香港油麻地｜Seansin Seafood Experts

南非和牛脊柳 （中） 第一次食南非和牛，原來牛味都濃，肥瘦適中，值得一試 生根 份量好足 三色刀削麵 吸湯 台式鴨血 平時比較少食鴨血嘅，我怕有腥味，但呢個唔會有怪味 菜心苗 （有機） 菜心好爽甜，食落口好爽脆，配埋清甜嘅湯，讚👍🏻 二人海鮮盛 海鮮盛包括咗蟶子王，海蝦同白鱔片。聖子夠大條，食落爽口，有韌性。海蝦好大隻，肉質好紮實，蝦頭有少少膏，係近期食過最新鮮嘅蝦。白鱔片有少少骨，都幾滑。 姬松茸冬瓜湯 冬瓜的味道清爽解膩，滋陰生津，配上姬松茸，味道好像中和，既清晰又明亮，有鮮味同時又有冬瓜的清爽感。落食材前有飲少少，飲完唔會口乾👍🏻

香港人一年四季都想打邊爐，佐敦呢頭好多高質素嘅火鍋店，上網見到呢間食評唔錯同埋環境都幾舒服，所以黎試吓 店員推介我哋試吓佢哋招牌嘅椰子雞鍋$227，個湯底嚟到已經好香椰子水味，職員好貼心幫我哋落左啲雞，蓋上鍋蓋等4分鐘啲雞就可以食得，啲雞肉好嫩滑，無雪藏味，吸收咗淡淡的椰子香味，而且個湯底好清甜，我哋都飲左好幾碗 特尚手切牛（中）$180 非常新鮮，牛味極濃，肥瘦適中，牛油脂超香 尚鮮Prime頂級牛頸脊（中）$238 上菜見到碟牛，靚到嘩一聲，油脂分佈非常之均勻，但係唔會有和牛咁肥膩，油脂香之餘仲有好重嘅牛味 鮮打四寶丸$86 分別有牛丸、豬肉、蝦丸、墨魚丸，職員講全部喺餐廳新鮮手打，每一款都非常足料，我自己就覺得蝦丸最好食，爽口彈牙，蝦味重 脆鯇魚片$72 不得不佩服呢間餐廳師傅嘅刀功，每一片厚薄大細都非常一致，魚片好新鮮而且冇碎魚骨，大家可以安心品嚐 雙拼餃子🥟$96 分別係西洋菜苗香菇餃、木耳鮮蝦雲吞，啲水餃雲吞每一粒都大大粒，非常足料，鮮蝦好新鮮配埋木耳好爽口，西洋菜餃香菇味都好突出 菜心苗（有機）$39 食左多肉都要叫返啲菜，吸收多啲纖維，菜心好新鮮，冇渣 由於我哋嗰日去係星期一，職員推介星期一啤酒買一送一，如果鍾意飲酒嘅朋友都可以過嚟試吓 尚鮮海鮮料理 地址: 佐敦吳松街62-64 幸福商業大廈1樓

朋友從外國回來，話食唔慣外國嘢又好掛住港式火鍋，於是特別book左間房私聊相聚，唔會有人嘈，小朋友又安全！🧸 今晚叫左海鮮併盤同牛頸脊，仲有油甘魚刺身！🤩 海鮮同油甘魚唔駛講已經好鮮甜，個牛頸脊色肉均勻，肉味濃郁，滾兩下就食得好柔軟滑口。🤤 朋友話好耐冇食過咁新鮮嘅食物，今晚真係好滿足！🥰 好開心吖！😆