香港西營盤｜616牛肉火鍋專門店 (Sai Ying Pun)

早入座，客人不太多，店長為我們帶到愜意的位置。店長和店員都禮貌周周，滿有熱誠，態度認真。點了牛骨清湯。湯底的牛雜，腸肥肚嫩，是這火煱前菜的意外驚喜。《牛總推介系列》有16款不同選擇，不詳敍，同好們各自隨喜好點選品嚐，自己再作評分。貢丸、黑百葉、手打烏冬都值得一試。店長還端來一盤抽獎卡，太太很幸運地抽到大獎，為是次晚飯省下了100大元！ 天氣開始轉涼，是時候約埋三五知己圍煱大嚼！最後要提一提，這店的圍境衛生是出乎意料之外的乾淨整潔，地方也很寬敞，桌與桌之間都有木相當距離！下一次再光顧，睇吓有冇機會遇上！😊😋

今次去到616牛肉火鍋專門店！ 首創以刁鑽牛肉部位作招徠的火鍋店：封門柳、金花趾、牛心腚等17款選擇，坊間少見，每碟份量不大，勝在價錢不貴，多試幾款也不肉痛。 今次有個77折必食牛肉組，牛肉入口即化，非常鮮味。另外佢哋嘅花雕醉蜆煱，非常新鮮，鮮甜可口！仲可以用番佢地嘅湯底打邊爐。 另外616經五豐行每日入口秦川騸牯黃牛（即閹牛），牛隻指定要4歲大，脂肪肥美，肉質特別嫩滑。 牛肉早上屠宰後，下午即送到店內，保證新鮮，只用簡單牛骨湯最能吃出原味。 另外亦有來自不同產地的牛肉，很有特色，牛魔王必訪

🐮牛魔王的盛宴💛 又返嚟616碌一碌啦，616 提供刁鑽牛肉部位，可以一次過食盡各種刁鑽牛部位，例如牛頸脊、五花趾、匙柄、牛肩心等等，一餐飯將成隻牛食落肚！爽 今次要咗鴛鴦麻辣牛骨湯，麻辣好香（不過好在都係面頭嗰浸，食落加左湯之後係溫和左既）；怕辣既都可以要牛骨清湯，入面已經有蘿蔔同牛腩，因為好味既緣故我哋仲追加多份牛腩加入湯入面一齊打～正！而醬料係必加新鮮柑桔，夠香又提鮮～ 每次都好欣賞係佢張墊枱紙已經有標明唔同既部位煮幾耐係最好，唔使估估吓咁樣~ 仲有我最愛既滑尾龍，即係牛後腿肉，肉味濃郁，加入生蛋撈勻令纖維鬆化，入口就做到滑溜得嚟又富肉香既效果 呢間分店座位比較闊落，坐得好舒服，呢排仲有味噌牛腸鍋！下次一定要試吓！