香港旺角｜滾爺火鍋 Bubbly Feast Hotpot

我同男友真係小鳥胃黎，每次食任食打邊爐都食得好少真係好唔抵，所以我地最中意發掘啲逐碟計嘅火鍋店，今次又比我地搵到一間啦! 適逢當日試婚紗試左3粒鐘又攰又肚餓，一早Book左位所以唔洗點等，餐廳望落唔大，原來係有兩層嘅，座位都幾闊落，枱夠大張擺配料一流。 火鍋最重要就梗係啲豉油配料啦，呢樣就每位加$18，配料都算多選擇，最抵讚嘅係佢豉油係用熱水壺裝住，拎到返黎重係熱辣辣!呢樣好有心思，平時打邊爐啲豉油都係凍冰冰，試過有啲凍到好似岩岩係雪櫃拎出黎咁，食物點完豉油就涼左一半，唔夠熱辣辣無左個風味。 招牌椰子雞鍋 (半隻雞) $248 超愛食雞嘅我又叫左雞鍋，不過今次吸引我嘅唔係雞，係啲椰子。成份上黎好有氣，有兩個椰青加兩個椰子，職員好貼心咁比我影完相再幫手倒椰青水落鍋。第一轉係完全唔會加湯，真係原汁原味嘅椰青水! 職員將雞、椰子肉同埋馬蹄放落鍋，給蓋煮到佢出煙就可以將附送嘅漏斗倒轉計時，夠鐘打開蓋就食得!第一淡湯擺入口真係好清新，淡淡嘅椰香味充斥住成個口，慢慢果陣雞味就會散出黎，真係人間美味! 本來以為半隻雞會好少，不過佢隻雞都幾大隻，我地兩個都差啲食唔晒，雞肉好嫩，有幾舊我地食到差唔多最尾都唔會煮到好硬。 牛魔皇拼盤 $298 除左雞之外牛係打邊爐不能少嘅野，貪心嘅我叫拼盤就岩晒啦!咩都有! 呢個拼盤包左牛肩押、牛舌、牛骨髓、金錢肚同埋牛柏葉。牛骨髓好吸引，因為我地之前無試過，軟軟嘅口感好得意，但又會有淡淡嘅牛味，食過翻尋味下次都一定要叫返黎食。 西洋菜 $28 又黎到有西洋菜嘅季節，28蚊有咁大兜真係幾抵食!我地淨係食菜都已經夠飽，麵都無叫到。菜都好靚好甜，唔會有渣，呢個季節叫西洋菜真係無得輸。 蓮藕 $38 又係超大兜，好爽口唔會淋，超香唔會有好多絲，估唔到食菜都咁高質。 飲品我地就無嗌啦，職員比左兩杯水都夠飲，黎打邊爐飲湯底都已經夠晒啦! 呢到位置都幾方便，出左油麻地站行5分鐘左右就到，食完重可以慢慢行上去旺角又得，行落尖沙咀睇夜景又得。

「港式傳統火鍋料理🍲」 ❣️最近天氣開始變得冷了很多， 朋友說要帶我去食下邊爐先 ❣️滾爺二人餐 $396 ❣️鴛鴦鍋 $168 非常推薦這個鍋底！！特別是沙爹鍋 ❣️西班牙無激素豬頸肉 吃得出來肉質很好🤩 ❣️海蝦4隻&沙白8隻 十分的新鮮和甜美多汁 蝦的口感真的很不錯🥳 ❣️手包韭菜餃 4隻 韭菜的味道非常的出色！ ❣️鮮甜手打鯪魚滑 這個的味道像小時候在鄉下吃的一樣🤣 每一口都是實實在在的魚肉 ❣️山根 一定要放在沙爹鍋裡沾滿沙爹汁 ❣️讚岐烏冬 一直都很喜歡這個烏冬的口感 煮久了也不會爛熟掉 ❣️椰青 $48 ❣️王老吉 $18

呢排天氣凍咗咁多最啱就係打邊爐啦，最近我同朋友去咗滾爺火鍋，一間位於油麻地，開到凌晨5點嘅火鍋店，就算夜媽媽想食宵夜都可以去！ 鴛鴦鍋（沙爹湯底+芫茜皮蛋）$168 一邊係香辣沙爹湯底，一邊係清甜芫茜皮蛋湯底，一次過滿足兩個願望~ 美國安格斯牛板眼 $188 軟嫩多汁嘅安格斯牛板眼肉質鮮美，絕對係肉食愛好者嘅最愛。每一啖都充滿鮮味。 爽口手打鮮蝦滑 $78 手打鮮蝦滑質地細緻，但同時充滿大大粒蝦肉，口感十分爽口 百福豆腐 $28 我非常喜歡食嘅滑豆腐~火鍋必備！用清甜芫茜皮蛋湯底更突顯甜味 娃娃菜 $28 清脆爽口的娃娃菜，健康又能解膩，平衡整體口感 讚岐烏冬 $28 手打烏冬麵條彈牙有嚼勁，搭配湯底吸附著湯汁，美味！ 除食物價錢外每人亦需要付醬料費$18，雖然價格偏貴，但食材質素取勝。加上舒適用餐環境同周到嘅服務，滾爺火鍋將成為享受火鍋美食嘅理想之地 #滾爺火鍋 #油麻地 #通宵火鍋 #火鍋店