香港銅鑼灣｜Happy Together Hotpot - Causeway Bay

銅鑼灣懷舊火鍋店🍲 上個禮拜同朋友去銅鑼灣食飯，佢就提議打邊爐😋我就搵左呢間因為之前試過九龍城嗰間味道唔錯👍🏻 🍴東圃美人鍋🍲 $228 推薦✨呢個湯底真係一絕！超級足料有成隻雞、蟲草花、桃膠、花膠、冬瓜、紹菜、竹笙等等🥰啖湯好清甜，啲雞件都嫩滑有雞味🐔一路煮都唔會好鞋😆啱哂一眾養生既女士們💃🏻如果女仔來基本上食呢個都已經飽😀 🍴本地牛肉手切🥩 $288 新鮮！份量都算多差唔多有20片😜肉質軟腍而且有牛味🐮 🍴珊瑚蚌 $128 切得好薄身，煮十幾秒就食得🤩口感爽口而且鮮甜 🍴芋頭臘味餃🥟 $88 推薦✨平時打邊爐都係食韭菜餃或者雲吞嗰啲，呢個味就真係第一次試😌原來擺落餃入面都幾match🤪芋頭夠綿而且臘味唔會特別肥👍🏻個口感幾特別唔識形容😅建議大家來都要試！ 🍴家鄉米酒黃沙潤 $68 豬潤好嫩滑爽口😝一啲都唔粉！入口甜甜地🤣因為佢用米酒、妃子同紅棗醃過🥣 🍴山楂紫貝天葵💜 $28 味道酸酸甜甜😝好消暑解渴🔥山楂有助消化，飲完即刻食多啲🤣 整體來講，食物質素中上，價錢合理😊店員服務態度非常好，經過過來加湯同埋幫我地撇油🥳佢仲有免費甜品送添！分別係花奶啫喱同埋糖不甩😍兩條錦鯉先放入湯底煮熱，然後店員會切粒沾上花生碎先上碟😎原本仲覺得好奇怪放落個湯到煮咪會有鹹味🤣點知一啲都無！環境都坐得闊落舒服，呢到仲會播住好多香港懷舊金曲🤣裝修都好old school😗岩哂打卡！氣氛都好好，當日有顧客來慶祝生日🎂店員都會播生日歌同埋俾佢抽獎😛呢度適合三五知己Happy Friday來大吃大喝😏快啲book位下個禮拜就去啦！

銅鑼灣嘅同撈同煲，原來係九龍城超出名嘅火鍋店分店，主打懷舊裝修，睇落超有feel！好似七80年代嘅茶餐廳冰室咁，仲播住啲懷舊金曲！ 食物方面都有好多選擇，淨係湯底都有好多款，醉雞鍋個鍋底係嚟到先至會落半隻醉雞。材料都勁多，店員話落完雞滾起就可以先飲湯，個湯非常鮮甜，好正！ 打邊爐點可以少得牛肉，封門柳份量都幾多兩個人絕對夠晒食。牛肉好新鮮，肉味幾濃，唔會太肥或者太瘦 五香肉丁墨魚丸，幾創新嘅感覺🤣 墨魚丸打得好彈牙，加上五香肉丁有啲鹹香同小辣，估唔到又幾夾同惹味 自家製杞子圓肉菊花蜜，好清潤，啱晒打邊爐下下火。 牛舌肉質爽彈，輕輕淥幾秒就已經食得了，快靚正！ 鋪頭仲有甜品送，勁豐富！店員服務都好細心又有禮！

陰陰濕濕嘅天氣真係令人好煩躁‼️ 真係要去食好啲平衡下先得😃 係餐廳門口，已經完全感受到其懷舊氣息🤩 呢度嘅湯底非常吸引✨✨ 🍲雞煲翅鍋 🍲美人鍋 🍲醉雞鍋 🍲牛雜鍋 (好港式味道😍) 🍲芫荽魚頭鍋 🍲胡椒豬肚雞鍋 (暖身之選) 而我哋就揀左補身之選 - 花鵰醉雞鍋🤩 鍋底非常足料‼️ 有齊龍眼肉、北芪、川芎、淮山、杞子、紅棗～～ 湯底內嘅龍眼肉勁好食😍 瓦煲內嘅雞塞到滿滿的，好彩我哋無叫其他肉類，如果唔係真係勁飽😆 花鵰酒香撲鼻，倒左啲雞落鍋後， 滾起真係要先飲碗湯👍🏻 飲完即刻暖苙苙😃 呢度仲有🐟賣魚勝推介🉐 鮑魚+蟶子王+海蝦 =$3️⃣9️⃣8️⃣ 呢個價錢真係勁抵❤️ 海蝦肉質脹卜卜㗎，夠新鮮鮮甜😋 鮑魚 & 蟶子都好新鮮，不過掌握時間要拿捏得好， 我哋淥多左半分鐘🤪 口感就韌左啲…… 另外初嚐「牛黃喉」，原來係咁好食㗎⭐️⭐️⭐️ 口感清脆爽嫩😋 最後仲有餐廳特有嘅甜品，都係好有懷舊feel‼️