香港中環｜火鍋撚 Hot Pot Land

勁足料台式養生火鍋💛 上星期五趁住happy Friday同男朋友去咗呢間一直都好想去嘅人氣火鍋店——火鍋撚😋 食咗唔少嘢都頗高質，今次就嚟介紹一下啦🤓 ———————————————————————— ✨ 蜂巢豆腐白湯鍋 $160 我哋揀咗個好養生嘅湯底，十分足料，有蜂巢豆腐、鴨血、海底椰、原條人蔘及唔同嘅藥材，配上牛乳湯底，飲落味道甘甜，非常滋補，果然係鎮店推介😆 ✨ 加拿大野生象拔蚌刺身 $338 男朋友鍾意食象拔蚌刺身，呢度咁啱有，當然要嗌返份！刺身爽口鮮甜，一啲腥味都無，算幾新鮮，男友食到好滋味😋 ✨ 鴛鴦雙蚌 $145 平時打邊爐都好少食蚌，今次見佢可以打孖上，同時試到桂花蚌同珊瑚蚌，緊係試埋😌 兩隻都只需要淥10秒就食得，口感好爽滑，我自己就鍾意食桂花蚌多啲，再爽口啲😙 ✨ 火鍋撚御用手切肥牛 $178 我地嗌咗份細嘅手切肥牛，牛嘅色澤好靚，淥一陣就食得，口感較有嚼勁，但又唔會起筋，牛味食落好濃郁，唔錯😌 ✨ 鮮牛黃喉 $63 冷知識：黃喉係牛嘅大動脈血管😗 見到唔係間間火鍋店有得食，佢呢度仲要限量供應，嗌咗半份試吓！淥一分鐘左右就食得，食落勁爽口彈牙，間唔中一試都唔錯🤓 ✨ 即炸三秒響鈴卷 $35 呢個響鈴卷真係十分出色🤩 新鮮即炸，熱辣辣，我跟住佢個名淥咗三秒就食，非常香脆可口，仲跟埋個甜酸醬，好滋味，同男朋友搶住嚟食🤣 ✨ 法式龍蝦湯爆漿牛丸 $59 呢個牛丸勁有創意，個餡係龍蝦湯😮 淥完一定要攤一攤先食，佢個餡係會爆漿嘅🫣 龍蝦湯非常濃郁，無諗過同牛丸一齊食都會夾😎 ✨ 養顏靚花膠 $58 花膠用咗個好古色古香嘅器皿裝住，即刻突顯咗佢嘅高級🤣 花膠食落超級滑身，口感充滿膠質，正～ 美中不足嘅係份量有啲少🫣 ✨ 創意午餐肉菜甫餃 $42 呢個咁特別嘅餃子啱哂午餐肉愛好者😆 餃子勁大粒，裏面塞滿咗午餐肉同埋粒粒菜甫，口感勁夾😋 自己都可以喺屋企試下整🤣 ✨ 午餐肉(煎底) $42 通常打邊爐都會嗌午餐肉食，但佢呢度有煎底，真係好少見😮 終是就試吓佢！原來煎過嘅午餐肉再用嚟打邊爐係好好食㗎，就咁食又得，一咬落去油香咇晒出嚟，邪惡又滋味😋 ✨ 蔬菜 蔬菜方面我哋嗌咗皇帝菜($30)同金菇($29)，菜嘅份量超多，而且好新鮮，唔錯！ ✨ 杞子龍眼菊花蜜 $78 打邊爐當然唔少得一渣冰凍嘅嘢飲啦🤤 嗌咗個菊花蜜，見到佢用咗唔少料煲，飲落甜甜哋，清熱得嚟又解渴！ ✨ 腐竹雞蛋糖水沙冰 最後，食得七七八八，餐廳仲免費送上冰凍嘅腐竹雞蛋糖水沙冰，冇諗過腐竹糖水都可以整成嘢飲🤪 個杯仲要零舍古式古香，好盞鬼！ 總括而言，呢間良心火鍋店真係幾唔錯，湯底夠哂足料，個鴨血真係好好食😋 而且店員加嘅湯底都係原本個湯，唔會越食越淡！另外，值得一讚嘅係佢可以order半份嚟食，啱晒想試多啲嘢但又怕食唔晒嘅朋友仔😎

[火鍋] 中環打邊爐推介 : 老蘭過多一條街 嚟個火鍋夜蒲都唔錯! 重點!? 傾計都唔需要用極高分貝大叫出聲。 📍 環境:  樓上鋪, 地方寬敞, 整個環境都極具中國風特色, 木色桌椅加紅色吊旗, 紅木顏色十分醒神。 🥢食物: 打邊爐除咗講求食材嘅多元化, 新鮮同品質外, 湯底都至為重要!  而麻辣湯底係每次火鍋都必選的, 再多加一個蜂巢豆腐白湯鍋雙拼, 按自己喜歡嘅口味點選想要嘅湯底拾下拾下, 正! 🥘祖傳秘製麻辣鍋 - 對於受唔到太辣的人嚟講, 呢個小小麻辣程度嘅湯底就岩晒你, 小小辛麻又唔會愈滾愈辣, 用嚟拾一拾啲肉入口係岩岩好! 🥘蜂巢豆腐白湯鍋 - 養生嘅人士不得不選呢款多個中藥材熬製而成嘅湯, 少少嘅參香味加香濃奶白嘅豆腐味, 真心不錯!   不得不提, 兩款湯底本身都有鴨血同自家制嘅蜂巢豆腐做湯料 (當然仲有其他湯料), 尤其鴨血經過花椒辣椒等煮過, 吸入晒所有湯底嘅精華, 完全冇血腥味, 仲有小小麻辣味㖭。 對於兩款食物都中意食嘅小妹嚟講,  係食唔停口! 而其他可點選食材方面, 種類亦都好多的, 由 手打丸, 不同口味的醬爆丸, 手切牛, 安格斯肥牛, 黑豚肉, 梅花豬肉, 羊肉片,  鮮雞件, 雞子, 海鮮, 餃子 到各式各樣嘅蔬菜等, 基本上諗得出都會有, 而且食物新鮮質素高, 尤其牛羊豬類。 最貼心嘅係可以只點 "半份" , 2個人食都可以試到好多食物, 而且半份嘅量都唔少! 真心! 得閒真係可以收工三五成群(兩個人都可以) 先嚟個火鍋, 然後再係附近啤啤佢直落夜蒲到天光! 💰價錢: 約1200元/2位 🈵評分: ⭐️⭐️⭐️⭐️

中環火鍋撚 不嬲都想去試下 今日同男朋友去食 佢有半份同全份的選擇 岩哂少人去打邊爐的我哋 鴛鴦湯底好出色而且份量十足 由其視媽媽滋補老火湯 就咁飲都唔出奇 樣樣材料都好新鮮。但好鍾意食牛嘅我， 真係要推薦一下 牛肉粒和 日本A4特級和牛 牛肉粒 重牛肉味 而且夠彈牙有口感 但A4 和牛入口的嫩 真係不得了 令人喜出望外嘅喺腐竹雞蛋沙冰 淡淡地但又可清岩岩邊爐的濃味 滿足滿足的一餐