香港銅鑼灣｜Uncle Fong Hotpot Restaurant (Causeway Bay)

我自問係一個極度鍾意食辣但唔食得辣既人， 經過多年黎食譚仔既磨練，一於要挑戰一下 麻辣火鍋既程度。係香港正正打響旗號食 麻辣火鍋既鋪頭多不勝數，而大多數既"辣" 都係同重慶有掛釣。今次就趁住Lunch time 去左公司附近既一間真真正正既重慶火鍋 「渝味曉宇」，呢個品牌曾經係人氣電視節目 「舌尖上的中國」亮過相。而近年係香港， 積極發展事業，呢間銅鑼灣分店正正有種型格、 古色古香既設計特色，佔地寬敞，每個卡位 坐得非常舒服，岩哂一大班朋友呀！👇 - 📌鴛鴦鍋 - (午市優惠免費) ▪ 紅棗雪耳糖水 ▪ 大骨滋補湯 ▪ 重慶辣湯 ▫ 係湯底黎之前，Staff比左兩碗「紅棗雪耳糖水」 比我地，可能呢個係重慶小店既傳統特色啦！ 我諗應該係利用清甜既冰糖可以先暖下個胃， 當再食麻辣時侯，可以減低對腸胃既刺激。 至於湯底方面，餐廳用左重慶最辣既「朝天紅」 辣椒做為基礎，再配合茂汶大紅袍、金陽青花椒 煉成終極麻辣既境界。另外以牛油同埋十幾種 香料炒埋，唔怪得成個湯底紅過關公塊面啦！ 等佢大滾之後辣椒味出哂黎，又香又濃， 真係相當過癮！ - 📌美國安格斯優質肥牛 - $216(全份) 👉肥牛相當高質，全份份量相當多， 油花同脂肪比例好均勻，輕輕係湯裡面拖一拖水， 即刻食已經食到果種濃濃既牛肉香。口感軟滑， 入口即融，絕對食得過。 - 📌鮮鵝腸 - $52(半份) 👉食得麻辣鍋，鵝腸就少不免啦。呢到既鵝腸 洗得非常乾沬，有少少油脂。切得均勻幼細， 但當落左熱辣辣既滾湯就會變得好細舊。 入口有種爽脆滑溜感覺，有少少似牛柏葉咁。 - 📌韭菜豬肉水餃 - $32(半份) 👉睇落普通既豬肉水餃，灼熟過後反而有少少驚喜， 入口鮮甜。而且水餃皮有種Q彈既口感， 韭菜夠香，仲保留到湯汁。 - 📌田園菜籃 - $82(全份) ▪ 油麥菜 ▪ 娃娃菜 ▪ 皇帝菜 ▪ 唐生菜 ▫ 帝王級既新鮮蔬菜拼盤，原來菜係吸收辣汁 最犀利既。我有d後悔擺左落辣湯到，索哂辣汁 真係變到同直接飲辣湯無乜分別呀！Staff建議 蔬菜最好放返落清湯到灼熟會比較好，師父我明白了。 - 📌曉宇苕粉 - $29(半份) 👉重慶人必食既紅薯粉，未熟之前綠色咁既， 賣相唔係太吸引，但灼熟左之後變得晶瑩剔透， 呈現半透明狀態。食落相當煙韌，擺落辣湯 到仲會吸收哂辣汁既香，夠哂刺激呀！

