香港銅鑼灣｜紅堂四川麻辣火鍋

一踏入呢間火鍋店，見到全紅黑裝修設計，感覺時尚新潮。同時，Rock&Roll手勢logo同damn It’s hot!口號又顯十足玩味。座位和厢房之間，用木製透風屏風相隔，感覺又有少少典雅中國風。餐廳主打充滿川渝口味麻辣火鍋，自家製出品食材質素不俗！ ———————————————————————- ✔️鴛鴦鍋$198（清油養生麻辣鍋$168/東北酸菜白肉鍋+$38 ） 而家食麻辣鍋會點鴛鴦鍋，一辣一唔辣，平衡返。呢度鴛鴦鍋收費係計算兩個口味較貴口味價錢，另外收費$38。麻辣鍋有好多原隻紅辣椒，又麻又香，入面仲有好多鴨血、蜂巢豆腐。令我愛不釋手嘅係另外嘅酸菜白肉鍋，果種清清甜甜又酸尾尾嘅味道，令人上癮，最少飲咗四、五碗湯，白肉和酸菜份量亦唔少！ ✔️美國牛肩胛肉$228 大塊而薄身嘅牛肉淥熟之後口感軟腍，充滿牛味，同時吸收咗湯汁嘅美味！ ✔️蔬菜拼盤$98 有椰菜、生菜、金菇、靈芝菇、南瓜、冬菇，每款份量少少，啱晒我呢種想食多幾款蔬菜嘅人！ ✔️自家製三色餃$88 餃子係火鍋店自家製，質素唔錯，每款餃子都塞滿餡料脹卜卜！三款口味分別係麻辣和牛餃、黑松露蝦蛋餃、韭菜餃。前2款比較特別，剪碎嘅和牛仍然好有口感，黑松露蝦蛋口味好香、又彈牙！ ✔️紫菜響鈴$68 好大條，入面仲有紫菜，口感再豐富啲！ ✔️順德魚腐$68 有甘香魚味，爽口彈牙！ ✔️芥末魚籽丸$58 有八粒， OK抵食，淥完咬開流出熱辣辣芥末味嘅醬汁同爽脆魚籽！ ✔️寬粉$38 因為湯底太好味，要感受佢嘅精華，叫多個寬粉吸晒湯汁味道，又有口感，好滋味！ ✔️烏梅汁$28/杯 呢杯烏梅汁好飲過出面嗰啲好多，出面成日飲到嗰啲質感較稀，呢杯厚身好多，又夠味，差啲想叫多杯！ 10% service charge

雙湯 紅堂 網址: 地址: 銅鑼灣登龍街28號永光中心1樓 電話: 21511879 $148 一位中午打邊爐呀，兩位起岩限聚令2人一台點餐，仲勁多食物。 餐廳準備了即棄圍裙比食客以防湯汁彈污衣服 首先有雙湯底，一邊是火紅麻辣湯，另一半是養生的花膠魚肚湯。 可以選兩個前菜小食,有青瓜同酸甜蕃茄仔多汁清甜水份高，用來等陣解麻辣湯的辣勁。 邊爐配料有美國牛肩，西班牙豬肉片，雞肉，都是以兩人份量準備好 墨魚松露丸、雲吞、辣麻和牛餃 炸魚皮我直接當香口小食，唔沈入火鍋湯中，脆得來又惹味。 仲有飯同彈牙寛粉 菜拼二人份比想像中多呢！ 飲品有豆漿同酸梅湯，加了冰好涼快。 如果男仕來食未必夠肉，加了$98 黑牛肚同蟶子，黑牛肚沒漂過更講究的。蟶子有乾冰見到白煙即有消溫。 冰粉為舌頭同身體降溫，山渣葡萄乾梅乾，酸甜清涼解辣

又去我最近大愛的紅堂！ 雙拼湯底毋須額外收費，只以價錢較高者計算，十分均真！上次試了它們的招牌紅堂和牛牛油麻辣鍋，今次決定一試清油養生麻辣鍋！湯底內有鴨血和冰豆腐等，麻辣中帶出一點藥膳甜味！東北酸菜白肉鍋酸菜味十分突出！ 湯底未滾起前，先來些佐酒小食！紅堂Shake Shake炸酥肉有辣粉及花椒粉提供，有得玩有得食！ 麻辣雞翼有驚喜！既香麻又不嗆辣，更有淡淡的南乳味道！ 美女老闆娘誠意推介是日精選池板！乃牛前腿的肌肉，薄身脂肪多，肉韌但牛味十足！