香港灣仔｜牛霸小麵店

<尋訪街巷內的誠意台餐> 牛霸小麵店藏身於籃球場樓梯旁側的安樂里小巷內， 話係隱世而其實巷尾將有新餐廳進駐， 預料灣仔嘅朋友會開始認識佢人流開始多， 留意小編用左黄色箭咀指的地方就係小店位置。 餐廳樓底高，新裝修以復古工業風為主題， 以鎢絲燈泡及霓虹燈美漫的店面為裝飾， 比從前的田園風更貼合街巷店鋪的風格。 QR Code落單，落單必點一定係招牌牛肉麵， 其次就係便當炸物、夜市小食、台式飲品等。 百香椰果冰茶 +$10 桂圓紅棗茶 +$7 先來兩杯台飲，共有19款選擇，另加珍珠胚芽椰果+$3 兩杯夠哂大杯，解渴清甜。 紅燒牛肉麵 $68 推介:⭐️⭐️⭐️⭐️⭐️ 湯麵類均可轉新竹米粉或乾拌麵， 而湯底除左牛肉原湯之外，蕃茄湯底+$3, 麻辣湯底+$6，麻辣乾拌麵+$6 牛肉麵麵條較扁身，軟硬口感適中， 湯底同牛肉都值得一讚濃，帶點藥材芬香， 紅燒牛肉嘅質感的確如其他食評意見一樣野， 真係可以同知名牛肉麵做個比較，係不相伯仲。 而家整個份量算多，以灣仔區嘅價錢定位非常親民。 秘製小茄子 $35 推介:⭐️⭐️⭐️⭐️ 作為茄子控必叫啦，開胃甜辣醬汁加上肉鬆香蔥， 尋回台灣夜市蠔餅嘅系列回忽。 火爆芝士鹽酥雞 $36 推介:⭐️⭐️⭐️⭐️ 呢到嘅鹽酥雞標榜多肉薄粉，外脆內軟。 咬落啖啖肉再加上呢個韓式芝士炸雞的配搭， 係一個滿足嘅店韓mix and match. 寶寶肉肉便當$68 推介:⭐️⭐️⭐️⭐️ 朋友叫的一款，集齊哂咁多款可以試嘅配菜👏 呢個價錢食到還原台灣嘅雜錦便當， 真心係超值抵到唔信，所以尋訪小店始終是王道😋

灣仔霓虹燈下的隱世台灣美食 如果唔係有地膽同事引路，我都唔知道原來距離公司幾分鐘路程，有一間CP值超高既台式小麵店-牛霸。 牛霸小麵店開係灣仔安樂里一條小巷入面，鄰近集成附近既籃球場，地點都幾隱世。去到附近轉入小巷，遠遠已經見到餐廳門口霓虹招牌。餐廳樓底好高，行工業金屬風，暗黑主調加上美國漫畫做主題既霓虹燈裝飾，仲有齒輪吊燈，絕對係走超型格打卡路線。原來呢到最近全新裝修，令人耳目一新。 食物價格走超貼地平民路線，以台式麵食、飯同小食為主，以小店黎講種類都唔少。主食、野飲加埋小食都只係百鬆，價錢相當親民。 紅燒牛肉新竹米粉 $68 台式麵食係佢地主打，選擇幾多幾人性化，除左配原裝麵，仲可以加錢轉新竹米粉或者乾撈麵。湯底亦可以加錢轉蕃茄同麻辣，干撈麵都有麻辣版本，選擇好多。今次先試下佢地原味靚湯底。湯頭甜，牛肉條軟淋，肉味濃，牛肉條有成四、五大條，同粉同樣份量足。 紅燒牛肉干拌麵 $68 相對湯麵，更喜歡干拌麵版本。配搭一樣揀左牛肉條。麵條屬偏淋既質感，夾埋青瓜絲、酸菜同肉燥汁一齊食好醒胃。不過有少少後悔無叫麻辣版本，加少少辣應該會更加嘢味。 夜市拼盤 $48 拼盤有鹽酥雞、炸豆腐、花枝丸同埋台式小香腸。要講最特別嘅一定係個個用左木魚加醬汁一齊炸嘅豆腐，木魚豆腐感覺幾新鮮。而配千島醬汁食既鹽酥雞都幾香脆。 秘製小茄子 $35 滿滿茄子面鋪香脆肉鬆，配上甜酸醬汁食好醒胃，配搭干拌麵食感覺更充實。 台灣咖啡 餐補$7 蜂蜜檸檬 餐補 $9 台灣咖啡係台式手搖飲品風味，有少少似飲台式奶茶，兩杯都唔太甜幾好味。 總結：餐廳裝修有格調，食物岩胃口，份量好大。主食同小食價錢貼地，補少少錢仲要有埋大大杯特飲，CP值爆燈。仲有幾款湯底小食都想試吓，準備好再二三四訪系列。

台式料理，美式風格 服務員態度良好 牛三寶湯頭好喝 大推麻辣乾拌手打麵，麵體Q彈 ，麻勁十足💪