香港長沙灣｜相馬日式火鍋 (長沙灣)

11/21（一）前往用餐，真的是吃到賺到，CP值太高了，服務人員也很關心用餐狀況，我跟我妹都覺得太讚了，大推～大閘蟹吃到飽，可以搜尋相馬日式火鍋的IG，我在台灣有先用WHATS APP訂位，很方便，真的是大閘蟹季節不可錯過的超👍餐廳。

秋風起唔食臘味，就梗係食蟹公啦！ 一行四人好想食餐勁，就去左相馬，四人兩鍋 ----- 一邊係火鍋，一邊係蒸蟹，兩邊都係放題任食，究竟$398一位，係咪值回票價💰呢？ 火鍋放題應有既丸類、菜類、汽水、雪糕都好齊全，仲有埋即叫即燒串燒🍖，剩係講串燒雞翼都有好多風味：蒜蓉牛油、水牛城、芝士、土匪，樣樣都恰到好似，無overcook、唔會得個“燶”字。仲有串燒虎蝦，燒得夠香、肉地岩岩好唔會燒乾晒。 咁主角大閘蟹，係任叫既，店員細心幫我地準備，先後兩次提我地，水滾先開始計20分鐘，確保熟透。 由於可以一路食一路再order蟹，我地都係三幾隻蒸完先再叫多round, 呢度實在太多野食選擇，四個人坐六人檯，生料同熟食都放Full晒 😁😁 蟹就隻隻活生生、眼仔碌碌既，蟹殼飽滿得又彷似要撐開又隱隱透出黃色，應該好肥美。 蟹蒸好，因為太熱未能動手，就相機食先。放題蟹隻隻四両有多，爆膏爆到出晒界！咁食公蟹當然最想係食d白膏，我地平均每人食左五隻，吞落既白膏，夠晒銷魂 😋😋 而家上網訂蟹，四両幾既公蟹一般都要80蚊一隻，我地每人食左五隻，即係買返屋企自己蒸，食完又要洗，都要$400一個人呀！所以， 呢度真係非常抵 😂😂 其實，食呢餐飯真係好忙，仲有靚既肥牛同豚肉，同埋帶子、海蝦、鮮蠔、青口、蜆既海鮮拼盤！ 經歷左呢一餐既 CRABcation, 第二日我地四個人都唔多食得落 Lunch呀~ 🤣🤣 但已經又約左下星期再黎多次喇，Yeah✌ ✌

知道姐妹係大閘蟹迷，一聽到荔枝角有大閘蟹放題加打邊爐，一於約去試！ 依間邊爐店放題真係幾好，除左有秘製沙律，多款菜類，丸類，菇類等邊爐必食item之外，仲有美國頂級牛小排，日本鹿兒島黑豚，雞肉，等等，仲有。。。。。。 任食時令大閘蟹！！！！依個時候多數都係食“公”，蟹有手掌咁大，朋友話蟹腳有毛係靚嘢, 唔好睇佢唔係好巨型，但啲膏都好多， 而且聲甜美味唔會死實實，完全冇膩嘅感覺！員工們分別話將蟹放上蒸架後蒸20分鐘，雖然咁多枱客,啲員工都keep住同客人睇住，提住，幫手加水，服務好好！ 另外，點了一些烤物同炸物，平時自己去燒烤燒多春魚會黐住響叉度，依家輕鬆食到原條的香烤多春魚。 喜歡吃蝦的，這裡簡直是福音，烤大蝦是任食的！而且真心爽口彈牙，鮮甜，我們encore了幾round,真係抵返矖！另外仲有牛肉串，雞肉串， 燒鯖魚，雞腎，菠蘿等等！炸物都有睇頭，炸蝦丸外面包著香脆麵包粒，外面四五十蚊四粒的越南蔗蝦依家都有得食！ 不能錯過的還有海鮮拼盤，有虎蝦，泰國大頭蝦，日本帶子，青口，生蠔同蟹柳。 蠔夠大隻，煮完蠔都沒有縮細，肚位仍然飽滿，鮮甜。 一餐美好的放題怎能沒有雪糕呢,除了milk top嘅三個味道（抹茶，朱古力和牛奶）雪糕之外，仲有三款韓國雪條，我拎嗰條係焦糖爆炸糖味,都推介俾大家的～ 一個價錢，除了有多選擇嘅火鍋配料，仲有烤物，炸物，甜品，大閘蟹，啱飲嘅飲品。。。。。。應有盡有， 只係怕你個位放唔落咁多食物呢～😜