香港旺角｜一生懸麵 (旺角店)

一嚟到呢度就要排隊，好在流轉度高，等咗唔夠廿分鐘就有得入座。 呢度地方比一般嘅拉麵小店稍大，可以坐到25 -30 人左右。主打沾麵，其次至係湯拉麵同小食。由於事先知道呢度啲湯底較濃，所以特意揀咗蝦湯麵再加個小食睇吓點： 唐揚鷄 - 四大件鷄上脾嘅肉連皮，新鮮炸起，熱辣辣之餘外脆內嫩，配埋蛋黃醬簡直係完美配撘。KFC？走開啦！ 海老拉麵 - 驟眼望落個湯已經感覺好濃，一食落口真係濃郁到不得了，充滿蝦味及近乎汁嘅濃厚度。與其話佢係湯拉麵，倒不如話佢係事先放咗麵嘅沾麵。麵底，叉燒同糖心蛋係水準以上，但最值得讚嘅係筍片，比其他麵店食到嘅更厚身同更鮮甜，加埋舖滿面嘅櫻花蝦，簡直係最佳享受！ 總括嚟講，呢度不論拉麵定係小食都好有特色同水準，加上服務主動有禮，性價比相當高。唯二嘅缺點就係要快食快走 (時限為45分鐘)，同埋每樣主要配料都要另費，所以碗麵end up 都幾貴吓，但咁亦無阻我會再食過返尋味，因為個特濃湯底/汁底實在太吸引喇！😋

一生懸麵 🍜 上次試左佢地個期間限定花生醬雪糕拉麵 已經覺得好正🤤 今次帶咗爸爸嚟試佢地既拉麵 好彩早左去食 大概等左15分鐘就有位 🌶️ 辛辣拉麵 $82 肥瘦分明而且好厚身既炙燒叉燒 配上橙紅色既辛辣豚骨湯底 望到都流晒口水 呢個麵質幾彈牙 係我都幾鐘意既 而且相當掛湯 愈食愈滋味 半隻心溏心蛋蛋黃呈橙紅色 睇落吸引 食落仲好有蛋香味添 🍜 特濃豚骨沾麵 $82 黎一生懸麵點都要食沾麵 今次食左特濃豚骨沾麵 麵質選擇左偏硬 同熱上 熱辣辣嘅湯汁 上面仲有啲魚介粉 夾啲麵條再浸落個湯汁 再夾上黎個麵條已經掛晒湯 而個炙燒叉燒咬落好腍身 仲有啲油脂香味同炙燒完既焦香添 食完仲唔會口渴添 🐥 唐揚炸雞 $35 一碟大概有4件炸雞 同爸爸share食 每人都有2件 外層好香脆同幾大件 內層雞肉都算嫩滑 仲可點埋沙律醬添 🥟 煎餃子 $29 一客有5件餃子 外層較厚 底部煎完有少少脆 內餡都幾足料 食落唔會太乾身 點埋餃子汁食 個感覺都幾日本 🍵 白桃烏龍冷泡茶 $18 Saga既冷泡茶咁出名就一定要叫下啦 飲落白桃烏龍既茶香好出 而且唔會甜 走健康路線既人唔可以錯過呀 🍺 Sapporo Beer $20 爸爸每餐都要飲啤酒 估唔到食拉麵都要飲 不過飲Sapporo係無得輸既

因為要排隊，所以夏天係辛苦少少，但20至30分鐘就會有位，用餐限時45分鐘。 濃厚嘅湯底，麵體都是我喜歡的，每次係旺角睇演出之前都可以嚟返碗😊