牛五花、安格斯特選牛板腱、澳洲和牛M5牛肩卷、西班牙豬梅肉片、西班牙豬五花片等等，我自己就鍾意每樣叫左一碟先，之後睇下自己鍾意食邊款再嗌，唔知有冇人都係咁既呢🧐 特別推介澳洲和牛M5牛肩卷，佢係咁多款肉裏面肉質最嫩既，而且油脂分布平均，牛味香濃，我地不停咁追加🤣 🦑其他配料： 另外仲有牛媽秘製滷大腸、蟹籽墨魚漿、干貝鮮魚漿、章魚珍珠漿，滷大腸都幾肥美。 🧆特色小食： 小食都有六款可以揀，因為怕食唔晒，所以我地淨係叫左真豬小香腸、糖醋甜不辣，推薦甜不辣，味道可口。 另外加$30可以升級海鮮🦞 🥬自助配料： 出面既自助區有超多配料可以揀，特別推介綿軟既芋頭、清甜既粟米、海帶同埋花枝丸。 🍦牛大人玄米茶雪糕 原來佢既午市係有得任食玄米茶雪糕，哩隻雪糕茶味香濃，味道真係唔錯，我都忍唔住食左兩杯😆 🍵飲品： 哩到既飲品櫃又係超大，選擇勁多，特別推介佢地既冷泡茶，洛神花茶、白桃烏龍都清新好飲。 整體黎講，哩到既火鍋套餐性價比真係好高，而且選擇多樣，真係啱晒鍾意食火鍋既人，絕對值得再訪。