香港土瓜灣｜Hon Po Restaurant

自從土瓜灣星廚坊榮休之後，同區都唔知邊到有好味嘅芝士龍蝦伊麵，唯一未試過係漢寶酒樓. 自從壹點甜轉做點心(以前唔係做中式點心，聽個店名就知!)而一直幫襯，已經好少上酒樓，再變成有D抗拒去酒樓，因為又貴又唔好食，所以遲遲唔去漢寶. 搵咗好耐，連老遠 (對我老人家嚟講係老遠!) 嘅紅磡街巿都去埋，係文記食咗個好唔掂嘅芝士大蝦伊麵之後，開始有D認命，可能真係要上去漢寶會一會佢地嘅龍蝦伊麵. 為慶祝新年食好D，於是去漢寶慶祝吓! 大大話話有6年無幫襯漢寶，上到去地方闊落，時間尚早所以大把位. 見到有份推介，龍蝦伊麵加半隻脆皮燒雞, 都係 $538，點咗一客，另加蒜蓉炒豆苗，可惜龍蝦伊麵係上湯唔係芝士焗. 蒜蓉炒豆苗味道較重，減咸更夾自己口味. 脆皮燒雞皮脆肉嫩，只可惜唔多夠熱. 龍蝦伊麵龍肉彈牙又入味，份量足無偷工減料，伊麵沾上不少上湯變得更惹味. 上龍蝦伊麵嘅侍應竟然一身廚房師傅裝束，埋單又無人理，好明顯人手不足，反哂鄉下過年吧......

抵食到震，2人連加一服務費$330埋單，已計花生，茶錢 1.一條 沙巴龍躉仔 （比起一般酒樓兩人份量大） 2.半隻炸子雞 ，出面價錢食開都$90至$120 3.四隻果皮蒸鮑魚仔 ，唔算最細隻（街市最平買細隻都50份4隻，靚d唔止啦） 4.西瓜4件 呢間酒樓比起其他酒樓嚟講，有勁多套餐自由配搭，實有一款啱你食 ，而且味道當然係舊式酒樓風味，ok㗎 p.s 好老實呢個價錢你去大排檔食都唔得，但你要知道酒樓一定坐得舒服，而且 招呼不錯

難得的舊式酒樓，點心唔錯，不要以為舊式酒樓會冷冷清清，全錯！旺到嚇死我了！