香港觀塘｜盛寅慢煮製麵

【香港搵食🍴】盛寅慢煮製麵 星期日又搵吓好西 😋 openrice見到幾多好評 就過咗黎牛頭角搵食啦 主打低溫慢煮食物同拌麵 咁我哋梗係試晒拌麵啦😙 同埋🤵‍♀️話啱啱呢個月換咗餐牌 所以無咗一人尊享套餐🤓 🔹️胡麻雞腿拌蒟蒻麵拌麵 （走湯） 好香麻醬味 好邪惡 😈😈😈 蒟蒻麵令自我感覺良好 健康番 啲麵質爽口 慢煮過嘅雞肉 keep住滑🤭 🔹️椒麻雞腿拌油蕎麥麵拌麵（多麵） （大地魚蝦米湯） 多麵會用大碗裝 😲 個醬出色 唔會太辣 👦不停話好食 🔹️酥炸雞皮餃子 皮薄 上面落咗啲椒鹽粉 但唔會搶咗餃子味 脆卜卜 但入面juicy 一咬落去啲汁入晒口😍 🔹️脆炸蜂巢豆腐 魚肉同粟米做餡料 足料👍 每咬一吓都嗦嗦聲 成碗麵都係豆腐碎🤣 🍸香芋珍珠鮮奶 香芋味唔算好出 同埋有啲甜 🍸百香果乳酸梳打 酸酸哋 幾醒神 百香果味可以再濃啲 🤪 📍觀塘聯安街9-15號永毅大樓地下B號舖 📞39563522 💲人均95

朋友話想試下呢間，於是上網預先望下，見到原來其中一個賣點係湯底。對於非常鍾意飲湯同食湯粉麵嘅我都真係好期待，但另一方面又好怕會失望，因為實在有好多餐廳嘅湯都係叫貨返嚟，又咸又重味精。但呢問一啲都唔失望！ 主打湯底：洋蔥大蒜雞白湯🐓 / 大地魚蝦米湯🐟 碗湯麵一上時，識食嘅一定係飲湯先。我飲自己嗰碗大地魚湯時，已經忍咗唔住講「好好飲呀！」完全係理想中嘅味道。再即刻飲埋朋友個雞湯，我直頭好似家燕姐噉嗌咗聲「好好味呀！」🥲 個湯好似燉雞湯噉呀。後尾同店員傾開，先知原來大地魚係佢哋自己用原條魚燒，然後拎去熬；而雞湯就係用雞殼打碎熬出嚟，難怪會有屋企阿媽煲啲雞湯嘅感覺！我哋真係飲晒成碗湯㗎。 另一賣點：餐廳所有肉類都係慢煮處理🥩 其實本身都知慢煮肉類好食，但就冇好特別嘅感覺，不過今次真係值得一提。朋友同我分別叫咗牛頰肉同豬腿庫，啲肉淋得嚟又唔會散晒，而且好入味，又唔會覺得咸。 小食都一定要試🍗 為咗可以試多啲嘢，睇吓值唔值得再幫襯，我哋特登叫少麵，然後叫多啲小食。作為炸物愛好者，我哋叫咗無骨雞翼、炸芝士。個雞翼一啲都唔厚粉，而且咬開係有肉汁㗎；而炸芝士有洋蔥蕃茄醬墊底，感覺唔會好溜。我哋仲叫咗溏心蛋同埋野菌油菜，個溏心蛋好滑，冇得輸。 落單紀錄： 香辣牛頰肉配烏龍麵 配 洋蔥大蒜雞白湯 $66 汁煮豬腿庫菠菜麵 配 大地魚蝦米湯 $52 椒鹽無骨雞翼 $32 金黃炸芝士 $35 味付溏心蛋 $18 野菌油菜 $22 樽裝蜜桃紅茶 $13 樽裝檸檬紅茶 $13 樽裝玉泉梳打水 $13 樽裝可樂 $13 😋總結：湯好飲，食物好食，充滿誠意同人情味！！😋 店員同老闆都非常友善，會同我哋傾吓計。原來呢間餐廳係老闆同日本人一齊開嘅。最尾老闆仲醒咗兩包有機咖啡俾我哋試飲㖭。真係好想支持咁有誠意同人情味嘅小店呀。會再幫襯嘅！ 📍Address📍: 觀塘聯安街9-15號永毅大樓地下B號舖

誠意推介民間美食。慢煮制麵 有咩好食得過一碗用心製作中麵？就係一碗唔貴但又用心製作嘅麵！ 呢間位於觀塘嘅日式粉麵小店，絕對稱得上良心麵店。由於舖頭係由日本人同本地人合作經營，無論裝修定係食材，都有日本風格。而最重要嘅食物都盡顯店主高要求。唔單止所有肉類都係經慢煮方法製作，將肉汁原汁原味封鎖，而麵嘅湯底都係每日新鮮製造，唔加味精，用原材料熬製嘅湯底！ 真係好耐冇喺香港食麵個陣係會飲晒成碗湯。 今日同朋友試咗香辣牛頰肉湯烏龍麵（$66）。洋蔥大蒜雞白湯好濃好香雞湯味，唔會過咸。而烏龍麵住得好彈牙，縮到剛剛好！最重要牛肉非常鮮味，加上用慢煮製作，完全唔靭！ 而朋友點嘅汁煮豬腿庫菠菜麵（$52）配大地魚蝦米湯，湯底非常鮮味！後來問師父，原來佢哋堅持用整條大地魚，效果之後用嚟熬製湯底，唔怪得咁好味。而豬腿肉大大塊又入味，讚！ 呢間店另一個值得讚嘅地方係，堅持用親民價錢提供高質素食物，希望做多啲街坊生意！我哋就即管點咗幾樣小食，除左味付溏心蛋（$18），野菌油菜（$22）不過不失，椒鹽無骨雞翼（$32）係非常好食，最鍾意佢唔會太咸太乾。而黃金炸芝士（$35）啱晒芝士愛好者，醬汁用茄汁配甜辣醬加洋蔥攪拌而成，味道好夾！ 另一個店主堅持嘅地方係，所有飲品用玻璃樽裝，懷舊感十足之餘，亦係最好味嘅飲品！ 店員亦都充滿親切感，同我哋傾偈，解釋食物製作過程。總括嚟講，無論價錢，食物質素，服務態度，盡顯店主嘅心意，回頭率極高。