收工緊係要同fd邊食餐好邊講奴工嘅辛酸，上個禮拜收工就同fd去咗銅鑼灣嘅渝味曉宇重慶老火鍋，餐廳位置幾就腳，港鐵站一出行一陣就到。上到去裝修古色古香，啱哂呃like。令我幾欣賞嘅係座位，我哋4個人坐咗卡位，闊落嘅梳化位坐得舒服之餘仲有位擺袋。 湯底我哋嗌咗鴛鴦鍋，大骨滋補同重慶辣湯，有辣有唔辣，任君選擇。成鍋一上超香，令人食指大動！配料方面我哋嗌咗曉宇嫩牛肉($78)、美國安格斯優質肥牛($198)、曉宇苕粉($48)、手打四寶丸($119)、槄田毛肚($108)、鮮黃喉($98)、大刀牛肝($88)、極品鵝腸($85)。另外我哋仲嗌咗重慶炸酥肉($58)、紅糖糍粑($68)同洛神花茶($18)。 餐廳好貼心咁預備咗即棄圍裙，著白色衫食麻辣鍋都唔怕。先食咗碗雪耳紅棗糖水，邊食邊等火鍋料淥熟，糖水甜得嚟又夠潤。我個人幾推薦曉宇嫩牛肉($78)擺係重慶辣湯，牛肉淥一陣已經吸收咗花椒嘅辣味，非常惹味，而且真係好嫩，食到最尾發現有舊係鍋底煮咗好耐，唔會un，依然非常嫩。美國安格斯優質肥牛($198)肥瘦平均，上枱唔會雪個硬掘掘，牛味都幾出。手打四寶丸($119)有牛肉丸、鯪魚丸、鮮蝦丸同墨魚丸，隻隻都超彈牙，又冇腥味，如果有份量多啲就更好啦! 曉宇苕粉($48)大大條，淥完出嚟非常爽口彈牙，吸收埋湯底嘅精華，非常入味。 槄田毛肚($108)份量十足，平時打邊爐食毛肚有時會得個爽字，沒什麼味道，但店家的重慶辣湯味道濃郁，爽口之餘亦有濃濃的麻辣味。 鮮黃喉($98)非常新鮮，又要大大份，果然係食麻辣火鍋必叫既野食。 打邊爐食牛肝嘅好處就係可以自己睇住唔過火，保持嫩口。店家的大刀牛肝($88)更加係上嘅時候加左生蛋，令牛肝更加嫩滑，而且仲細心地加埋特別配嘅調味料，令味道上更加香口惹味！不過唔係語太食得辣嘅朋友就唔好點太多啊，後勁很強。 極品鵝腸($85)一如預料般彈牙，不過如果用辣湯淥會沾到很多辣椒、花椒，食得辣嘅應該會覺得好爽，但我自問食辣嘅功力仲未夠，我都係要用番豬骨湯底淥，不過都夠味嘅。 重慶炸酥肉($58)係我一見到菜單就即點既野食。佢同普通酥肉唔同，佢係加埋d花椒泥炸，所以變得非常香。而且佢肉質非常嫩，好鬼好食，值得推介。 紅糖糍粑($68)又係食麻辣火鍋不可缺少既食物，佢其實係一個炸左既麻薯加蜜糖，但正因為佢炸左，所以就變左外脆內軟，加上d唔會太甜既蜜糖，解辣一流。 飲品方面，除左中餐必有嘅茶葉茶外，我地仲點左洛神花茶($18)，入口酸酸甜甜，好有夏日嘅感覺，而且很解膩解辣，配麻辣火鍋簡直一絕！個人十分推介！ 總括而言，呢間火鍋係真係可以比你食到內地火鍋店既感覺，而且價錢又唔係太貴，食物又新鮮，環境又乾淨。如果又日興起想去麻辣火鍋我會再次選擇呢一間。

A nice place for spicy food! 熟悉我的朋友都知道我很喜歡吃辣的，所以朋友經常向我推介這間麻辣火鍋，這天終於有口福去試下！ 來到專吃麻辣的火鍋店，整間店都是麻香的香氣！我們點了鴛鴦湯底，因為可以麻辣的煮肉，另一個煮菜～我們點了麻辣+皮蛋香菜。 看到滿抬子的食物，很開心呢 餐廳還很細心向你送上解辣糖水，如果點啤酒的話是可以用碗飲的。 鮮活海蟶🌊：4-8月限定，非常新鮮！一份有12粒，每一粒都非常鮮甜，放在清一點的湯上，煮熟後可以連殼上的湯喝和吃，嘗一口滿滿的鮮味。 吃麻辣的話也可以點一下餐廳教的 傳統蘸醬 -香油+蒜茸，除可解辣外還可增加鮮香味～本身蒜已很香，加上香油真的太特別了 [調皮]羊肉：薄切的很快熟，而且放在麻辣湯，非常滋味，肉質也不錯。 美國桶肥蠔🦪：一份有2件，想不到是如此大的，很厚肉，而切內裡有鮮味。 我們還點了冬菇、唐生菜和烏冬。值得一贊的是每樣食材的質素都幾好，很難得！ 烏冬：面質軟硬度很好，如果吃得到辣的 可以放在麻辣湯。 那種麻香味，辣得很過癮！