香港銅鑼灣｜SUPPA

🔸懷舊主題火鍋店🍲 店內佈置經典還原舊時代的家居擺設，並融入超有氣氛的霓虹燈和諾大的水晶吊燈，處處都是打卡點📸️ 🦞龍蝦鮑魚鮮蜆湯 大大件鮮龍蝦原隻下鍋，看著就令人食指大動！同場還有原隻扇貝、鮑魚和大量蜆，浸入蕃茄濃湯，非常豐富。蕃茄湯吸收海鮮精華很是鮮甜😋 龍蝦易起肉且質感彈牙，不用沾醬料已經非常好吃❤️ ㊗️福袋 有別於一般的福袋以豆腐皮包裹年糕，這裡的餡料是蛋和非魚子喲，爽彈的厚蛋和粒粒飛魚子結合而成的口感非常有趣😚 🐷日本黑豚五花腩片 高質腩片！瘦多肥少，煮熟之後呈現晶瑩質感，沾醬享用越吃越開胃😎 🐔花雕醉雞 醉雞下鍋後仍舊保持誘人的花雕酒香，嗜酒族必須來一道🤤

🇭🇰高質本地火鍋推介🍲 ✨滋潤木瓜蕃茄鮮魚湯、胡椒豬肚湯（鴛鴦湯底）$148 兩款湯底都驚喜地好高質！！！ 特別想講蕃茄鮮魚湯底真係有大半條魚尾！ 仲要係煎炸過再放入湯底熬！ 條魚香口得嚟依然好嫩滑好食～～～ 本身好鍾意食魚嘅我真係覺得好正(๑˃̵ᴗ˂̵) 胡椒豬肚湯入面好足料咗好海量酸菜同豬肚！ overall嚟講兩款湯底都好正好真材實料！ ✨大刀手切本地牛頸脊(小）$208 牛味濃郁，肉質同口感都中上級！ 肥瘦適中，而且份量唔少！ 我自己會加麻醬、沙茶醬同埋炸蒜一齊食（世一食法！ ✨十下三寶滑 $138 髮菜蠔豉牛筋滑、蝦籽蝦乾鮮蝦滑、鹹蛋黃墨魚滑 各一顆 呢三款滑都好好食！！！ 牛筋滑牛味濃郁，加埋髮菜蠔豉又幾夾！ 蝦滑超鮮味！！！完全好似食緊蝦餃入面個餡咁，而且仲好滑，咬落仲有蝦籽粒粒好有口感！個人最鍾意呢款😆 墨魚滑又係好香甜彈牙，配埋鹹蛋黃嘅鹹香，鹹香+鮮甜味道好豐富！ ✨六合彩 $98 三星蔥醬爆貢丸、醬爆瀨尿牛丸、黃金麻吉、流心粟米丸、麻辣湯包、芝士丸各兩粒 最鍾意貢丸同牛丸！但咬落去個下會爆汁！ 大家攤一攤先好食，唔係會辣親條脷㗎～ 流心粟米丸都幾特別亦幾好食，內餡好似粟米湯～ 🔹紫菜響鈴 $64 響鈴係我打邊爐必叫食物之一 今次見到紫菜響鈴，好好奇係咩味！ 浸完一秒即刻夾起身，食落紫菜味好重 紫菜濕咗之後會比較煙韌，比平時食響鈴亦會少咗份油膩感 不過個人都係鍾意響鈴個度炸到香脆嘅味道同口感，但就真係邪惡啲😮‍💨 🔹蟶子皇 $78 店員推薦嘅時令新鮮蟶子皇～ 新鮮又大大隻，食落好鮮甜好有咬口！ 🔹勝瓜 $36 平時我好鍾意食蒜蓉粉絲勝瓜～ 打邊爐烚到淋晒再沾啲蒜蓉嚟食，超正！！ ✨竹蔗茅根 $48 推薦！一大樽份量不少，好清甜好好飲！ 打邊爐最怕熱氣，飲返啲下火嘅竹蔗茅根岩晒😙 值得一提嘅係，呢度嘅店員服務態度超級好！！！ 佢哋唔單單會介紹醬汁、湯底、菜式，仲會幫手隔油！ 平時喺外面打邊爐叫店員加湯可能都要三催四請 但呢度嘅service真係做得好足～ 幫湯底隔油呢樣嘢真係令我感覺好impressed～🥹 真心推介大家一班人上嚟打下邊爐聚下～

