香港九龍城｜Happy Together Hotpot

充滿舊香港情懷嘅同撈同煲一絲不苟地盡力展現八、九十年代香港嘅面貌，霓虹燈招牌光景、深木色桌椅配綠色牆身、綠色花紋瓷磚，加上播放張國榮、梅艷芳等首本名曲，身在其中，好似去咗一趟文化之旅！ 餐廳起用嘅夥記大部份係中年人士，説話語調親切有禮，連負責人都係最好嘅公關，不時行到食客身邊詢問食物質素，閒聊幾句，充滿人情味，呢啲喺商業化、速食嘅餐廳好難搵到！ 打優質邊爐嘅好處就係唔限時，同朋友食足兩個幾鐘，暢談加暢食，身心都滿足： ➺➺鹹蛋芥菜湯湯底$118 有大量芥菜同瘦肉，雖然唔係名貴食材熬成，但係湯底真係好清甜，係熱辣辣嘅夏日清熱下火之選，無放味精，好順喉，自己最少飲咗五六碗！ ➺➺賣魚勝推介海鮮拼盤$398 包括八頭鮑魚4隻、蟶子王2隻、海蝦6隻，負責人話海鮮係每日新鮮空運到港，以上幾款都好爽口彈牙，用打邊爐方式去食，食盡鮮味！ ➺➺梅花黑豚肉$108 餐廳將豚肉片卷成兩朵大花外型，肉片好大塊，肉質偏向結實！ ➺➺懷舊蝦多士$68 餐廳推介小食，自己都覺得係必食食物之一！叫得多士以為係包類食品會幾飽，點知佢好薄，1cm多d，一咬落去，極為鬆化，好似食緊餅乾咁，加埋餐廳提供嘅酸甜醬，好食到差啲想encore多一碟！ ➺➺老油條$28 老油條呢個名本身已經充滿情懷，自己成日打邊爐都好少喺出邊火鍋店見到，將炸到香酥可口嘅油條放落湯底滾幾秒，索晒湯汁食，滋味十足！ ➺➺蟹籽丸$68 手工丸好彈牙！咬落去會爆漿，入面嘅流心蟹籽流晒出嚟！ ➺➺魚皮餃$38 6隻大大隻，外皮好煙韌，打邊爐揀佢唔會錯！ ➺➺娃娃菜$38 望落去個樣都新鮮大棵，切得好完整，自己本身好鍾意食，好甘甜！ ➺➺冬瓜薏米水$28/杞子圓肉菊花蜜$28 自家製，消暑清熱，又有材料天然味道，飲完喉嚨好舒服又解渴，感覺養生保健！ 火鍋店最後仲贈送糖不甩，食法非常有趣，先將鯉魚造型糯米放入湯底，滾一陣拎上嚟切件，再撈埋花生、芝麻、黃糖粉一齊食，食到鹹鹹甜甜嘅味道，好特別！仲送埋懷舊小傘花奶啫哩，回憶湧上心頭！ **加一服務收費 ** 醬料及茶芥$15/位

九龍城周圍都係好野食！ 今次試下呢間又不俗啵！😎

今天傍晚時份在九龍城見完客收工，隨即又話掛8號風球。按近年情況，應該都會是天文台和勞動一族對著干;明早又會是上班時間前或一會兒後，就會宣布中午前又要趕人返工。但無論如何，今晚肯定可以瞓晏D，所以索性就地進食。記憶中，我都好似約三年多沒有在此一帶食嘢。上一次好似是食泰國嘢，今晚就來個非泰國嘢做菜單。 網絡搜索一下後，被此店的一個相片吸了，就是我孩童時好鐘意飲的綠寶汽水...衝咗入去… 同撈同煲，原來在此區都薄有名氣。店內以昔日舊香港，我最懷念的上世紀香港，我的童年、少年、初熟成人的舊物作裝飾。對於一些喜歡邊食嘢，邊打卡的食客，應該好鐘意。我強烈推薦比即將永別香港的一些人，和朋友到此食過散水飯，聚舊和古董級的飾物合照下，是一件美事。 當晚因為打8號風球，所以客人不多，我進食到一半之後，都只有4~5枱客，所以可以毫不客氣慢慢歎火鍋。 由於我不吃辣和內臟，所以選了花雕醉美人鍋。待人先來個預熱咗的湯底，隨後再端上一小個標準煲仔飯沙鍋咁多份量的鮮雞件。雞件放鍋煮熟後，再飲少少湯，二個人食完雞件，都可以有四成飽架。 火鍋又怎可以無牛肉，所以點了一份安格斯牛肉，268元咁大份，絕對抵食。邊食牛邊飲火鍋湯，又令我們到達七八成飽 最意想不到的是美國桶蠔，其中一隻體積超巨型，我要分4至5口慢慢咀嚼，咁就去到九成啦。 其餘則點了一些輕食，手工餃和即炸響鈴，全屬中上水準。 埋單結賬，還端上一個昔日香港酒樓啫喱甜點必有裝飾，迷你紙傘一把，真係好開心。