香港旺角｜Menya Shinsho

呢間拉麵店外面有落地大玻璃，係遠處就見到掛滿左日式燈籠🏮充滿和式設計，好似去左日本咁🙈 濃厚蝦湯拉麵蝦湯湯底好濃好厚身，由赤蝦，蝦頭同蝦乾熬製而成，非常濃但又唔會好咸，加上左櫻花蝦更香🦐叉燒大塊，肉質滑，溏心蛋流心質地🥰麵質彈牙有咬口，非常掛湯，索哂啲精華🍜 神匠火炙叉燒丼飯 叉燒肥瘦適中，有成4大片火炙過後油香更突出，肉味濃郁香口😚溏心蛋外層蛋白索哂醬油味，撈飯食一流 日式炸餃子 皮脆肉嫩，入口多汁

今日去開旺角行街，見到有間新既拉麵店，裝修好有特色又型格。我同朋友叫左2個拉麵1份餃子。 首先黑蒜醬油拉麵真係出奇唔意外咁好味，啲麵條彈牙有嚼勁，醬汁夠香濃，加咗啲黑蒜油好惹味。糖心蛋亦好有水準👍🏻 火炙叉燒醬油拉麵都好好食，叉燒火炙得剛剛好，口感入味，肉質好軟，麵同湯底都好夠味，麵條同樣彈牙有嚼勁。 另外，佢地嘅炸餃子都好好味，係菜肉餃，炸得香脆，餡料夠肉汁，真係一啖就可以食到啲汁。 整體黎講，呢間拉麵店真係值得一試，啲麵同啲小食都好正，價錢亦都好合理。不妨約埋啲朋友一齊嚟試下啦！下次再試埋其他拉麵😋😋

🍯｜神匠二人套餐A｜HKD 230 -濃厚蝦湯拉麵 擺盤儀式感重 湯底貫徹餐廳濃蝦湯特色風味 同時亦擺有大量櫻花蝦作伴 麵質吸收所有精華 連湯汁都差啲飲埋 叉燒肉質夠嫩 入口即溶咁 -神匠蝦汁拌麵 蝦汁小甜 麵食落被蝦汁鮮甜帶動味蕾 大量櫻花蝦拌碟之下 不失蝦麵之神既美譽 -炸日式餃子（5件） 拉麵加餃子無敵組合 二人餐送餃子真係物超所值 🍹｜可樂&忌廉｜HKD 6+6 食拉麵點小得汽水 😘