港式懷舊邊爐｜超級推介蕃茄木瓜魚湯🤤 前幾日趁住早收工，同男友過咗嚟銅鑼灣搵嘢食，上網見呢間邊爐店評價唔錯，就去咗試，點知幾有驚喜，亦相當滿意😋 而且裝修好懷舊，見唔少人都喺度打卡，幾推薦比鍾意打邊爐嘅朋友仔！ ———————————————————————— 🌟 二人套餐 $328/位 呢個二人套餐又幾抵食，包咗以下咁多樣嘢食，我哋仲加錢要咗份新鮮象拔蚌仔，兩個人食完都捧住個肚走，超級滿足！ ✨ 湯底 我哋嗌咗鴛鴦湯底，分別係好滋潤嘅木瓜蕃茄鮮魚湯同埋胡椒豬肚湯。兩個湯底都幾出色，由其係個魚湯，擺咗成條魚尾落去滾湯，令到個湯超鮮甜😳 最後店員仲幫我哋撈咗條魚上嚟，就咁點豉油食都好滑好好食😋 ✨ 麻辣鴨血 呢個鴨血係就咁食嘅，個麻辣味都幾出，而鴨血份量都唔少，有成5-6嚿，仲要好滑添🤤 ✨ 大刀手切本地牛頸脊（小） 之前打邊爐都好驚食牛頸脊，通常都比較韌😮‍💨 但呢度嘅又唔會，切到大大片，有咬口得嚟又滑溜，幾乎冇咩筋位，相當唔錯！ ✨ 花雕醉雞 醉雞係男友至愛，啲雞件都幾多嚿下，而且嚿嚿都啖啖肉，男友大讚佢啲醉雞就算浸過湯都仲有酒味，算係少有👍🏻 ✨ 十下三寶滑 三寶滑分別有蝦滑、牛筋滑同墨魚滑，店員會過嚟親自幫我哋落啲滑，服務好周到👍🏻 當中令我驚喜嘅係佢嘅墨魚滑，入面有大大粒嘅墨魚肉，好爽口，每食一啖都好有口感😋 ✨ 三星蔥醬爆貢丸 呢個貢丸超好味，而且超大粒🤤 入面由三星蔥加肉碎組成，一咬落口就咇哂啲肉汁出嚟，蔥味好香，就算我平時唔好食蔥都好鍾意😛 ✨ 懷舊果皮魚蛋 懷舊邊爐又點少得夠哂懷舊嘅果皮魚蛋，份量又係好多，每粒都夠哂彈牙，而且浸完湯都仲有淡淡嘅果皮香，佢啲丸特別高質！ ✨ 鳳城水餃 佢呢度嘅鳳城水餃都幾好食，首先嚿餃子就咁睇已經好飽滿，入面啲餡料好足，嚿蝦都好大粒，最緊要係餃子皮夠薄，好味！ ✨ 蔬菜拼盤 又係超大份嘅蔬菜拼盤，有粟米、冬菇、白蘿蔔、生菜同娃娃菜，蔬菜全部都幾新鮮下，我哋將啲粟米放落蕃茄湯度，食落勁鮮甜😋 ✨ 脆炸響鈴 呢度嘅響鈴都好多下，每嚿都大大嚿，通常我都會浸3秒就擺入口，食落又脆又軟，最鍾意呢種口感😌 ✨ 象拔蚌仔 $138 我哋另外加咗4隻象拔蚌仔，其實我覺得都幾大隻下，淥一陣就食得，口感幾爽口，而且淥完都仲係好大隻，好滿足😝 ✨ 竹蔗茅根 +$15 打邊爐當然唔少得飲涼茶下下火，我哋加咗錢嗌一jar竹蔗茅根，打邊爐咁熱氣，飲佢就可以順便清下熱解下毒😗