香港觀塘｜巧得鍋

巧得鍋 今次去食雞煲，餐廳除咗雞煲之外仲有火鍋同港式菜，比起平時大型連鎖店餐廳多一份親切感 二人餐招牌雞鍋 叫左bb辣(可以自己叫辣度)辣度啱啱好，會開着火一路煲，所以越食越辣，味道好地道唔錯，即使係lunch set份量都好足下 蒜蓉炒娃娃菜 炒得好香，夠火候，份量好足，同雞煲一齊食啱啱好，唔會覺得漏 西瓜汁 & 檸檬青蘋果梳打 西瓜汁飲得出係新鮮啱啱榨，再凍啲就更加好，好新鮮夠甜。推薦叫檸檬青蘋果梳打，青蘋果味好出，又唔會太甜啱啱好。 巧得鍋 (觀塘) 觀塘成業街15-17號成運工業大廈1樓12-14號舖 價錢：8/10 味道：8/10 服務：8/10

估唔到喺一間工廈入邊臥虎藏龍，有間咁高質嘅餐廳！餐廳有多種食物選擇，有得揀火鍋，雞煲，或者燒肉，咩都想食嘅人可以一路燒住肉黎打邊爐，諗起都開心！ 我同朋友今晚想打邊爐，揀咗鴛鴦鍋$138：冬瓜瑤柱豬骨鍋同蕃茄薯仔牛柳粒鍋。 送咗兩碟餐前小食，涼拌雲耳同花生，好開胃。另外店員比左醬料九宮格我地揀，夠晒誠意啊！火鍋配料方面揀左牛、羊、豬、手打丸同鴨血。 掛架安格斯牛頸脊 $188 (小) 安格斯牛頸脊用掛架冰鎮住，淥8-10秒食得，好重牛味，肉同油脂嘅分佈剛剛好。 手打三色丸$98 呢碟高度推薦！有蝦丸、墨魚丸同黑墨魚丸，超級彈牙！材料新鮮同足料，好好味。 日本水飼豬腩片、極上羊肉雙拼$88 羊肉非常濃味，豬腩片都好好味，食得出靚料。 嫩鴨血$58 鴨血好滑，好彈牙，點辣椒食最正！ 另外值得一提蕃茄鍋入面嘅牛柳粒都相當有驚喜，好有牛味有咬口，薯仔煲得軟腍好入味；豬骨鍋入面嘅冬瓜都好清甜，食完店員仲送兩粒雪米糍，相當滿足啊！ 餐廳座位闊落，有私人空間，食材也很高質，人均～$300 性價比超高！店員都好殷勤，會主動加湯同調較火力，下次會再黎！ 味道:⭐⭐⭐⭐⭐️ 環境:⭐⭐⭐⭐⭐️ 服務:⭐⭐⭐⭐⭐ 衛生:⭐⭐⭐⭐⭐ 抵食:⭐⭐⭐⭐⭐️ 評分: 8/10 人均消費：～$300 巧得鍋 (觀塘) 觀塘成業街15-17號成運工業大廈1樓12-14號舖 #觀塘美食 #觀塘必食 #觀塘打邊爐 #觀塘雞煲 #觀塘燒肉 #打邊爐推薦 #hkhotpot #hkchickenpot #hkfood #kwuntongfood #香港美食推薦 #香港打邊爐 #香港燒肉推薦 #hkfoodie #hongkongfood #hkfoodieblogger

招牌雞鍋半隻 (餐) ($168) 呢個雞煲雖然得半隻，但其實份量都唔少﹗而且超級惹味，愈食愈想食﹗ 魚湯娃娃菜 (跟餐) ($168) 食左咁多肉，當然要食番啲菜平衡番啦，餐廳好貼心咁個餐包埋菜﹗ 檸檬青蘋果特飲 (餐加購) ($10) 食完惹味雞煲飲番杯凍飲爽一爽先﹗呢杯野飲好靚，同埋檸檬青蘋果味好清新﹗