香港尖沙咀｜Xiao Yu Hotpot Restaurant

🤪幾熱都要打邊爐🤪 - 放假前夕 同同事去試新嘢：生酮火鍋🧐 ‼️ Keto係極低碳水 低蛋白質 以脂肪為主嘅飲食 食物選擇極少 唔係個個適合 唔好亂試‼️ 瘦/輕唔等於健康👌🏻 低卡路里都唔等於健康👌🏻 - 🍲生酮鴛鴦湯底 首選養生花膠雞鍋 ($116) 有好多花膠筒 補充骨膠原蛋白質 另一個係皮蛋香菜湯 清香下火 - ⭐️生酮火鍋料⭐️ 🍜海帶麵 $38 🍠淮山條 $28 🎋大刀筍片 $18 🥬油麥菜 $18 海帶麵嘅賣相同質感 近似粉絲 大刀荀片幾特別 啖啖嗦嗦聲 - 🥓牛小排 $128 🦪桶蠔 $108 🦐串鮮蝦 $58 🥠桂花蚌 $78 同事食生酮火鍋料 我梗係又牛又海鮮啦😋 半分上 食多幾款 桶蠔肥嘟嘟 桂花蚌爽口 牛小排肥瘦均勻 食物質素 相當唔錯 - 🫐生酮雜莓梳打 $48 🍋青檸梳打 $48 青檸梳打酸酸地幾開胃 雜莓味道豐富 - 🫔紅糖糍粑 $38 一個人食半份 冇難度 糍粑軟糯煙韌 紅糖漿甜滋滋 味道口感同樣正 - 📍渝味曉宇重慶老火鍋 尖沙咀太子集團中心19樓

因為疫情封關有點想念不想到大陸吃喝玩樂的滋味 今日難得假期於是就來吃一吃重慶麻辣火鍋，回味一下舌尖上的刺激 . 我覺得裝修很有文清風，純樸的木色作為主調，感覺令人很清新舒服，還可以遠眺維多利亞港，環境而言算是火鍋店最好之一。 . 午餐的湯底是免費的，我就當然選了鴛鴦鍋，一邊是招牌重慶麻辣，令一邊的雜菌鍋原來都好多材料喎。 他們採用了電子下單，咦，有好抵食的小面套餐！$58 就有一款麵、三小碟前菜及飲品！ ⭐️羊肉、包心魚丸重慶小麵 唔錯喎，湯底落了花生醬，如果不是我叫了走辣就應該有點兒似擔擔麵味道。包心魚丸好彈牙入邊爆汁！我和朋友好頑皮，把麵拿去邊爐，用個筲箕貨好似迷你版的車仔麵檔！ 而且又有三款前菜及飲品，真心抵過好多茶餐廳！ . 不過來到這裏當然重點是打邊爐。 ⭐️美國國桶肥蠔（半份）、桂花蚌（半份） 雖然價錢不算很便宜，不過絕對是值得，這裏的食材很新鮮，特別是海鮮，不是用冰鮮貨。這裏的生蠔十分肥美，超級飽滿大隻，而且異常地鮮甜！ 桂花蚌啖啖肉，很不錯！ . ⭐️萵筍條（一份）、冬瓜（一份）、田園菜籃（半份）、海帶頭（一份）、甜玉米（半份） 這裏的蔬菜也很有」精神」，堅拔挺直的新鮮，完全沒有爛的部位，原來有些是有機菜呢。田園菜籃有好幾種菜，包括娃娃菜、皇帝菜及油麥菜。我最喜歡的是海帶頭，肥厚而且切成樹葉的形狀。 . ⭐️紐西蘭精品羊肉卷（半份） 很香羊肉的味道，沒有蘇味，看他鮮紅色就知道很新鮮。 . ⭐️紅糖糍粑（半份）、自製洛神花茶（渣） 紅糖糍粑煙煙銀銀，脆脆地又夠熱去溶化紅糖，完美組合。 洛神花茶也很不錯酸酸地，如果食得太辣又可以解下辣。 . 這裏的客人都很斯文，與環境是相襯的，不會太吵，高質火鍋！

網上見到渝味曉宇做緊”午市火鍋免費鍋底”，優惠期至10月尾。朋友見咁抵，梗係約出黎食飯啦😂😂 餐廳擺設格局寬敞，環境光猛、舒服。我地坐係窗口附近，仲睇到海景添😆 我地早2個星期已經約好左食呢餐，啱啱病好左嘅我本身諗住可以食辣野，點知到我朋友早2日病左，所以同麻辣鍋無緣😔我地揀左鴛鴦鍋，分別係大骨滋補鍋同山珍菌湯鍋 現炸豆皮﹕大大片、好香脆，而且仲係微暖嫁😚 曉宇嫩牛肉﹕牛肉好嫩滑，就算滾耐左都唔驚過火變韌，而且好香牛肉味 血旺﹕豬紅好香，無腥味。份量多，抵食👍🏻 鮮龍躉片﹕真係龍躉片，大大片、厚身嘅魚肉仲連皮㗎😚煮完后白雪雪🤤好滑仲好彈牙🤤 曉宇手打三寶丸﹕半份係三寶丸每款一粒。可以比你試下鐘意食邊款再order，真係貼心，好抵讚🥰 午餐肉﹕火鍋必點🤤豬肉味好香濃 鮮蝦雲吞﹕肉餡嫩滑，鮮蝦肉好彈牙 菜肉雲吞﹕呢款雲吞好啱我胃口，加左木耳有爽口嘅口感，而且勁juice😋😋 白蘿蔔﹕因為薄切，唔使滾好耐就食得。配大骨鍋真係好清甜👍🏻👍🏻👍🏻 藕片﹕藕片新鮮但口感較粉，我個人都係比較鐘意爽口的 甜玉米﹕玉米真係好鮮甜，食完大骨鍋的玉米，忍唔住要再order😅 田園菜籃﹕蔬菜新鮮、翠綠。分別有：唐生菜、油麥菜、娃娃菜同皇帝菜 稻田毛肚﹕食四川火鍋又點可以唔叫毛肚😏毛肚口感爽脆🤤如果今日食麻辣鍋底的話肯定更正🤪