香港銅鑼灣｜Cheung Kung Koon

🔻紅燒乳鴿 HKD$98 ꕀ 乳鴿嫩滑 入口皮脆肉香 而且唔騷 證明醃製過程掌握得十分之好 🔻張公館. 蝦餃皇 HKD$78 ꕀ 蝦餃外觀晶瑩通透 水晶表皮薄而煙韌 蝦仁餡料爽滑彈牙 食完之後覺得非常滿足 🔻脆脆笑哈哈 HKD$68 ꕀ 口感豐富 層次分明 紮實Q彈嘅鮮蝦 上面夾住脆卜卜嘅薄脆 之後再被滑捋捋嘅腸粉皮覆蓋 當蘸上甜豉油/辣椒醬 食起嚟就好似炸兩版嘅蝦腸，相當有趣 *推介必食之一 🔻翡翠明珠球 (3粒) HKD$58 ꕀ 內餡以菠菜做主調 當中混合適量蝦肉 再加上表面一層薄薄嘅竹笙外皮 即時令明珠球 增添無限爽口嘅質感 🔻酥皮菠蘿叉燒包 HKD$58 ꕀ 菠蘿皮做得輕盈酥脆、唔油膩 食落去有少少似墨西哥包 而柔軟嘅包身 除咗有叉燒粒內餡之外 更有真菠蘿粒做點綴 兩者味道極為合襯 每啖都會食到鹹甜交融 認真滋味 🔻杏汁豬肺湯 HKD$98 ꕀ 熱辣辣出爐嘅杏汁豬肺湯 揭開鍋蓋嗰陣 聞到陣陣杏香 飲起嚟感覺滑溜 另外豬肺唔腥 更帶有提鮮作用 飲完成個人都會好潤、好舒服

呢間餐廳喺電訊數碼嘅老闆開嘅，好耐之前已經好想嚟，今日終於有機會試一試，我哋嗌咗滷水乳鴿，通常食宵夜較多，但係滷水乳鴿都係第一次食，不過佢d肉都真係好嫩，同埋好入味，另外亦都嗌咗佢哋嘅臘味菜心，好耐冇食過臘腸同埋臘肉，真係同菜心炒埋一齊都幾夾味，最後當然係唔少得嘅就係要試吓佢哋嘅水煮魚，佢哋嘅水煮魚係用龍躉整嘅，啲味都跳得好好，龍躉肉係爽口同埋都幾滑，入面仲有幾條粉條，補充澱粉質，最後都要提一提佢哋嘅砂礓豬手，雖然係冷盤，但都真係好入味

面對維港景, 嘆茶好滋味 !! 今日天朗氣清, 我們約了去銅鑼灣 V Point 的 [張公館] 嘆個午茶. 餐廳 位於 V Point 29 樓, 電梯直達. 餐廳樓底高, 面對維港景, 落地玻璃窗空間感十足 ! 侍應招呼有禮, 我們坐下, 點了鐵觀音茶, 水滾茶靚. 店員快速送上餐牌及開胃小食: 香辣蒜蓉雲耳仔, 酸蕎頭, 開胃爽脆, 蒜味濃. 部長介紹, 特式點心小食, 有粵, 潮州, 川, 可辣可不辣. 先嘗潮汕小食, 香煎墨斗卵粿, 擺設清新, 墨魚卵做的粿, 切成片塊, 伴上蕃茄夾青瓜. 墨斗卵粿 煎至金黃色, 內裡軟嫩雪白, 味道鮮甜可口, 很有嚼勁, 沾些辣椒醬, 好食! 櫻花蝦蘿蔔糕, 蘿蔔糕面鋪滿櫻花蝦, 煎得香而不焦. 蘿蔔糕不很厚, 蘿蔔味濃, 更有臘腸臘肉粒, 味道不錯. 翡翠明珠球 熱熱的送上, 翠綠色的明珠球, 外面網有竹笙皮像珍珠, 上面放有橙色蟹稃, 形像很美. 內餡飽滿有鮮菜苗, 蝦肉, 新鮮爽口. 味道甘香迷人. 這個蒸點好滿意. 麻辣燒賣, 大大顆新鮮蒸起的燒賣好飽滿, 肉香四溢, 頂上有蟹稃作點綴, 豬肉打得彈牙, 混合爽口蝦肉, 味道帶麻辣, 更特別, 新嚐試 脆脆笑哈哈, 有點像春風得意腸, 炸得香 , 唔會油膩, 腸粉皮薄, 口感挺滑. 內餡有脆脆網皮包著鮮蝦, 蝦肉好食又新鮮, 網皮炸得鬆脆. 豉油好靚. 濃雞湯浸春筍絲, 還有保溫燭臺, 啖啖雞湯 好好味. 春筍絲切成長條子, 浸 在香濃的雞湯中, 口感清甜. 餐後甜品, 養顏紅棗糕, 生磨蛋白杏仁茶, 侍應好細心, 在上菜單 上 註明 [等叫起], 安排得好好. 紅棗糕, 外表紅潤晶瑩, 入口煙韌, 紅棗味道芳香, 補血養顏妙品. 生磨蛋白杏仁茶, 潤肺養顏, 多食有益, 杏仁味香濃, 蛋白甘香軟滑, 食得好滿意. 真係極致嘅享受！強烈推薦 !