香港尖沙咀｜Ippudo (Silvercord)

最新推出嘅期間限定「厚切牛舌黑醬油拉麵」以鮮香醇厚嘅黑醬油雞湯為湯底，再特別加入背脂，令湯底鮮甜醇厚又香氣撲鼻。主角嘅炙燒厚切牛舌彈牙爽口、牛香味濃。另外仲有卷腩叉、溏心蛋、竹筍、芽菜，保證一試難忘！

一風堂升級版經典拉麵🍜 久唔久想食拉麵都會諗起一風堂，鍾意佢係連鎖拉麵店之中比較有質素，同埋都會諗起喺日本食一風堂嘅日子😝一風堂嘅3款經典拉麵都推出左升級版本，「玉子」同「水煮野菜」兩款新選擇，另外亦都推介包含原隻玉子、4片自選叉燒嘅「特製」版，正呀😎 🔸赤丸新味—特製 湯底有少少味噌味，微辣，旁邊有黑蒜油，湯底香濃。有四片自選叉燒，我揀左慢煮豬柳叉燒，口感比較厚實，無咩肥膏。拉麵配的玉子相當流心，食完好滿足！ 🔸白丸元味—玉子 豚骨湯底好濃郁比赤丸更濃，充滿油脂香，重口味人士最愛！炙燒叉燒有2片，焦香味十足！兩碗的麵底係幼麵，麵質偏硬有咬口而且好掛湯，份量都足夠。除咗玉子之外，如果鍾意食多啲蔬菜，每款拉麵都可以揀水煮野菜，夠晒健康啦😎 🔸炸紫菜墨魚鬚 墨魚鬚彈牙，炸得香脆，就算唔點沙律醬都好食！ 🔸一風堂叉燒角包 似台灣嘅刈包，面包似軟熟嘅饅頭，肉餡係佢地嘅招牌叉燒肉，加埋生菜同沙律醬，食落清爽。 🔸宮崎蜜柑梳打、粒粒香橙果汁🍹 蜜柑梳打有一片蜜柑，唔算好甜。日本原裝橙汁飲落仲有粒粒果肉，味道偏甜係小朋友口味。

^^^ 今天（23/7） 來過，舖位已圍上木板，並宣告姊妹店~ 燒牛肉，八月登場！ 位處新港中心的這間分店，若果從商場正門上來的話，首次找尋都有點難度，不過若從海港城那邊，跨過天橋就容易得多。