香港渡船角｜二家姐正宗原味重慶麻辣火鍋

依間四川火鍋店係區内有名氣✨ 鍾意打邊爐嘅香港人一定要試 食材肉類同海鮮非常抵食 👍 特別油香脆骨腩食落啖啖肉🐟 口感似食豬腩肉😍 餐牌上必食都勁力推薦 而且餐廳環境寬敞 設有VIP房 就算人多都可以 建議去之前訂檯留位 門口有車位 ➽ 重慶麻辣鴛鴦鍋 （麻辣配藥膳） ➽油香脆骨腩 ➽脆鯇片 ➽蝴蝶腩 ➽豬黃喉 ➽冰豆腐 ➽萵筍 ➽炸魚皮（即炸） ➽雜菜籃 ➣ 佐敦渡船角文英街16號地鋪

呢間係香港食過嘅最似嘅重慶麻辣火鍋，因為男友常去四川做嘢，對麻辣火鍋都有啲要求，話香港仲未食過正宗嘅味道兼比較貴。 鋪頭係坐板凳，枱底有大籃放袋，可惜係今日個肚唔舒服，食唔到幾多。牛舌係雪藏貨但質感同牛味都幾好；黑毛豬肉味好夠，肉質亦都非常有彈性；鵝血鴨血喺內地一定叫，香港食過多數失望，但佢係招牌貨，點都咁都試下啦，質素似內地，好滑但係就好有韌；仲有半隻雞，係跟鍋底加78蚊，雞味濃；湯底係鴛鴦，麻辣同清湯，估唔到清湯底好鮮甜好足料喎，我地當湯飲。😂 其實呢間價錢唔平，但味道正宗減左鹹，食物質素幾好，條數響返度。

一分錢 一分貨 仲有黃金廁所 2023/07 再次到訪 一嘗 吊龍牛肉，鵝腸，黃喉 依然保持高水準(價錢都係🤣)