香港銅鑼灣｜Wulao (HK)

正宗台灣風味「無老鍋」 好多年前喺台灣食過「無老鍋」 印象記得喺好好味 但有咩食過已經無咩印象 而家「無老鍋」喺香港都有得食 緊喺要嚟試吓，蝦子餅仲早我一步已經同老闆食咗 即刻要佢帶我嚟食😂 個晚我哋早咗到，就影吓個環境 我記得台灣間「無老鍋」都係類似格調 太耐無食過，上次喺台灣點菜都係客戶點 原來「無老鍋」有粒好特別嘅冰淇淋豆腐 喺用花枝漿與魚漿以及豆腐製成，口感綿綿 味道其實幾鮮，不過$10粒貴咗啲 叫做一試無妨🥰 推薦菜色之一是冰淇淋豆腐鍋， 這道料理看起來簡單，但味道卻非常驚艷。 豆腐鍋的湯底濃郁鮮美，讓人難以忘懷。 建議開始前先飲碗湯試吓 冰淇淋豆腐白湯鍋以人頭$78位計算 因為湯底濃郁，基本上都唔使點樣點醬油 每個食材經過呢個湯底嘅烹煮之後 都能將鮮味提升 湯底內的麵包豆腐及鴨血90分鐘無限添加 職員會時不時前來添加 特選牛拼盤（四人份）$498也是無老鍋的招牌菜之一。新鮮優質的牛肉，包括牛邊抓、封門柳、牛頸脊、牛黃喉，而牛黃喉喺內臟，我哋麻麻地就轉咗牛肩脊。最好味的是牛邊抓，脂肪特別多，肉味香濃又嫩，有嚼勁。 台灣直送手工花枝丸，無老鍋的花枝丸更是細緻可口，外皮Q彈，內裡鮮嫩多汁，吃起來非常有嚼勁，口感十分出色。 鮮甜蔬菜盤相當有份量，吃到尾聲，還有水蜜桃沙冰，十分解渴，還可以添加呢！ 無老鍋 (銅鑼灣) 地址 : 銅鑼灣登龍街18號V Point5樓全層

高素质的台式火锅。食材非常新鲜，值得一试。High quality hot pot that is worth a try. Every ingredients are very fresh and soup bases are flavourful too. Good services as well. #wulaohotpot

無老鍋係台灣一直都好受歡迎，小弟我都係捧場客之一，去年12月無老鍋終於都登陸咗香港銅鑼灣V Point喇，想嚟食記得要先訂位呀。 疫情期間，店員會非常細心地喺食客面前，消毒每個按鈕，令你食得更放心。 每張枱嘅兩邊都有USB 充電位，絕對又係加分位。 ▪️鴛鴦鍋（冰淇淋豆腐鍋+無老辣香鍋） 麵包豆腐香白湯鍋係用咗雞骨、豬大骨、洋蔥、青蔥、薑等食材，隨鍋附上每人一粒冰淇淋豆腐，豆腐係加咗啲魚漿同花枝漿而製成，魚味香濃，食落口感綿密又軟嫩，口感特別。 店員建議落鍋之後唔好攪避免碰撞，大約煮10分鐘就可以享用。😋 無老辣香鍋辣香醇厚，風味獨特，仲加入咗中藥香辛料，同樣係用咗雞骨、豬大骨、洋蔥、青蔥、蒜頭、薑等食材熬製而成，如麻辣味唔夠，仲可以要求店員加麻辣原湯㗎。 鴨血同豆腐係可以無限Refill，啱晒鍾意食鴨血同豆腐嘅我。 ▪️排骨酥 $68 平時我食排骨酥都係夜市即炸起嗰啲，呢度嘅排骨酥係台灣直送嚟，放湯煮我都係第一次，原來煮都好食喎，仲帶少少甜味。 ▪️上選牛小排 $368 牛小排嘅油脂分部得好平均，牛味香濃，食完會一塊接一塊。 ▪️老油條 $68 每次食台式火鍋，老油條我都會必點， 老油條係台灣直送㗎。放入麻辣湯可以索晒麻辣嘅湯汁。 ▪️蜂蜜檸檬愛玉 $58 飲品好大杯，都有700ml，味道酸酸甜甜，飲後特別開胃。 ▪️水蜜桃沙冰 食完火鍋，店員會送上水蜜桃沙冰，蜜桃味都幾香，夠晒解渴，鍾意飲嘅話仲可以免費幫你refill㗎。 香港店嘅裝潢都大致上同台灣差唔多，食物質素高，用餐環境舒適，服務仲好好添。 食物：8/10 環境：9/10 服務：9.5/10 Revisit : 9/10 📍 無老鍋 (銅鑼灣) 銅鑼灣登龍街18號V Point5樓全層