香港尖沙咀｜人和月雞煲火鍋店Moonerchicken Hot Pot

⭐️激邪惡酥皮芝士麻辣雞煲⭐️ 芝士多到拉絲⭐️ 1.酥皮麻辣芝士雞煲🐔 今次我就食咗呢個中辣嘅酥皮麻辣芝士雞煲，完全冇諗到可以咁野味㗎💓我都係第一次食雞煲上面有酥皮，店員好細心咁幫我地切開個酥皮，幫我哋撈埋佢，我就覺得好特別。而且加埋我最愛嘅芝士，芝士多到可以拉絲，呢個配搭原來都好夾，值得一試。👍🏻 2.野菌冬瓜湯火鍋🍄 晚市SRF極黑和牛套餐(B)🐮 食完咁多麻辣雞，梗係食返個清啲嘅火鍋啦。呢個火鍋打卡真係一流，大大個冬瓜放係中間，冬瓜中間有好多野菌，真係見到都流口水呀。再加埋SRF極黑和牛，牛味好重，口感嫩滑，真係食唔停口呀💓 ⭐️除此之外，佢地既自助火鍋區都有多款蔬菜同丸類等等比你選擇：皇帝菜，娃娃菜，西洋菜苗，生菜，香芋，蜂巢豆腐，炸魚皮，響鈴，金菇，雞髀菇，冬菇，芫荽燒賣，黃金麻吉燒，魚腐等等。 如果想再有多啲選擇，佢哋仲會提供一個QR code比你點菜，裏面有海鮮，牛肉，豬肉，羊肉，自製食品，提供俾你選擇，選擇真係多到花多眼亂。 ⭐️佢地既熟食區有：蒜香雞翼，麻辣無骨雞腳，川北涼粉。甜品區有：雀巢雪糕（朱古力味，雲呢拿味，香芋味），仲有我最愛嘅芋圓呀。自助飲品區有多款汽水飲品提供，真係食到你攬住個肚。🤰🏻 環境：💛💛💛💛🤍4/5 衛生：💛💛💛💛🤍4/5 食物：💛💛💛💛💛5/5 價錢：💛💛💛💛💛5/5 （$765.6/2=💰382） P.S. 服務員好親切，雖然佢哋好忙，但都感受到其實佢都想照顧每一個顧客。呢一餐飯我真係食到好滿足，支持小店係基本常識吧，值得推薦。🫶🏻

難得今晚準時走，就跟朋友放工去尖沙咀搵食。 佢帶左我去一間新開嘅任食火鍋。係海防道嘅樓上店唔太顯眼，都係要朋友帶先知上樓有得食任食火鍋套餐，仲要唔貴，好大份。 餐廳簡約裝修，店員服務非常親切。如果早些到，仲有窗口卡位坐，非常舒服。 餐廳嘅海鮮拼盤超抵食，但因為我哋唔肚餓所以冇加$198叫。只叫了精選牛肉吃到飽Set A. 提供一份美國高級牛肉一客（美國牛板腱、牛下肩、金錢展、牛胸爽同雪花肥牛），之後可無限追加日本豚肉、五花片、魚片、墨魚滑、蝦滑同醉雞件。 唔夠仲可去自助雪櫃任拎蔬菜、菇類、豆腐、腸類及丸類。 食唔夠飽，仲有公仔麵、韓國辛辣麵拎。 同任飲無酒精飲品，有餐廳自家製酸梅湯、洛神花茶及無糖青茶。 首先可選原創酸皮麻辣芝士雞煲/椰青香茅青檸烤魚/麻辣烤魚或藤椒烤魚。 仲可以選味鮮卜卜蜆。 食完頭盤，就可轉火鍋湯底打邊爐。 我哋選了藥膳養生牛奶湯，飲落好重紹興酒味、好補身。 烤魚非常新鮮、超大條鑪魚。店主將魚劏開，無乜骨。肉質非常新鮮滑溜，香茅味超夠香再搭上椰青嘅清甜味，好有置身泰國嘅感覺。 不同部位嘅牛肉，脂肪比例都不同。 可以一次過品賞牛既不同部位，對於有選擇困難症既人來說，非常好👍🏻 尖沙咀來講，呢間自助火鍋CP值超高。 食飽左，仲可以出雪櫃任拎雪糕食，獨立包裝非常衛生。下次再會返來encore!

主要流程，係先成頭盤，之後先開始打邊爐。頭盤可以揀麻辣雞煲、酸菜魚、卜卜蜆、韓式芝士雞，亦可以加錢改成酥皮芝士麻辣雞煲。 芝士混入咗麻辣雞煲令味道更濃，酥皮切開之後可以放入煲入面索晒啲汁再食。 食完頭盤可以揀返八款其中一款湯底，今次就試吓香茅椰青湯底，勁有東南亞feel。由於食和牛海鮮餐，佢哋先上牛肉拼盤同埋海鮮拼盤，其他可以出去出面凍櫃拎，肉就係手機落單。佢哋仲有自家飲品，記得去拎埋。最誇張都係隻帆立貝，成塊面咁大隻，食落仲好甜添。 食完就食甜品，有雪糕，有芋圓，仲有DIY棉花糖。