香港旺角｜Happy Seasons Coconut Chicken Hot Pot

純淨椰子雞鍋、煲仔飯，值得一試！ 椰子雞，係小編去深圳必食之選之一， 不過而家肺炎疫情嘅關係， 好一段時間都冇得再去深圳食好西啦，😭 不過香港其實仲有好多美食之選， 唔一定去深圳先食到， 就好似呢間「幸福四季椰子雞」～ 係openrice見到佢做緊火鍋配料優惠， 18:30前結賬可享有5折優惠， 18:30後入座可享有8折優惠， 21:30 後入座可享有68折優惠。 椰子🥥雞有三款款式可以揀： 原味、野生竹笙、野生馬蹄。 食椰子🥥雞之前， 先調配醬料， 醬油加辣椒，滴幾滴青檸，別有一番風味。 🌟推薦❗️原味四季椰子雞鍋（半隻）（$168） 半隻雞$168，全隻都只係$268， 其實係食全隻抵啲嘅， 不過得我同小妹倆口子嘅關係，食唔得多， 就叫左半隻雞，留返個肚黎食火鍋配料啦！😏 標榜選用100%純淨椰青水， 無添加任何調味和水， 煮之前我地仲試左啖湯底，真係好清甜～ 不過小編覺得其實店家可以搞下gimmick， 係食客面前直接落椰青水， 咁咪最直接嘅証明！😂😂 選用文昌雌雞， 雞皮爽脆，肉質厚而結實， 肉味香濃，甜而不油， 椰子嘅清香伴隨着雞肉飄散出來， 再蘸自製嘅醬料，酸辣惹味。 🌟推薦❗️手工珍寶響鈴（半份）（$36） 有得叫半份同全份， 半份有三件， 即叫即炸，食落香脆可口，感覺唔會太油膩。 🌟推薦❗️唐生菜（$38） 好大份呀！新鮮爽脆，抵食！😏 幸福臘味煲仔飯 （小） （$98） 店員即場幫我地加入芫茜、蔥、 豉油拌勻， 飯粒粒粒分明，臘味又夠惹味，不錯吃！

服務態度好 椰青鍋底新鮮👍

好食，少貴~