香港荃灣｜Gyu Gyu Shabu Shabu

第一次嚟呢間牛牛打邊爐，今日行完donki勁肚餓，成朝咩都無食過，好想食番餐勁既，就選咗呢間任飲任食嘅牛牛邊爐 同平時啲任食牛火鍋店一樣，有幾個唔同lv嘅肉肉，我地選咗*90分鐘午市放題嘅澳洲產頂級長期穀飼牛套餐 $218*。外面落好單之後，店員帶埋位既個一刻，同時間湯底已經上枱，速度真係勁快 呢到每人一鍋，自己揀番自己想食既味，唔駛驚同枱朋友唔食得辣😆我地選咗麻辣湯底&萬來豆乳鍋 +$8，兩個湯底都好正☺️ 主角澳洲頂級長期穀飼牛肩胛，好欣賞呢到每次叫嘅質素都一樣咁高，手機自己禁完之後秒速上枱，唔會呃你時間🤣、淨係頭盤靚、兩碟比得一碟之類嘅情況發生。牛肩胛牛味都重，油脂唔多，較有咬口。一盤嘅份量已經有8-10塊，絕不欺場 除咗牛牛之外，呢到竟然仲有羊肉！真係勁少有！羊肩肉同麻辣湯底真係好夾，好好食😋 講完主角，就到番啲配角，各款蔬菜🥬嘅種類都算多，好多唔常見嘅野都有，例如紅心蘿蔔、羽衣甘藍、花生荳芽等等 至於丸類方面，比較特別嘅有蟲草花、日式福袋，仲有索湯一流嘅凍豆腐 飲品都一應俱全，有氣嘅無氣嘅，有糖嘅無糖嘅，全部都有。除咗罐裝飲品之外，仲有自家製嘅冷泡茶。 食到最後緊係要食番個雪糕🍦先叫完滿結束啦，除咗有雀巢嘅雪糕雪條之外，呢到仲有movenpick既雪糕呀！我呢個雪糕怪瘋狂食咗好多球，咩都抵番晒😎😎

去咗食午市火鍋放題，覺得依到無論用餐環境丶服務同埋食物質素都好唔錯。坐喺靠窗卡位仲見到海景！湯底「芫荽魚白鍋」落咗好多芫荽，好香好正！澳洲穀飼牛有牛味又滑嫩，羊肩肉味濃不羶。用手機QR code落單追加，點完轉個頭就即刻到，上菜速度好快，可以食好多round👍🏼

我幫襯了牛牛好多次了，之前沒有人建立這家地圖我沒法評論，現在見到已有，我就來評論一下吧。 今天（06/02/2021）去到，點了90分鐘$178的價位。肉類來了4款，看顏色已十分吸引食慾。每人一個小窩，十分衛生，2人一共食了12碟，每次添加來到的肉，質素並不差，豚肉我覺得添加的更嫩滑。而牛肉添加，來了好大片的size，整個食的過程，我覺得很不錯的。 由於我之前吃了幾次都是$118元，食60分鐘，每一次都太趕，肉的品種只有一款牛及豚，但都很超值的。 但今次我揀$178，有2款牛，一豚，一羊，一共4款肉，而這4款肉質比118元的肉質，較好，所以，下次我都會揀178元的吃，有90分鐘，時間多咗，肉類質量好咗，仲有時間食雪條，雪糕，是很化算。 這店的咖喱牛肉，我每次都有吃，每次也沒讓我失望。 飲品種類不少，我們今次揀店家品牌冷泡茶，吃了那麼多肉，飲返幾支冷泡茶，消消肥膩感。