香港尖沙咀｜YumMee

前牌去咗K11 Musea行街街樓下food Court嗰層其實有好多唔同類型嘅餐廳見到呢間新開，佢集亞洲菜式於一身話所以啱晒選擇困難症嘅朋友。有齊港式、台灣菜，東南亞特色美食都有。我哋要咗兩個煮食套餐一個係馬來西亞肉骨茶另一個係海鮮喇沙，海鮮喇沙有少少辣辣地，用上咖喱椰汁做湯底，配料有魚蛋、青口同蝦，下面係配油面，湯底十分濃郁，份量都唔少。肉骨茶聞落去好香嘅藥材味，仲配上大大粒嘅蒜頭，用上一字骨肉質鮮嫩，真材實料，再加上豆卜同埋油炸鬼鎖晒啲肉骨茶湯汁，送飯一流。另外我哋都要左兩款小食一個係串燒同泰式串燒同埋酸辣鳳爪，估唔到味道都唔錯，酸酸美味10分開胃。嚟到東南亞點可以唔食啲特色甜品呢？我哋要咗個泰式芒果糯米飯同配上嬤嬤查查。呢款係東南亞嘅地道甜品其實係椰汁紫米再加上唔同嘅芋頭同紅豆，煙韌韌，價錢經濟實惠。芒果糯米飯，芒果香甜份量又多。

K11 musea食到亞洲經典美食✨ 新加坡海鮮喇沙 $98 喇沙湯底微辣 椰汁味香濃 配搭油麵🍜麵質煙韌有咬口！唔會好淋👍🏻配料有蝦、青口、魷魚鬚、魚片頭、白魚蛋、半隻溏心蛋 成碗麵好豐富 食到好飽😆 吉隆玻海南雞飯 $98 海南雞幾滑 又唔鞋 配嘅醬油令雞肉鮮味提升👍🏻不過雞肉係凍嘅 我將海南雞飯嘅海南雞浸入喇沙湯整熱 味道好正😜下次會食海南雞喇沙xd 油飯味道唔錯！不過就略嫌口感較硬😂 要咗主食 再點小食有半價優惠😆✨ 脆炸原隻雞脾 $42 —>$21 雞髀新鮮炸起～皮脆肉嫩！面頭加咗幾多味椒鹽 略嫌鹹咗少少🥺 魚蛋拼魚肉燒賣 $38 —>$19 魚蛋燒賣好好食🤤 魚蛋好彈牙✨燒賣煙煙韌韌💓 摩摩喳喳 $36 呢碗入面有芋頭、番薯、大西米配椰奶😜甜度啱啱好～ 芒果糯米飯 $48 芒果糯米飯比較驚喜😍芒果好甜🥰糯米飯熱辣辣！煙靭度啱啱好💓配埋鹹香椰漿🤤鹹甜鹹甜好好食😋面頭仲有啲脆脆增加口感✨推薦！

K11 Musea個food playground 啲嘢食都幾靚，價錢經濟啲。如果唔想食貴嘢，佢個food playground都係一個唔錯嘅選擇。呢間YumMee有多款馬來西亞同埋港式嘢食，選擇都幾多👍🏻 新加坡海鮮喇沙 $98 喇沙湯底夠香濃，充滿了椰香，油麵掛滿湯汁，好好食😋海鮮夠晒豐富，有隻大蝦、兩隻青口、爽口魷魚鬚、爽滑魚蛋、同埋魚片，仲有豆腐花同埋半隻糖心蛋添😍 泰式雞肉串燒$48 雞肉串燒得尚可，配咗兩款醬汁👍🏻一款係酸青瓜醋汁，比較清新，另一款係沙嗲汁，香濃惹味😋 鐵板雞扒腸餐 $118 鐵板雞扒熱辣辣，大大塊，仲有兩條煎香嘅香腸，啱晒鍾意食肉嘅朋友👍🏻我配左黑椒汁，幾惹味😍其實我最欣賞個薯條🙈，係我最鍾意嘅粗身薯條，薯仔連皮切，炸得外脆內軟😋 吉列豬扒 $58 吉列嘢真係好邪惡，熱氣都要照食，吉列豬扒炸得外層超脆，好香口😋不過如果可以配埋醬汁，沾醬嚟食會更加好。