香港鰂魚涌｜檳城蝦麵店

約左朋友交收兼食飯，佢話帶我去食啲好野，原來係主打馬來西亞嘅蝦麵同喇沙嘅小店，雖然有排未有得去旅行，但都過下口癮試下！ 一坐低，店員就提供Qr code 方便客人手機落單。 我就叫左湯底係辣味蝦湯嘅蝦肉肉片麵，揀左摻摻，有油麵加米粉，一次食到兩款口味，個湯底有好濃嘅蝦味，非常足料，仲有唔少蝦肉同豬肉片，細心嘅係蝦肉無殼，仲有好吸味嘅豆卜，正呀！ 朋友就食咖喱喇沙湯底嘅海鮮麵，都好惹味，湯底好香，仲有唔少海鮮，例如青口、蝦肉、魷魚，仲加左魚片同蟹柳，加埋摻摻嘅食法都幾唔錯。 馬拉雞拼盤，有4川沙嗲雞肉串串燒同4 隻雞翼，雞串燒用雞髀肉，啖啖肉，沙嗲好多花生碎，口感好豐富，雞翼都幾香口，入口脆卜卜。 白胡椒肉骨茶配油條，有好多件大排骨，好大啖肉，肉骨茶湯底幾香。 最後仲叫左凍飲，分別係冰糖薏米水同青檸梳打，都好清新，呢餐食得幾滿意。

「一碗蝦麵，細味百斤鮮。」一碗麵千變萬化， 配搭湯頭、湯料，唔同既麵條就有唔同味道。 所以話飲食文化博大精深，你想港式有雲吞麵、 牛腩河，你想泰式又有船麵、冬蔭公湯河；你想 越式又有生牛肉河、火車頭河；你想馬來西亞咩？ 又得姐，又有喇沙、蝦麵。今日我就試試呢間 「蝦麵店」，培養一下我對蝦麵既感情。👇 - 📌辣 味 蝦 湯 底 - ▪️ 蝦 肉 肉 片 摻 摻 - ▫️ 第一碗必食招牌湯底「蝦肉肉片·摻摻」， 用左大量蝦殼同埋辣椒，每一啖湯底濃而不膩， 帶少少辣勁；隨後食到濃郁蝦味，配料仲有 蝦肉、肉片，每塊都大大塊，加左大量芽菜， 誠意十足；加上摻摻用左油麵米粉兩種配搭， 多種口感特別豐富。 - 📌咖 哩 喇 沙 湯 底 - ▪️ 海 鮮 摻 摻 - ▫️ 另外我朋友點既呢個「海鮮·摻摻」麵底用左 同樣用左油麵同米粉做到兩種唔同口感，好有 咬口，而配料放左大蝦、豆卜、蟹柳、青口， 入口蝦鮮味足夠，但唔會太辣，椰香重得黎 幾有層次，岩哂香港人口味。 - 📌小 食 - ▪️ 白 胡 椒 肉 骨 油 條 - ▪️ 馬 來 沙 嗲 雞 脾 肉 串 - ▫️ 當然唔少得小食「白胡椒·肉骨油條」、「馬來 沙嗲·雞脾肉串」啦，前者湯頭用左大量白胡椒 做底，加上傳統馬拉肉骨茶湯底，味道簡而精； 豬肋骨炆到非常腍滑，清香入味，加埋自家製 油條，幾有驚喜；後者「馬來沙嗲·雞脾肉串 」面頭塗上花生醬，醃得惹味甘香之餘， 雞脾肉腍滑爽彈，好好食。 - 📎 蝦 麵 店 📍粉嶺粉嶺新運路33號粉嶺中心地下103及108號舖

馬拉麵食的確比較少接觸，但比佢個濃湯吸引到嚟試吓 店內有馬來西亞風情畫，幾有特色 餐牌主打辣味蝦湯，咖哩叻沙湯同豬骨雞湯類，仲有其他特色小食 辣味蝦湯 蝦肉肉片麵 辣味蝦湯夠香夠濃，少少辣更能帶出惹味，配上爽滑油麵，令人食唔停口 蝦湯有蝦肉，肉片大大片，私心想食多兩個餸，加配魷魚翼同大蝦 魷魚翼好多片，又爽口，同辣蝦湯好夾，值得推介 馬來沙嗲雞肉串 香烤雞肉串沾滿沙嗲醬，平時食到既沙嗲醬都冇咁豐富又大粒既花生粒，口感一流又夠惹味，令人一試難忘 五香脆炸豆腐豆卜 熱辣辣，非常香脆，配酸梅醬咸咸甜甜，好食又唔膩